San Mateo 5:30 - Li Santil hu

³⁰ Cui la̱ nim ukꞌ naqꞌuehoc a̱cue chi ma̱cobc, us raj cui ta̱yocꞌ ut ta̱tzꞌek. Kꞌaxal us nak ta̱sachk la̱ cuukꞌ chiru nak tatxic la̱at saꞌ xbalba.

Q'eqchi Bible

³⁰ Ut wi laanim uq' nak'ehok aawe chi maakob'k, yok' ut tz'eq; jwal us cho'q aawe naq taasachq junaq laacha'al chiru naq laajunxaqalil taaxik sa' xb'alb'a.

San Mateo 5:30 ပူးပေါင်းရင်းမြစ်များ

San Marcos 9:43

Cui la̱ cuukꞌ ta̱qꞌuehok a̱cue chi ma̱cobc, us raj cui ta̱yocꞌ. Mas us nak cua̱nk la̱ yuꞌam chi junelic riqꞌuin jun ajcuiꞌ la̱ cuukꞌ chiru nak tatxic riqꞌuin cuib la̱ cuukꞌ saꞌ li xbalba, bar cuiꞌ incꞌaꞌ ta̱chupk li xam.

San Mateo 5:29

Le̱ najter naꞌleb tento te̱canab chi junaj cua. Li cꞌaꞌak re ru ta̱qꞌuehok e̱re chi ma̱cobc, te̱tzꞌekta̱na. Cui li xnakꞌ la̱ cuu li cuan saꞌ a̱nim naqꞌuehoc a̱cue chi ma̱cobc, us raj nak ta̱cuisi ut ta̱tzꞌek. Kꞌaxal us nak ta̱sachk li xnakꞌ a̱cuu chiru nak tatxic la̱at saꞌ xbalba.

1 Pedro 2:8

Ut tzꞌi̱banbil ajcuiꞌ saꞌ li Santil Hu chi joꞌcaꞌin: Aꞌan ut li pec li queꞌxtich cuiꞌ li rokeb. Aꞌan li pec li natꞌanoc. (Isa. 8:14-15) Li cristian li nequeꞌxtich rokeb chiru, aꞌaneb laj kꞌetol ra̱tin li Dios. Ac chꞌolchꞌo nak teꞌxcꞌul lix tojbal lix ma̱c xban nak nequeꞌxtzꞌekta̱na li Cristo.

1 Corintios 8:13

Joꞌcan nak cui li nintzaca naxqꞌue chi ma̱cobc li cuech aj pa̱banelil, ma̱ jokꞌe chic tintiu li mayejanbil tib xban nak incꞌaꞌ nacuaj nak teꞌma̱cobk inban la̱in.

San Lucas 17:2

Kꞌaxal raj us chokꞌ re aꞌan nak ta̱cutekꞌ saꞌ xchamal li palau chi bacꞌbo junak nimla pec chi xcux chiru nak tixpoꞌ xchꞌo̱l junak li toj kꞌun xchꞌo̱l saꞌ lix pa̱ba̱l.

San Mateo 13:21

Abanan incꞌaꞌ nacana saꞌ xchꞌo̱leb. Nak nachal junak raylal, malaj chꞌaꞌajquilal saꞌ xbe̱neb xban lix pa̱ba̱leb, incꞌaꞌ nequeꞌxcuy xnumsinquil. Saꞌ junpa̱t nequeꞌchꞌinan xchꞌo̱l.

San Lucas 12:5

La̱in tinye e̱re ani li tento te̱xucua ru. Chexucua̱k ru li Dios li naru ta̱risi xyuꞌam li junju̱nk ut cuan xcuanquil chixtaklanquil li a̱mej saꞌ xbalba. Aꞌan li tento te̱xucua ru.

Gálatas 5:11

Cui ta toj yo̱quin chixjulticanquil nak tento xcꞌulbal li circuncisión incꞌaꞌ raj chic tineꞌxrahobtesi. Cui ta toj yo̱quin chixba̱nunquil aꞌan, yo̱quin raj risinquil xcuanquil xcamic li Cristo chiru li cruz ut incꞌaꞌ raj chic teꞌjoskꞌokꞌ saꞌ inbe̱n.

