San Mateo 6:1 - Li Santil hu

¹ Cheqꞌuehak retal cꞌaꞌru nequeba̱nu. Cui la̱ex te̱ba̱nu li usilal yal re nak tex-ilekꞌ joꞌ nequeꞌxba̱nu eb laj fariseo, ma̱cꞌaꞌak le̱ kꞌajca̱munquil riqꞌuin le̱ Yucuaꞌ cuan saꞌ choxa.

Q'eqchi Bible

¹ “Chereek'ahaq eerib', meeb'aanu li us chiruheb' li tenamit yal re naq tex'ile'q xb'aaneb'; wi jo'kan teeb'aanu, maak'a'aq leeq'ajkamunkil rik'in leechoxahil Yuwa'.

San Mateo 6:1 ပူးပေါင်းရင်းမြစ်များ

San Mateo 23:5

Chixjunil li cꞌaꞌak re ru nequeꞌxba̱nu, aꞌan yal re nak teꞌilekꞌ xbaneb li cristian. Nequeꞌxyi̱b chi ni̱nk ru li cocꞌ ca̱x filacterias xcꞌabaꞌ bar nacuan cuiꞌ li chakꞌrab ut nequeꞌxbacꞌ saꞌ xpe̱quemeb ut saꞌ xteleb. Ut nacuulac chiruheb li rakꞌeb chi ni̱nk lix sahob ru chire.

San Juan 12:43

Aꞌ chic li lokꞌal li nequeꞌxqꞌue li tenamit queꞌxqꞌue xcuanquil. Ut incꞌaꞌ queꞌxqꞌue xcuanquil li lokꞌal li naxqꞌue li Dios.

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.

San Lucas 16:15

Ut li Jesús quixye reheb: —La̱ex nequeti̱cobresi e̱chꞌo̱l e̱junes chiruheb li tenamit. Abanan li Dios naxnau chanru le̱ naꞌleb. Li cꞌaꞌru kꞌaxal lokꞌ chiruheb li cui̱nk saꞌ ruchichꞌochꞌ, aꞌan tzꞌekta̱nanbil xban li Dios.

Gálatas 6:12

Eb li nequeꞌraj xminbal e̱ru xcꞌulbal li circuncisión yo̱queb chixba̱nunquil aꞌan re xnimobresinquil ribeb. Yo̱queb chixba̱nunquil aꞌan xban nak incꞌaꞌ nequeꞌraj teꞌrahobtesi̱k saꞌ xcꞌabaꞌ xcamic li Jesucristo chiru li cruz.

San Juan 5:44

Nak nequeqꞌue e̱lokꞌal chi ribil e̱rib, cꞌajoꞌ nak nacuulac che̱ru. Abanan incꞌaꞌ nequesicꞌ li lokꞌal li naxqꞌue li jun chi Dios. ¿Chan ta cuiꞌ ru nak tine̱pa̱b la̱in chi joꞌcanan?

Ezequiel 33:31

Lin tenamit teꞌcuulak a̱cuiqꞌuin chirabinquil li cꞌaꞌru ta̱ye joꞌ cꞌaynakeb xba̱nunquil. Teꞌrabi li cꞌaꞌru ta̱ye, abanan incꞌaꞌ teꞌxba̱nu. Yal chi xtzꞌu̱mal reheb teꞌxye nak us la̱ cua̱tin, abanan saꞌ xchꞌo̱leb caꞌaj cuiꞌ li reheb aꞌan teꞌxcꞌoxla.

2 Juan 1:8

Cheqꞌuehak retal che̱ribil e̱rib re nak incꞌaꞌ ta̱cana̱k chi ma̱cꞌaꞌ rajbal le̱ cꞌanjel chiru li Dios. Tzꞌakalak ban re ru xkꞌajca̱munquil le̱ cꞌanjel te̱cꞌul riqꞌuin li Dios.

San Marcos 8:15

Li Jesús quixye reheb: —Cheba̱nu cue̱nt. Micuan xchꞌamal xcaxlan cuaheb laj fariseo e̱riqꞌuin chi moco xchꞌamal xcaxlan cua laj Herodes.—

San Mateo 6:16

Ut nak te̱ba̱nu le̱ ayu̱n, me̱ba̱nu joꞌ nequeꞌxba̱nu laj caꞌ pacꞌal u. Eb aꞌan nequeꞌxba̱nu rib nak raheb saꞌ xchꞌo̱l yal re nak ta̱naꞌekꞌ nak yo̱queb xba̱nunquil lix ayu̱n. Relic chi ya̱l tinye e̱re nak eb aꞌan ac xeꞌxcꞌul lix kꞌajca̱munquil.

San Mateo 16:6

Ut li Jesús quixye reheb: —Cheqꞌuehak retal, me̱bon e̱rib riqꞌuin xchꞌamal xcaxlan cua eb laj fariseo chi moco riqꞌuin xchꞌamal xcaxlan cua eb laj saduceo.

San Lucas 12:15

Ut quixye ajcuiꞌ reheb chixjunileb li cuanqueb aran: —Qꞌuehomak retal li cꞌaꞌru te̱ba̱nu. Incꞌaꞌ yo̱kex chixrahinquil ru li biomal, xban nak moco riqꞌuin ta kabiomal yoꞌyo̱co, chan.

San Mateo 5:48

Ti̱cak biꞌ e̱chꞌo̱l joꞌ le̱ Yucuaꞌ li cuan saꞌ li choxa ti̱c xchꞌo̱l.

San Mateo 5:16

Joꞌcan ajcuiꞌ la̱ex. La̱ex lix cutan saken li ruchichꞌochꞌ. Chicꞌutu̱nk biꞌ le̱ cha̱bilal chiruheb le̱ ras e̱ri̱tzꞌin re nak eb aꞌan teꞌxqꞌue retal li us nequeba̱nu ut teꞌxqꞌue xlokꞌal le̱ Yucuaꞌ li cuan saꞌ choxa.

