San Mateo 5:16 - Li Santil hu

¹⁶ Joꞌcan ajcuiꞌ la̱ex. La̱ex lix cutan saken li ruchichꞌochꞌ. Chicꞌutu̱nk biꞌ le̱ cha̱bilal chiruheb le̱ ras e̱ri̱tzꞌin re nak eb aꞌan teꞌxqꞌue retal li us nequeba̱nu ut teꞌxqꞌue xlokꞌal le̱ Yucuaꞌ li cuan saꞌ choxa.

Q'eqchi Bible

¹⁶ Jo'ka'in naq chilemtz'unq leesaqenkil chiruheb' li tenamit, re naq te'ril leechaab'il b'aanuhom ut te'xnima xloq'al leechoxahil Yuwa'.

San Mateo 5:16 ပူးပေါင်းရင်းမြစ်များ

1 Pedro 2:12

Cha̱bilak taxak le̱ naꞌleb chiruheb li ma̱jiꞌ nequeꞌpa̱ban. Usta yo̱keb chixyebal nak incꞌaꞌ us le̱ naꞌleb, aban cui te̱ba̱nu li us, teꞌxqꞌue retal ut teꞌxnima xlokꞌal li Dios nak ta̱cuulak xkꞌehil li rakba a̱tin.

Tito 2:7

Ut riqꞌuin chixjunil li cꞌaꞌak re ru ta̱ba̱nu, la̱at tatcꞌamok be chiruheb saꞌ ti̱quilal. Chi anchalak a̱chꞌo̱l ut cha̱bilak la̱ yuꞌam nak ta̱cꞌut lix ya̱lal chiruheb.

San Juan 15:8

Nequeqꞌue xlokꞌal lin Yucuaꞌ riqꞌuin li cha̱bilal nequeba̱nu. Cui yo̱kex chixba̱nunquil li cꞌaꞌru naraj li Dios, la̱exak tzꞌakal intzolom.

Efesios 5:8

Junxil quexcuan chak saꞌ xkꞌojyi̱nal ru li ma̱c. Abanan, anakcuan rehex chic li Ka̱cuaꞌ ut cuanquex chic saꞌ xcutan saken. Joꞌcan nak chexcua̱nk saꞌ xya̱lal.

1 Pedro 3:16

Chexcua̱nk saꞌ xya̱lal ut me̱ba̱nu chic li ma̱usilal re nak ma̱cꞌaꞌ ta̱chꞌiꞌchꞌiꞌi̱nk e̱re saꞌ le̱ cꞌaꞌux. Usta cha̱bil nequeba̱nu xban nak nequepa̱b li Cristo, abanan cuan li nequeꞌa̱tinac che̱rix. Eb aꞌan xuta̱nal teꞌe̱lk xban nak nequeꞌkꞌaban.

1 Pedro 4:14

Us xak e̱re cui texhobekꞌ xban nak nequepa̱b li Cristo. Aꞌan retalil nak lix Musikꞌ li Dios cuan e̱riqꞌuin ut aꞌan li kꞌaxal lokꞌ. Relic chi ya̱l nak tzꞌekta̱nanbil li Dios xbaneb li nequeꞌhoboc e̱re, abanan che̱ru la̱ex, kꞌaxal lokꞌ ut nim xcuanquil.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Isaías 58:8

Cui te̱ba̱nu chixjunil aꞌin, la̱in tin-osobtesi̱nk e̱re ut ta̱qꞌuehekꞌ e̱lokꞌal joꞌ nak nasake̱u li cutan. La̱in texinqꞌuirtesi saꞌ junpa̱t. Saꞌ ti̱quilal tincꞌamok be che̱ru ut lin lokꞌal junelic cua̱nk e̱riqꞌuin.

Tito 3:14

Eb li kech aj pa̱banelil tento nak teꞌxtzol rib xba̱nunquil li usilal ut teꞌxtzol ajcuiꞌ xtenkꞌanquileb li tenkꞌa̱c teꞌraj re nak incꞌaꞌ ta̱cana̱k chi ma̱cꞌaꞌ rajbal lix pa̱ba̱leb.