Romanos 9:33

Tzꞌi̱banbil saꞌ li Santil Hu li quixye li Dios: Qꞌuehomak retal xban nak la̱in tinqꞌue jun li pec aran Sión. Nabaleb li tenamit teꞌxtich rokeb chiru ut teꞌtꞌanekꞌ. Abanan li ani ta̱pa̱ba̱nk re aꞌan, incꞌaꞌ ta̱rahokꞌ xchꞌo̱l mokon xban nak tixcꞌul li cꞌaꞌru yechiꞌinbil re xban li Dios. (Isa. 28:16)

San Mateo 26:31

Ut li Jesús quixye reheb: —Che̱junilex la̱ex ta̱chꞌina̱k le̱ chꞌo̱l saꞌ incꞌabaꞌ la̱in ut tine̱canab injunes chiru li kꞌojyi̱n aꞌin joꞌ tzꞌi̱banbil retalil saꞌ li Santil Hu: Tincanab chi camsi̱c laj ilol reheb li carner ut eb li carner teꞌxchaꞌchaꞌi ribeb. (Zac. 13:7)

San Mateo 22:13

Ut li rey quixye reheb lix mo̱s: “Bacꞌomak li rok rukꞌ ut cutumak saꞌ kꞌojyi̱n chirix cab. Aran ut ta̱cua̱nk li ya̱bac ut li cꞌuxuxi̱nc ruch e.”

San Mateo 25:20

Ut quicuulac li mo̱s li quicꞌuluc re li o̱b mil pe̱s. Ut quixcꞌam chak li o̱b mil li quixcꞌul ut quixcꞌam chak ajcuiꞌ li o̱b mil chic li xbe̱n li quire̱chani, ut quixye: “Ka̱cuaꞌ, o̱b mil pe̱s caqꞌue cue. Cuayeꞌ la̱ tumin ut o̱b mil chic xcue̱chani chak saꞌ xbe̱n li caqꞌue cue,” chan.

San Mateo 16:23

Ut li Jesús quixsukꞌisi rib chirilbal laj Pedro ut quixye re: —Elen arin saꞌ xnakꞌ cuu. La̱at chanchanat laj tza. Michꞌinan inchꞌo̱l a̱ban chixba̱nunquil li cꞌaꞌru tento tinba̱nu. La̱at incꞌaꞌ yo̱cat chixcꞌoxlanquil joꞌ naxcꞌoxla li Dios. Yo̱cat ban chixcꞌoxlanquil joꞌ naxcꞌoxla li cui̱nk, chan.

San Mateo 11:6

Us xak reheb li ani incꞌaꞌ ta̱chꞌina̱nk xchꞌo̱l inban, chan li Jesús.

San Mateo 5:22

Aban la̱in tinye e̱re lix ya̱lal aꞌan. Li ani ta̱joskꞌokꞌ riqꞌuin li ras ri̱tzꞌin ta̱rakekꞌ a̱tin saꞌ xbe̱n. Ut li ani tixtzꞌekta̱na li ras ri̱tzꞌin cuan xma̱c chiru laj rakol a̱tin. Ut li ani tixye xyaj tiox re li ras ri̱tzꞌin, ma̱re anchal ta̱xic saꞌ xxamlel li xbalba.

San Mateo 17:27

Usta incꞌaꞌ raj tento tintoj la̱in, abanan re nak meꞌxpoꞌ xchꞌo̱leb kaban, la̱in tintoj. Ayu saꞌ a̱nil ut cut la̱ chapleb car saꞌ li palau. Ut li xbe̱n li car li ta̱chap chak, ta̱te lix tzꞌu̱mal re. Aran ta̱tau jun li tumin. Ta̱cꞌam ut riqꞌuin aꞌan ta̱toj li cue ut ta̱toj ajcuiꞌ la̱ cue, chan.

San Mateo 18:8

Cui la̱ cuok malaj ut la̱ cuukꞌ ta̱qꞌuehok a̱cue chixba̱nunquil li cꞌaꞌru incꞌaꞌ us, us raj cui ta̱yocꞌ ut ta̱tzꞌek. Kꞌaxal us chokꞌ a̱cue nak cua̱nk la̱ yuꞌam chi junelic riqꞌuin jun ajcuiꞌ la̱ cuok ut la̱ cuukꞌ chiru nak tatxic chi cuib la̱ cuok chi cuib la̱ cuukꞌ saꞌ li xbalba bar cuiꞌ incꞌaꞌ ta̱chupk li xam.