San Lucas 11:35

Cui incꞌaꞌ us li kanaꞌleb, cuanco saꞌ kꞌojyi̱n. Chanchano jun li mutzꞌ li incꞌaꞌ na-iloc. Cheba̱nu cue̱nt re nak junelic cua̱nkex saꞌ cutan saken.

Salmos 112:9

Naxtenkꞌaheb li nebaꞌ ut junelic ti̱c xchꞌo̱l. Ta̱qꞌuehekꞌ xcuanquil ut ta̱qꞌuehekꞌ xlokꞌal.

San Lucas 12:1

Nak yo̱queb chi chꞌutla̱c li qꞌuila mil chi tenamit, yo̱queb chixtiquisinquil ribeb. Li Jesús qui-oc chi a̱tinac riqꞌuineb lix tzolom xbe̱n cua ut quixye: —Me̱ba̱nu joꞌ nequeꞌxba̱nu laj fariseo. Aꞌaneb aj caꞌ pacꞌal u.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

San Mateo 5:46

Cui caꞌaj cuiꞌ li nequeꞌrahoc e̱re nequera, ¿cꞌaꞌru le̱ kꞌajca̱munquil te̱cꞌul? ¿Ma incꞌaꞌ ta biꞌ joꞌcan ajcuiꞌ nequeꞌxba̱nu eb laj titzꞌol toj, li nequeꞌbalakꞌin?

Zacarías 7:5

—Ye reheb chixjunileb li tenamit ut reheb ajcuiꞌ laj tij chi joꞌcaꞌin: Ya̱l nak la̱ex xeba̱nu le̱ ayu̱n ut xexya̱bac saꞌ li roꞌ po ut saꞌ li xcuuk po. Xeba̱nu aꞌan rajlal chihab chiru laje̱b xca̱cꞌa̱l (70) chihab. ¿Ma re xqꞌuebal ta biꞌ inlokꞌal la̱in nak xeba̱nu aꞌan?

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

San Mateo 6:9

Ut la̱ex joꞌcaꞌin nak textijok: At Ka̱cuaꞌ, cuancat saꞌ li santil choxa, lokꞌoninbilak taxak la̱ santil cꞌabaꞌ.

Deuteronomio 24:13

Te̱kꞌaxtesi ban lix prenda nak toj ma̱jiꞌ na-oc li sakꞌe re nak tixtzꞌap rib riqꞌuin lix tꞌicr nak oc re chi cua̱rc. Li cui̱nk tixbantioxi che̱ru ut ta̱cuulak chiru li Ka̱cuaꞌ le̱ Dios li cꞌaꞌru te̱ba̱nu.

Hebreos 2:1

Xban nak li Cristo kꞌaxal lokꞌ chiruheb li ángel, joꞌcan nak takaqꞌue kachꞌo̱l chixpa̱banquil li cꞌaꞌru xkabi, re nak incꞌaꞌ ta̱sachk saꞌ kachꞌo̱l lix ya̱lal.

Daniel 4:27

At rey Nabucodonosor, chacꞌul taxak li cua̱tin. Chacanabak xba̱nunquil li ma̱c ut chaba̱nu li ti̱quilal. Ma̱ba̱nu chic li ma̱usilal. Chacuuxta̱na taxak ruheb li nebaꞌ. Cui ta̱ba̱nu aꞌan, ma̱re chan nak toj tatcana̱k saꞌ la̱ cuanquil, chan laj Daniel.

Hebreos 11:26

Naxnau nak kꞌaxal lokꞌ nak tixcꞌul li raylal saꞌ xcꞌabaꞌ li Cristo chiru xcꞌulbal lix biomal li tenamit Egipto. Ut yo̱ chiroybeninquil lix kꞌajca̱munquil li ta̱qꞌuehekꞌ re xban li Dios.

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

2 Reyes 10:31

Abanan laj Jehú incꞌaꞌ quixba̱nu chi anchal xchꞌo̱l li cꞌaꞌru naxye saꞌ lix chakꞌrab li Ka̱cuaꞌ lix Dioseb laj Israel. Incꞌaꞌ quixcanab xba̱nunquil li ma̱usilal li quixba̱nu laj Jeroboam li quicꞌamoc xbeheb laj Israel chi ma̱cobc chiru li Ka̱cuaꞌ.

2 Reyes 10:16

Laj Jehú quixye re: —Yoꞌo chicuix ut ta̱cuil chanru nak xicꞌ nacuil nak incꞌaꞌ nequeꞌxqꞌue xlokꞌal li Ka̱cuaꞌ, chan. Ut cuotz queꞌco̱eb Samaria saꞌ li carruaje.

Zacarías 13:4

Ut eb li profeta aj balakꞌ teꞌxuta̱na̱k xban li ticꞌtiꞌ li ac xeꞌxye. Ut incꞌaꞌ chic teꞌbalakꞌi̱nk riqꞌuin rocsinquil li rakꞌ profeta chirixeb.

Hechos 3:12

Nak laj Pedro quirileb, quixye reheb: —La̱ex aj Israel, ¿cꞌaꞌut nak sachso e̱chꞌo̱l nequexcana xban li cꞌaꞌru xcꞌulman? ¿Cꞌaꞌut nak yo̱quex chikilbal? ¿Ma nequecꞌoxla la̱ex nak la̱o xkaqꞌuirtesi li cui̱nk aꞌin kajunes? ¿Ma xban ta biꞌ kacuanquil ut li kacha̱bilal nak xkaqꞌue chi be̱c li cui̱nk aꞌin?