1 Timoteo 6:18

Chaye reheb nak cheꞌxba̱nu li us. Chinumta̱k lix cha̱bilaleb. Cheꞌxnauhak sihi̱nc chi nabal ut chi anchaleb xchꞌo̱l.

2 Corintios 9:13

Ut nequeꞌxqꞌue ajcuiꞌ xlokꞌal li Dios xban nak cau e̱chꞌo̱l la̱ex saꞌ le̱ pa̱ba̱l. Moco caꞌaj cuiꞌ ta riqꞌuin nak nequeye nak nequexpa̱ban nak nacꞌutun le̱ pa̱ba̱l. Nacꞌutun ban ajcuiꞌ xban nak nequeqꞌue e̱chꞌo̱l chixtenkꞌanquileb li ma̱cꞌaꞌ cuanqueb re. Ut chi joꞌcan nequetenkꞌa chixjunileb laj pa̱banel.

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

Hebreos 10:24

Chikasicꞌ chanru takatenkꞌa kib re nak takara kib ut chikaba̱nu usilal chi kibil kib.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

1 Pedro 4:11

Cui ani cuan xma̱tan chi a̱tinac, chixyehak ra̱tin li Dios. Cui ani naraj cꞌanjelac, chi cꞌanjelac aꞌ yal chanru lix cacuilal qꞌuebil re xban li Dios. Riqꞌuin chixjunil li cꞌaꞌak re ru ta̱uxma̱nk, nimanbilak taxak xcꞌabaꞌ li Dios saꞌ xcꞌabaꞌ li Jesucristo. Aꞌan laj e̱chal re li nimajcual cuanquilal ut lokꞌoninbilak taxak chi junelic kꞌe cutan. Joꞌcan taxak.

1 Ts 2:12

Xkaqꞌue xcacuilal e̱chꞌo̱l ut xkatzꞌa̱ma ajcuiꞌ che̱ru nak texcua̱nk saꞌ xya̱lal joꞌ xcꞌulubeb li ralal xcꞌajol li Dios li quisicꞌoc e̱ru re nak textzꞌako̱nk ajcuiꞌ la̱ex riqꞌuin lix nimajcual cuanquilal ut lix lokꞌal.

1 Pedro 3:1

La̱ex ixakilbej chex-abi̱nk chiru le̱ be̱lom. Cui cuanqueb li be̱lomej li incꞌaꞌ nequeꞌxpa̱b li ra̱tin li Dios, aꞌan teꞌxqꞌue retal le̱ cha̱bilal ut teꞌxpa̱b ajcuiꞌ li Dios eb aꞌan. Kꞌaxal us xcꞌutbal li cha̱bilal chiru xchꞌolobanquil xya̱lal riqꞌuin a̱tin.

Hechos 9:36

Ut quicuan aran Jope jun li ixk aj pa̱banel xTabita xcꞌabaꞌ. Chi jalbil ru naraj naxye Dorcas. Junelic yo̱ chixba̱nunquil usilal reheb li ras ri̱tzꞌin ut naxtenkꞌaheb li nebaꞌ.

1 Timoteo 5:25

Ut cuan ajcuiꞌ li nequeꞌba̱nun re li cha̱bilal. Cuan nak nacꞌutun li cha̱bilal nequeꞌxba̱nu ut cuan nak incꞌaꞌ nacꞌutun. Abanan, toj mokon chic ta̱cꞌutu̱nk li us nequeꞌxba̱nu.

San Mateo 5:45

Cui te̱ba̱nu chi joꞌcan, la̱exak ralal xcꞌajol le̱ Yucuaꞌ cuan saꞌ choxa. Aꞌan naqꞌuehoc chak li sakꞌe saꞌ xbe̱neb li useb xnaꞌleb joꞌ ajcuiꞌ li incꞌaꞌ useb xnaꞌleb. Ut aꞌan ajcuiꞌ naqꞌuehoc chak li hab saꞌ xbe̱neb li ti̱queb xchꞌo̱l joꞌ ajcuiꞌ li incꞌaꞌ ti̱queb xchꞌo̱l.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

1 Timoteo 5:10

Tento ajcuiꞌ nak li xma̱lcaꞌan naꞌno̱k ru riqꞌuin li cha̱bilal ac xba̱nu. Ac xqꞌuiresiheb lix cocꞌal saꞌ xya̱lal. Quixcꞌul li rulaꞌ saꞌ xya̱lal nak queꞌcuulac saꞌ rochoch. Quixchꞌaj li rokeb li rech aj pa̱banelil. Quixtenkꞌaheb li yo̱queb chixcꞌulbal li raylal. Cui cha̱bil li cꞌanjel quixba̱nu, naru tixcꞌul lix tenkꞌanquil.

