San Mateo 5:11 - Li Santil hu

¹¹ Us xak e̱re nak texhobekꞌ ut texrahobtesi̱k saꞌ incꞌabaꞌ ut ta̱yehekꞌ e̱re cꞌaꞌak re ru chi ma̱usilal chi yal ticꞌtiꞌ.

Q'eqchi Bible

¹¹ “Us xaq eere naq texhob'e'q, texrahob'tesiiq ut te'xye chixjunil li tik'ti' cherix laa'ex sa' ink'ab'a'.

San Mateo 5:11 ပူးပေါင်းရင်းမြစ်များ

1 Pedro 4:14

Us xak e̱re cui texhobekꞌ xban nak nequepa̱b li Cristo. Aꞌan retalil nak lix Musikꞌ li Dios cuan e̱riqꞌuin ut aꞌan li kꞌaxal lokꞌ. Relic chi ya̱l nak tzꞌekta̱nanbil li Dios xbaneb li nequeꞌhoboc e̱re, abanan che̱ru la̱ex, kꞌaxal lokꞌ ut nim xcuanquil.

San Lucas 21:17

Ut xicꞌ tex-ilekꞌ xbaneb chixjunileb li tenamit saꞌ incꞌabaꞌ la̱in.

San Marcos 13:13

Ut xicꞌ tex-ilekꞌ xbaneb chixjunileb saꞌ incꞌabaꞌ la̱in. Ut li tixcuy xnumsinquil li raylal aꞌin toj saꞌ rosoꞌjic lix yuꞌam, aꞌan ta̱colekꞌ xban li Dios.

San Mateo 24:9

Tojoꞌnak texkꞌaxtesi̱k ut texrahobtesi̱k ut texcamsi̱k. Ut xicꞌ tex-ilekꞌ xbaneb chixjunileb li tenamit saꞌ incꞌabaꞌ la̱in.

San Lucas 6:22

Us xak e̱re la̱ex nak xicꞌ tex-ilekꞌ saꞌ incꞌabaꞌ la̱in li Cꞌajolbej. Us xak e̱re la̱ex nak tex-isi̱k saꞌ xya̱nkeb ut texhobekꞌ saꞌ incꞌabaꞌ la̱in ut ta̱yehekꞌ e̱re nak incꞌaꞌ us e̱naꞌleb.

1 Pedro 2:23

Nak quihobeꞌ li Cristo, incꞌaꞌ quixsume ru. Ut nak yo̱ chixcꞌulbal li raylal, ma̱cꞌaꞌ quixye. Incꞌaꞌ quixmajecuaheb. Quixkꞌaxtesi ban rib saꞌ rukꞌ li Dios, li narakoc a̱tin saꞌ ti̱quilal.

San Juan 15:21

Texrahobtesi̱k xban nak la̱ex cualal incꞌajol. Teꞌxba̱nu chi joꞌcan xban nak incꞌaꞌ nequeꞌxnau ru li ani quitaklan chak cue.

San Mateo 10:22

Ut chixjunileb xicꞌ teꞌilok e̱re saꞌ incꞌabaꞌ. Abanan li ani teꞌcuyuk xcꞌulbal li raylal toj saꞌ rosoꞌjic lix yuꞌam, eb aꞌan teꞌcolekꞌ.

Isaías 66:5

Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

San Mateo 10:39

Li ani naxra lix yuꞌam arin saꞌ ruchichꞌochꞌ, aꞌan tixsach li junelic yuꞌam. Ut li ani tixsach lix yuꞌam arin saꞌ ruchichꞌochꞌ saꞌ incꞌabaꞌ la̱in, aꞌan ta̱re̱chani li junelic yuꞌam.

Apocalipsis 2:3

Ninnau nak nabal li raylal xecꞌul saꞌ incꞌabaꞌ la̱in. Abanan nequecuy xnumsinquil. Ut incꞌaꞌ xchꞌinan e̱chꞌo̱l. Ninnau nak cau nequexcꞌanjelac yal xban inra̱bal la̱in.

San Mateo 19:29

Li ani naxcanab rochoch, ras ri̱tzꞌin, xnaꞌ xyucuaꞌ, rixakil, ralal xcꞌajol, malaj xchꞌochꞌ saꞌ incꞌabaꞌ la̱in, li jun aꞌan kꞌaxal cuiꞌchic nabal li tixcꞌul chiru li quixcanab ut ta̱re̱chani li junelic yuꞌam.

2 Corintios 4:11

Junelic nequeꞌraj kacamsinquil xban nak nococꞌanjelac chiru li Jesucristo. Abanan incꞌaꞌ nocoeꞌxcamsi xban nak li Cristo yoꞌyo ut cuan xcuanquil saꞌ kabe̱n usta yal cui̱nko.

1 Corintios 4:10

La̱ex nequecꞌoxla nak ma̱cꞌaꞌ kanaꞌleb xban nak nakachꞌolob resil li Cristo ut la̱ex cuan e̱naꞌleb xban nak nequenau nabal chirix li Cristo nak nequecꞌoxla. La̱o ma̱cꞌaꞌ kacuanquil ut la̱ex cuan e̱cuanquil nak nequecꞌoxla. Saꞌ e̱chꞌo̱l la̱ex nak la̱ex nequex-oxlokꞌi̱c ut la̱o tzꞌekta̱nanbilo.

