San Mateo 7:22 - Li Santil hu

²² Nabaleb li teꞌyehok cue saꞌ xkꞌehil li rakba a̱tin, “Ka̱cuaꞌ, Ka̱cuaꞌ, ¿ma ma̱cuaꞌ ta biꞌ saꞌ a̱cꞌabaꞌ coa̱tinac joꞌ profeta? ¿Ma ma̱cuaꞌ ta biꞌ saꞌ a̱cꞌabaꞌ co-isin ma̱us aj musikꞌej? La̱o nabal li milagro quilajkaba̱nu saꞌ a̱cꞌabaꞌ”, chaꞌkeb.

Q'eqchi Bible

²² Naab'aleb' te'yehoq we sa' li kutan a'an: «Qaawa', Qaawa', ma ink'a' tab'i' xoo'aatinak jo' propeet sa' aak'ab'a', ut xoo'isink maa'us aj musiq'ej sa' aak'ab'a', ut xqab'aanu naab'al sachb'ach'oolej sa' aak'ab'a'?».

San Mateo 7:22 ပူးပေါင်းရင်းမြစ်များ

2 Timoteo 1:12

Joꞌcan nak nincuy chixjunil li raylal ut incꞌaꞌ ninxuta̱nac xban nak cꞌojcꞌo inchꞌo̱l riqꞌuin li Ka̱cuaꞌ. Aꞌan li ninpa̱b ut xinkꞌaxtesi cuib saꞌ rukꞌ. Ninnau nak aꞌan ta̱tenkꞌa̱nk cue tojaꞌ yal nak ta̱cꞌulu̱nk cuiꞌchic li Jesucristo.

2 Timoteo 4:8

Anakcuan caꞌaj chic lin ma̱tan nacuoybeni li naqꞌueheꞌ reheb li ti̱queb xchꞌo̱l. Li Ka̱cuaꞌ li narakoc a̱tin saꞌ ti̱quilal, aꞌan ta̱qꞌuehok cue saꞌ li cutan nak tol-e̱lk cuiꞌchic. Ut moco caꞌaj cuiꞌ ta cue la̱in tixqꞌue. Tixqꞌue aj ban cuiꞌ reheb chixjunileb li yo̱keb chi oybeni̱nc re lix cꞌulunic chi anchaleb xchꞌo̱l.

San Juan 11:51

Laj Caifás, aꞌan li xyucuaꞌil aj tij saꞌ li chihab aꞌan. Ut li cꞌaꞌru quixye incꞌaꞌ quixye yal xjunes. Quixye ban xban nak li Dios quicꞌutuc chiru li cꞌaꞌru tixye. Joꞌcan nak quixye nak li Jesús ta̱ca̱mk saꞌ xcꞌabaꞌeb laj judío.

Números 24:4

Laj Balaam quixye resil li cꞌaꞌru ta̱cꞌulma̱nk. Quixye: —La̱in laj Balaam li quin-abin re li cꞌaꞌru quixye li Ka̱cuaꞌ. La̱in quin-iloc re li visión li quixcꞌutbesi li nimajcual Dios. La̱in quincubsi cuib chiru li Ka̱cuaꞌ, ut aꞌan quixcꞌut lix ya̱lal chicuu.

1 Ts 5:4

Aꞌut la̱ex herma̱n, moco saꞌ kꞌojyi̱n ta chic cuanquex. Ac nequenau chic lix ya̱lal. Li Jesucristo incꞌaꞌ ta̱cha̱lk chi ma̱cꞌaꞌak saꞌ e̱chꞌo̱l joꞌ nak nachal laj e̱lkꞌ.

San Lucas 10:12

Relic chi ya̱l tinye e̱re nak toj cubenak caꞌchꞌin lix tojbal xma̱queb li tenamit Sodoma chiru lix tojbal xma̱queb li tenamit aꞌin saꞌ xkꞌehil li rakba a̱tin.—

San Mateo 25:11

Ut nak queꞌsukꞌi chak li o̱b chi tukꞌ ixk chixlokꞌbal xyaꞌal lix xameb, queꞌoc chi bokoc saꞌ li oqueba̱l ut queꞌxye: “Ka̱cuaꞌ, te li cab chiku,” chanqueb.

San Mateo 24:36

Abanan ma̱ ani nanaꞌoc re jokꞌe lix kꞌehil ut lix ho̱nal incꞌulunic. Eb li ángel saꞌ choxa incꞌaꞌ nequeꞌxnau chi moco la̱in li Cꞌajolbej ninnaꞌoc re. Caꞌaj cuiꞌ li Dios Acuabej nanaꞌoc re jokꞌe ta̱cꞌulma̱nk aꞌin.

San Mateo 7:21

Moco chixjunileb ta li nequeꞌyehoc “Ka̱cuaꞌ, Ka̱cuaꞌ” cue, teꞌoc saꞌ lix nimajcual cuanquilal li Dios. Aban li nequeꞌba̱nun re li naraj lin Yucuaꞌ cuan saꞌ choxa, aꞌaneb li teꞌoc saꞌ lix nimajcual cuanquilal li Dios.

Isaías 2:17

Eb li nequeꞌxnimobresi ribeb ut eb li nequeꞌxkꞌetkꞌeti ribeb ta̱cubsi̱k xcuanquileb. Saꞌ eb li cutan aꞌan caꞌaj cuiꞌ li Ka̱cuaꞌ Dios ta̱nima̱k xcuanquil.

Isaías 2:11

Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

2 Timoteo 1:18

La̱at nacanau chi tzꞌakal nak quixqꞌue xchꞌo̱l chi tenkꞌa̱nc aran Éfeso. Aꞌ taxak li Ka̱cuaꞌ Dios chi-uxta̱na̱nk ru saꞌ xkꞌehil xcꞌulunic li Ka̱cuaꞌ Jesucristo.

2 Ts 1:10

Chixjunil aꞌin ta̱cꞌulma̱nk saꞌ li cutan nak tol-e̱lk cuiꞌchic li Ka̱cuaꞌ Jesucristo. Saꞌ li cutan aꞌan li Jesucristo ta̱lokꞌoni̱k xbaneb chixjunileb li nequeꞌpa̱ban re. La̱ex cuanquex saꞌ xya̱nkeb aꞌan. Rehex chic li Cristo xban nak ac xepa̱b lix ya̱lal li xkachꞌolob che̱ru.

San Mateo 10:15

Relic chi ya̱l tinye e̱re nak toj cubenak caꞌchꞌin lix tojbal xma̱queb li tenamit Sodoma ut li tenamit Gomorra chiru lix tojbal xma̱queb li tenamit aꞌan saꞌ xkꞌehil li rakba a̱tin.

Números 31:8

Queꞌxcamsiheb li o̱b chi rey aj Madián. Aꞌaneb laj Evi, laj Requem, laj Zur, laj Hur, ut laj Reba. Ut queꞌxcamsi ajcuiꞌ chi chꞌi̱chꞌ laj Balaam li ralal laj Beor.