1 Timoteo 2:10

Li ixk li napa̱ban re li Dios, moco riqꞌuin ta xtikibanquil rib cuan xchꞌinaꞌusal. Riqꞌuin ban lix ti̱quilal xchꞌo̱l.

Gálatas 1:24

Ut eb aꞌan queꞌxlokꞌoni ru li Dios nak queꞌrabi resil nak quinpa̱b li Cristo.

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Tito 3:4

Abanan quicuulac xkꞌehil nak li Dios laj Colol ke quixcꞌutbesi chiku li rusilal ut li ruxta̱n.

1 Corintios 14:25

Li Dios tixcꞌut chiru chi tzꞌakal cꞌaꞌru cuan saꞌ xchꞌo̱l. Ut li jun aꞌan tixcuikꞌib rib ut tixlokꞌoni li Dios ut tixye nak relic chi ya̱l li Dios cuan saꞌ xya̱nkeb laj pa̱banel.

San Lucas 11:2

Ut li Ka̱cuaꞌ quixye reheb: —Nak textijok, te̱ye chi joꞌcaꞌin: Ka̱cuaꞌ, cuancat saꞌ li santil choxa, lokꞌoninbil taxak la̱ santil cꞌabaꞌ. Chicha̱lk ta la̱ nimajcual cuanquilal. Chi-uxk ta li nacacuaj joꞌ saꞌ choxa, joꞌ ta ajcuiꞌ saꞌ ruchichꞌochꞌ.

San Mateo 9:8

Nak li qꞌuila tenamit queꞌril li quicꞌulman, queꞌxucuac ut queꞌxqꞌue xlokꞌal li Dios li quiqꞌuehoc chak xcuanquil li Jesús chi qꞌuirtesi̱nc ut chi cuyuc ma̱c.

San Mateo 23:5

Chixjunil li cꞌaꞌak re ru nequeꞌxba̱nu, aꞌan yal re nak teꞌilekꞌ xbaneb li cristian. Nequeꞌxyi̱b chi ni̱nk ru li cocꞌ ca̱x filacterias xcꞌabaꞌ bar nacuan cuiꞌ li chakꞌrab ut nequeꞌxbacꞌ saꞌ xpe̱quemeb ut saꞌ xteleb. Ut nacuulac chiruheb li rakꞌeb chi ni̱nk lix sahob ru chire.

San Mateo 6:16

Ut nak te̱ba̱nu le̱ ayu̱n, me̱ba̱nu joꞌ nequeꞌxba̱nu laj caꞌ pacꞌal u. Eb aꞌan nequeꞌxba̱nu rib nak raheb saꞌ xchꞌo̱l yal re nak ta̱naꞌekꞌ nak yo̱queb xba̱nunquil lix ayu̱n. Relic chi ya̱l tinye e̱re nak eb aꞌan ac xeꞌxcꞌul lix kꞌajca̱munquil.

San Mateo 23:9

Ut ma̱ ani te̱qꞌue chokꞌ e̱ka̱cuaꞌ saꞌ ruchichꞌochꞌ, xban nak jun ajcuiꞌ li Ka̱cuaꞌ cuan. Aꞌan cuan saꞌ choxa.

San Mateo 6:9

Ut la̱ex joꞌcaꞌin nak textijok: At Ka̱cuaꞌ, cuancat saꞌ li santil choxa, lokꞌoninbilak taxak la̱ santil cꞌabaꞌ.

Éxodo 34:35

Ut eb laj Israel nequeꞌril nak nalemtzꞌun li ru laj Moisés. Xban aꞌan laj Moisés naxtzꞌap cuiꞌchic li ru riqꞌuin li tꞌicr. Caꞌaj cuiꞌ nak yo̱ chi a̱tinac riqꞌuin li Dios narisi li tꞌicr saꞌ ru.