San Mateo 7:21 - Li Santil hu

²¹ Moco chixjunileb ta li nequeꞌyehoc “Ka̱cuaꞌ, Ka̱cuaꞌ” cue, teꞌoc saꞌ lix nimajcual cuanquilal li Dios. Aban li nequeꞌba̱nun re li naraj lin Yucuaꞌ cuan saꞌ choxa, aꞌaneb li teꞌoc saꞌ lix nimajcual cuanquilal li Dios.

Q'eqchi Bible

²¹ “Moko chixjunil ta li nayehok we: «Qaawa', Qaawa'», taa'ok sa' li xnimajwal wankilal li choxa, taa'ok b'an li taab'aanunq re li rajom linchoxahil Yuwa'.

San Mateo 7:21 ပူးပေါင်းရင်းမြစ်များ

Romanos 2:13

Chiru li Dios incꞌaꞌ ti̱c xchꞌo̱l junak yal riqꞌuin xnaubal li chakꞌrab. Aban li nequeꞌba̱nun re li naxye li chakꞌrab ti̱queb xchꞌo̱l chiru li Dios.

San Lucas 6:46

¿Cꞌaꞌut nak nequeye, “Ka̱cuaꞌ, Ka̱cuaꞌ” cue cui incꞌaꞌ nequeba̱nu li cꞌaꞌru ninye?

Santiago 1:22

Chepa̱bak ut cheba̱nuhak li cꞌaꞌru naxye li ra̱tin li Dios. Me̱balakꞌi e̱rib chixcꞌoxlanquil nak tzꞌakal riqꞌuin caꞌaj cuiꞌ rabinquil li ra̱tin. Tento ban ajcuiꞌ xba̱nunquil li naxye li ra̱tin li Dios.

San Lucas 11:28

Li Jesús quichakꞌoc ut quixye: —Kꞌaxal cuiꞌchic us chokꞌ reheb li nequeꞌabin re li ra̱tin li Dios ut nequeꞌxba̱nu li cꞌaꞌru naxye.—

Tito 1:16

Nequeꞌxye nak nequeꞌxpa̱b li Dios, aban riqꞌuin li cꞌaꞌru nequeꞌxba̱nu nacꞌutun nak moco ya̱l ta. Aj kꞌetoleb ra̱tin li Dios ut kꞌaxal yibru lix naꞌlebeb. Incꞌaꞌ useb. Ma̱cꞌaꞌ junak cha̱bil cꞌanjel ta̱ru̱k teꞌxba̱nu.

Hebreos 4:6

Queꞌrabi li ra̱tin li Dios najter ut cuan li incꞌaꞌ queꞌoc chi hila̱nc riqꞌuin xban nak incꞌaꞌ queꞌpa̱ban. Aban li ani napa̱ban anakcuan toj naru ta̱oc chi hila̱nc riqꞌuin.

San Juan 6:40

Li Yucuaꞌbej li quitaklan chak cue, aꞌan naraj nak chixjunileb li teꞌxqꞌue retal nak la̱in li Cꞌajolbej ut tineꞌxpa̱b ta̱cua̱nk xyuꞌameb chi junelic. Ut la̱in tincuaclesiheb ut tinqꞌue xyuꞌameb saꞌ rosoꞌjiqueb li cutan, chan li Jesús.

Apocalipsis 3:5

Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, aꞌan ta̱tikiba̱k riqꞌuin saki akꞌej. Ut la̱in incꞌaꞌ tinsach lix cꞌabaꞌ saꞌ li hu tzꞌi̱banbil cuiꞌ xcꞌabaꞌeb li cuanqueb xyuꞌam chi junelic. Ut chiru lin Yucuaꞌ ut chiruheb ajcuiꞌ lix ángel, la̱in tinye nak aꞌan cualal incꞌajol.

1 Pedro 4:2

Ut jarub cutan chic toj yoꞌyo̱kex cheba̱nuhak li cꞌaꞌru naraj li Dios, ut incꞌaꞌ chic yo̱kex chixba̱nunquil li cꞌaꞌru querahi chak ru junxil.

Hebreos 13:21

Chicua̱nk taxak li rusilal li Dios e̱riqꞌuin re nak te̱ba̱nu li cꞌaꞌru naraj. Chixba̱nuhak taxak li Dios li cꞌaꞌru naraj e̱riqꞌuin saꞌ xcꞌabaꞌ li Jesucristo. Lokꞌoninbil taxak li Jesucristo chi junelic kꞌe cutan. Joꞌcan taxak.

San Mateo 12:50

Chixjunileb li teꞌba̱nu̱nk re li naraj lin Yucuaꞌ li cuan saꞌ choxa, aꞌaneb li cui̱tzꞌin, aꞌaneb li cuanab ut aꞌaneb lin naꞌ, chan.

Apocalipsis 22:14

Us xak reheb li cuybil sachbil xma̱queb xban li Dios, xban nak eb aꞌan ta̱ru̱k teꞌxtzaca li ru li cheꞌ li retalil li junelic yuꞌam. Ut teꞌoc ajcuiꞌ saꞌ li oqueba̱l re li tenamit.

