San Mateo 7:17 - Li Santil hu

¹⁷ Joꞌcan nak li cha̱bil cheꞌ, cha̱bil ajcuiꞌ li ru naxqꞌue. Ut li cheꞌ li incꞌaꞌ us, incꞌaꞌ ajcuiꞌ us li ru naxqꞌue.

Q'eqchi Bible

¹⁷ Jo'kan naq chixjunil li chaab'il che' chaab'il li ru naxk'e, ab'an li che' ink'a' us ink'a' ajwi' us li ru naxk'e.

San Mateo 7:17 ပူးပေါင်းရင်းမြစ်များ

Efesios 5:9

Li ani quicutanobresi̱c lix chꞌo̱l xban li Dios naxnau lix ya̱lal ut nacuan saꞌ cha̱bilal ut saꞌ ti̱quilal.

Salmos 1:3

Li cui̱nk aꞌan chanchan jun li cheꞌ aubil chire li rok haꞌ. Li cheꞌ aꞌan incꞌaꞌ nachakic. Nau̱chin saꞌ xkꞌehil ut lix xak incꞌaꞌ nakꞌanoꞌ ru. Ut li naru̱chin nache̱coꞌ chi cha̱bil. Joꞌcan nak li cui̱nk li naxcꞌoxla lix chakꞌrab li Dios, us na-el riqꞌuin chixjunil li naxba̱nu.

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

Jeremías 17:8

Ut chanchanak jun li cheꞌ aubil chire li haꞌ. Lix xeꞌ naxtau li haꞌ ut incꞌaꞌ nachakic saꞌ sakꞌehil. Junelic rax ru lix xak. Li cheꞌ aꞌan incꞌaꞌ nachakic nak incꞌaꞌ naxqꞌue li hab. Junelic nau̱chin saꞌ xkꞌehil.

San Judas 1:12

Xuta̱nal chokꞌ e̱re nak cuanqueb laj balakꞌ saꞌ e̱ya̱nk nak nequeba̱nu le̱ ninkꞌe re sahil chꞌo̱lej. Eb laj balakꞌ caꞌaj cuiꞌ li numcuaꞌac ut num ucꞌac nequeꞌxba̱nu ut incꞌaꞌ nequeꞌxuta̱nac. Junes xchꞌolaninquileb rib nequeꞌxcꞌoxla. Eb laj balakꞌ aꞌan chanchaneb li chok li ma̱cꞌaꞌ hab chi saꞌ, li nacꞌameꞌ yalak bar xban li ikꞌ. Laj balakꞌ ma̱cꞌaꞌ nequeꞌoc cuiꞌ. Chanchaneb li cheꞌ li incꞌaꞌ nequeꞌu̱chin, li namichꞌman chi junaj cua ut nachakic.

Filipenses 1:11

Ut riqꞌuin li cha̱bilal li qꞌuebil e̱re xban li Jesucristo, nequeqꞌue xlokꞌal li Dios.

Jeremías 11:19

La̱in chanchanin jun li carner li yo̱ chi cꞌamecꞌ chi camsi̱c. Ma̱cꞌaꞌ saꞌ inchꞌo̱l nak yo̱queb chixcꞌu̱banquil chanru nak tineꞌxcamsi. Yo̱queb chixyebal, “Kacamsihak li cui̱nk aꞌin joꞌ nak nayoqꞌueꞌ li cheꞌ li cuan ru. Kisihak chi jun aj cua saꞌ ruchichꞌochꞌ re nak ma̱ ani chic ta̱jultica̱nk re,” chanqueb.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

San Mateo 7:18

Li cha̱bil cheꞌ incꞌaꞌ naru naru̱chin li incꞌaꞌ us, chi moco li cheꞌ incꞌaꞌ us naru̱chin li cha̱bil.