San Mateo 7:23 - Li Santil hu

²³ Ut la̱in tinye reheb, “La̱ex ma̱cuaꞌex cualal incꞌajol. La̱in incꞌaꞌ ninnau e̱ru. Elenkex chicuu, ex aj ba̱nuhom ma̱usilal.”

Q'eqchi Bible

²³ Toja' naq tinye reheb': «Maajun wa xinnaw eeru. Elenqex chiwu, ex aj b'aanuhom maa'usilal!».

San Mateo 7:23 ပူးပေါင်းရင်းမြစ်များ

San Mateo 25:41

Tojoꞌnak la̱in li Rey tinye reheb li cuanqueb saꞌ lin tzꞌe: “Elenkex chicuu. Tzꞌekta̱nanbilex saꞌ li xam li ma̱ jokꞌe ta̱chupk cꞌu̱banbil chak chokꞌ re laj tza ut reheb ajcuiꞌ lix ángel.

Salmos 6:8

La̱ex aj ba̱nuhom ma̱usilal, canabomak inchꞌiꞌchꞌiꞌinquil xban nak li Ka̱cuaꞌ Dios xrabi nak xinya̱bac chiru.

San Lucas 13:27

Ut laj e̱chal cab tixye cuiꞌchic e̱re, “Ninye e̱re nak incꞌaꞌ ninnau bar xexchal chak. Elenkex chicuu, la̱ex aj ba̱nuhom ma̱usilal”, chaꞌak.

San Lucas 13:25

Nak acak xtzꞌap li oqueba̱l laj e̱chal re li cab, la̱ex texcana̱k chirix cab ut te̱tochꞌ raj chic li puerta ut te̱ye, “Ka̱cuaꞌ, Ka̱cuaꞌ, te li puerta chiku”, chaꞌkex. Abanan aꞌan ta̱chakꞌok ut tixye e̱re, “Incꞌaꞌ ninnau e̱ru bar xexchal chak”, chaꞌak.

San Mateo 25:12

Ut li be̱lomej quichakꞌoc ut quixye reheb: “Relic chi ya̱l tinye e̱re incꞌaꞌ ninnau e̱ru.”

San Juan 10:14

La̱in chanchanin jun cha̱bil pastor. La̱in ninnau ruheb li cualal incꞌajol. Ut eb aꞌan nequeꞌxnau cuu la̱in.

Apocalipsis 22:15

Abanan li incꞌaꞌ useb xnaꞌleb incꞌaꞌ ta̱ru̱k teꞌoc saꞌ li tenamit aꞌan, chi moco laj tu̱l, chi moco laj coꞌbe̱t laj yumbe̱t, chi moco li nequeꞌxcamsi ras ri̱tzꞌineb ut eb li nequeꞌlokꞌonin jalanil dios joꞌqueb ajcuiꞌ li nequeꞌcuulac chiru balakꞌic ut ticꞌtiꞌic.

2 Timoteo 2:19

Abanan lix ya̱lal qꞌuebil ke xban li Dios incꞌaꞌ naru najalman ru. Joꞌcaꞌin tzꞌi̱banbil saꞌ li Santil Hu: li Dios naxnau ruheb li ralal xcꞌajol, ut chixjunileb li teꞌxcꞌabaꞌin xcꞌabaꞌ li Ka̱cuaꞌ, tento nak teꞌxcanab chi junaj cua li ma̱usilal.

Salmos 5:5

La̱at incꞌaꞌ nacacuil xtokꞌoba̱l ruheb li kꞌetkꞌeteb. Xicꞌ ban nacacuil li incꞌaꞌ useb xnaꞌleb.

Salmos 119:115

La̱ex li incꞌaꞌ us e̱naꞌleb, canabomak inchꞌiꞌchꞌiꞌinquil. La̱in tincuaj xba̱nunquil li cꞌaꞌru naxye lix chakꞌrab lin Dios.