San Juan 3:5

Quichakꞌoc li Jesús ut quixye re: —Relic chi ya̱l ninye a̱cue nak ani incꞌaꞌ ta̱yoꞌla̱k riqꞌuin haꞌ ut riqꞌuin li Santil Musikꞌej moco ta̱ru̱k ta ta̱oc rubel lix nimajcual cuanquilal li Dios.

San Mateo 18:3

Ut quixye reheb: —Relic chi ya̱l tinye e̱re cui incꞌaꞌ te̱jal e̱naꞌleb ut cui incꞌaꞌ kꞌunak e̱chꞌo̱l joꞌ li chꞌina al aꞌin, incꞌaꞌ tex-oc saꞌ lix nimajcual cuanquilal li Dios.

San Juan 7:17

—Li ani ta̱ajok xba̱nunquil li cꞌaꞌru naraj li Dios, aꞌan tixnau ma re li Dios li tijleb li yo̱quin chixcꞌutbal malaj ut yal incꞌaꞌux injunes.

Romanos 12:2

Me̱ba̱nu chic joꞌ nequeꞌxba̱nu li toj ma̱jiꞌ nequeꞌpa̱ban. Kꞌaxtesihomak ban e̱rib rubel rok rukꞌ li Dios re nak aꞌan tix-acꞌobresi le̱ chꞌo̱l ut le̱ cꞌaꞌux, ut te̱nau chic li cꞌaꞌru naraj li Dios. Chexcua̱nk saꞌ cha̱bilal, ut chi tzꞌakalak re ru le̱ yuꞌam re nak sahak xchꞌo̱l li Dios e̱riqꞌuin.

San Marcos 3:35

Xban nak li ani naba̱nun re li naraj li Dios, aꞌan li cui̱tzꞌin, aꞌan li cuanab, ut aꞌan lin naꞌ, chan.

1 Ts 5:18

Chextioxi̱nk riqꞌuin chixjunil li cꞌaꞌru nequecꞌul xban nak joꞌcan naraj li Dios e̱riqꞌuin la̱ex xban nak junajex chic riqꞌuin li Jesucristo.

Efesios 6:6

Moco toj yo̱keb ta che̱rilbal nak te̱ba̱nu le̱ cꞌanjel re nak sahak xchꞌo̱l le̱ patrón e̱riqꞌuin. Chexcꞌanjelak ban chiru le̱ patrón joꞌ nak yo̱kex chi cꞌanjelac chiru li Cristo. Chi anchal e̱chꞌo̱l cheba̱nuhak li naraj li Dios.

1 Pedro 2:15

Li Dios naraj nak texcua̱nk saꞌ xya̱lal. Nak teꞌril le̱ ti̱quilal, li incꞌaꞌ useb xnaꞌleb ut li incꞌaꞌ nequeꞌxnau xya̱lal, incꞌaꞌ chic teꞌa̱tinak che̱rix.

San Mateo 25:21

Ut lix patrón quixye re: “Kꞌaxal us xaba̱nu. La̱at cha̱bilat ut tzꞌakalat aj cꞌanjel. Saꞌ xbe̱n li caꞌchꞌin xinkꞌaxtesi a̱cue, cha̱bil xat-el. Anakcuan tinkꞌaxtesi chic nabal a̱cue. Chisahokꞌ saꞌ la̱ chꞌo̱l xban nak tattzꞌako̱nk ajcuiꞌ riqꞌuin li sahil chꞌo̱lejil li cuan cuiqꞌuin la̱in,” chan.

1 Ts 4:3

Li Dios naraj nak texcua̱nk saꞌ santilal. Mexcoꞌbe̱tac mexyumbe̱tac.

Colosenses 4:12

Joꞌcan ajcuiꞌ laj Epafras naxtakla ajcuiꞌ xsahil e̱chꞌo̱l. Aꞌan e̱rech tenamitil ut aꞌan aj cꞌanjel chiru li Cristo. Junelic yo̱ chi tijoc che̱rix re nak texcua̱nk saꞌ xya̱lal ut cauhak e̱chꞌo̱l saꞌ le̱ pa̱ba̱l chixba̱nunquil chi tzꞌakal joꞌ naraj li Dios.

San Lucas 13:25

Nak acak xtzꞌap li oqueba̱l laj e̱chal re li cab, la̱ex texcana̱k chirix cab ut te̱tochꞌ raj chic li puerta ut te̱ye, “Ka̱cuaꞌ, Ka̱cuaꞌ, te li puerta chiku”, chaꞌkex. Abanan aꞌan ta̱chakꞌok ut tixye e̱re, “Incꞌaꞌ ninnau e̱ru bar xexchal chak”, chaꞌak.

Hechos 14:22

Yo̱queb chixqꞌuebal xcacuil xchꞌo̱leb laj pa̱banel. Queꞌxye reheb nak teꞌxpa̱b li Ka̱cuaꞌ chi anchaleb xchꞌo̱l ut incꞌaꞌ teꞌxcanab xpa̱banquil. Queꞌxye reheb nak tento teꞌxcuy xnumsinquil li raylal re nak teꞌoc saꞌ lix nimajcual cuanquilal li Dios.

San Lucas 18:25

Ma̱min ta̱ru̱k ta̱numekꞌ junak nimla xul camello saꞌ ru junak cu̱x. Joꞌcan ajcuiꞌ li biom. Ma̱ jokꞌe ta̱ru̱k ta̱oc saꞌ xnimajcual cuanquilal li Dios cui caꞌaj cuiꞌ lix biomal naxcꞌoxla, chan li Jesús.

San Marcos 9:47

Cui li xnakꞌ a̱cuu ta̱qꞌuehok a̱cue chi ma̱cobc, us raj cui ta̱cuisi. Mas us nak tat-oc saꞌ xnimajcual cuanquilal li Dios riqꞌuin jun li xnakꞌ a̱cuu chiru nak tatxic saꞌ li xbalba riqꞌuin cuib xnakꞌ a̱cuu.

San Mateo 19:24

Tinye ajcuiꞌ e̱re nak incꞌaꞌ raj chꞌaꞌaj nak ta̱numekꞌ junak nimla xul camello saꞌ ru junak cu̱x chiru nak ta̱oc junak biom rubel xcuanquil li Dios.

San Mateo 18:35

Ut joꞌcaꞌin ajcuiꞌ tixba̱nu e̱re la̱ex lin Yucuaꞌ cuan saꞌ choxa cui incꞌaꞌ te̱cuy xma̱queb le̱ ras e̱ri̱tzꞌin chi anchal e̱chꞌo̱l che̱junju̱nkalex, chan li Jesús.

San Juan 15:23

Li ani xicꞌ na-iloc cue la̱in, xicꞌ ajcuiꞌ naril lin Yucuaꞌ.

San Mateo 26:42

Ut li Jesús co̱ cuiꞌchic xcaꞌ sut chi tijoc ut quixye: —At inYucuaꞌ, cui ta naxqꞌue rib nak incꞌaꞌ raj tincꞌul li raylal aꞌin, abanan chi-uxma̱nk li cꞌaꞌru nacacuaj la̱at.—

San Mateo 16:17

Tojoꞌnak quichakꞌoc li Jesús ut quixye re: —Us xak a̱cue, at Simón, ralalat laj Jonás, xban nak moco cui̱nk ta xcꞌutbesin cha̱cuu lix ya̱lal aꞌin. Lin Yucuaꞌ cuan saꞌ choxa, aꞌan ban li xcꞌutbesin cha̱cuu.

Apocalipsis 2:27

Eb aꞌan teꞌtakla̱nk saꞌ xbe̱neb li tenamit chi cau. Chanchan nak teꞌxtaklaheb riqꞌuin jun li xukꞌ chꞌi̱chꞌ. Ut ta̱sachekꞌ xcuanquileb li teꞌtakla̱nk cuiꞌ. Chanchan nak najoreꞌ junak chꞌochꞌ ucꞌal. La̱in tinqꞌue lix cuanquileb joꞌ li cuanquil li quixqꞌue cue lin Yucuaꞌ.

San Juan 14:7

Li ani naxnau cuu la̱in naxnau ajcuiꞌ ru lin Yucuaꞌ. Chalen anakcuan nequenau chic ru lin Yucuaꞌ ut xeril ru, chan li Jesús.

San Juan 5:17

Li Jesús quixye reheb: —Lin Yucuaꞌ toj yo̱ chixtenkꞌanquileb li cristian ut tento ajcuiꞌ nak tintenkꞌaheb la̱in, chan.

San Mateo 26:39

Ut quibe̱c chic caꞌchꞌin li Jesús ut quixhupub rib saꞌ chꞌochꞌ ut quitijoc. Ut quixye: —At inYucuaꞌ, cui ta naxqꞌue rib, incꞌaꞌ raj tincꞌul li raylal aꞌin. Abanan chi-uxma̱nk li cꞌaꞌru nacacuaj la̱at ut ma̱cuaꞌ li nacuaj la̱in.—

San Mateo 18:10

La̱in ninye e̱re cheqꞌuehak retal me̱tzꞌekta̱na junak reheb li kꞌuneb xchꞌo̱l saꞌ lix pa̱ba̱l xban nak eb aꞌan cꞌacꞌalenbileb xbaneb li ángel, li cuanqueb riqꞌuin lin Yucuaꞌ cuan saꞌ choxa.

San Mateo 18:19

Tinye e̱re cui cuan cuibak saꞌ e̱ya̱nk teꞌxcꞌu̱b ru saꞌ cuibal chirix cꞌaꞌru teꞌtijok cuiꞌ, ut teꞌxtzꞌa̱ma chiru lin Yucuaꞌ cuan saꞌ choxa, li cꞌaꞌru teꞌxtzꞌa̱ma ta̱qꞌuehekꞌ reheb.

San Mateo 25:10

Ut cuanqueb chak chixlokꞌbal lix yaꞌal lix candil nak col-e̱lk li be̱lomej. Ut li o̱b chic li cuanqueb xyaꞌal lix candil queꞌoc rochben saꞌ li cab. Ut quitzꞌapeꞌ li oqueba̱l.