Romanos 8:36

Joꞌcaꞌin tzꞌi̱banbil saꞌ li Santil Hu: Cuulaj cuulaj yo̱queb chixcꞌoxlanquil kacamsinquil saꞌ a̱cꞌabaꞌ. Chiruheb aꞌan chanchano li carner li nequeꞌcꞌameꞌ chi camsi̱c. (Sal. 44:22)

San Lucas 21:12

Abanan nak toj ma̱jiꞌ nacꞌulman chixjunil li cꞌaꞌak re ru aꞌin, texchapekꞌ ut texrahobtesi̱k. Texcꞌamekꞌ saꞌ li cab li nequeꞌxchꞌutub cuiꞌ ribeb laj judío ut texcꞌamekꞌ saꞌ tzꞌalam. Texcꞌamekꞌ chiruheb li rey ut eb laj rakol a̱tin saꞌ incꞌabaꞌ la̱in.

San Lucas 9:24

Li ani ta̱tzꞌekta̱na̱nk cue re xcolbal rix lix yuꞌam arin saꞌ ruchichꞌochꞌ, tixtzꞌek li junelic yuꞌam. Aꞌut li ani naxsach lix yuꞌam arin saꞌ ruchichꞌochꞌ saꞌ incꞌabaꞌ la̱in, aꞌan ta̱re̱chani li junelic yuꞌam.

San Marcos 8:35

Li ani ta̱tzꞌekta̱na̱nk cue re xcolbal lix yuꞌam arin saꞌ ruchichꞌochꞌ, tixtzꞌek li junelic yuꞌam. Aꞌut li naxsach lix yuꞌam saꞌ incꞌabaꞌ la̱in malaj ut saꞌ xcꞌabaꞌ li evangelio, aꞌan ta̱re̱chani li junelic yuꞌam.

San Mateo 10:25

Chicꞌojla̱k xchꞌo̱l li yo̱ chi tzoloc nak ta̱cuulak joꞌ laj tzolol re, ut li mo̱s joꞌcak lix patrón. Cui aj tza nayeheꞌ re laj e̱chal cab, ¿ma tojaꞌ ta chic incꞌaꞌ teꞌyehekꞌ aj tza reheb li ralal xcꞌajol?

Hechos 9:16

La̱in tincꞌut chiru joꞌ qꞌuial li raylal tento tixcꞌul saꞌ incꞌabaꞌ la̱in, chan li Ka̱cuaꞌ.

Salmos 44:22

Saꞌ a̱cꞌabaꞌ la̱at nak junelic nequeꞌraj kacamsinquil. Chiruheb aꞌan, chanchano li carner re camsi̱c.

San Marcos 13:9

Aꞌut la̱ex cheqꞌuehak retal li raylal ta̱cha̱lk saꞌ e̱be̱n. Texkꞌaxtesi̱k chiruheb laj rakol a̱tin ut texsaqꞌuekꞌ saꞌ li cab li nequeꞌxchꞌutub cuiꞌ ribeb laj judío. Texcꞌamekꞌ chiruheb li acuabej ut chiruheb li rey saꞌ incꞌabaꞌ la̱in ut ta̱ru̱k te̱chꞌolob xya̱lal li cua̱tin chiruheb.

San Mateo 27:39

Ut eb li tenamit yo̱queb chi numecꞌ aran, queꞌxhob li Jesús ut nequeꞌrecꞌasi xjolomeb.

San Marcos 4:17

Abanan incꞌaꞌ nacana saꞌ xchꞌo̱leb. Nak nachal junak raylal, malaj chꞌaꞌajquilal saꞌ xbe̱neb xbaneb lix pa̱ba̱l, incꞌaꞌ nequeꞌxcuy xnumsinquil. Saꞌ junpa̱t nequeꞌchꞌinan xchꞌo̱l.

San Mateo 10:18

Ut texcꞌamekꞌ chiruheb li acuabej ut chiruheb li rey saꞌ incꞌabaꞌ la̱in. Ut te̱chꞌolob lix ya̱lal chiruheb aꞌan, joꞌ ajcuiꞌ chiruheb li ma̱cuaꞌeb aj judío.

San Juan 9:28

Ut queꞌxhob li cui̱nk ut queꞌxye re: —La̱at xtzolom li cui̱nk aꞌan. La̱o incꞌaꞌ. La̱o xtzolom laj Moisés, chanqueb re.

Salmos 35:11

Nabal nequeꞌkꞌaban cue ut nequeꞌxqꞌue saꞌ inbe̱n li ma̱c li incꞌaꞌ xinba̱nu.

Isaías 25:8

Li nimajcual Dios ta̱risi xcuanquil li ca̱mc. Tixmes li xyaꞌal ruheb. Ta̱risi lix xuta̱neb lix tenamit saꞌ chixjunil li ruchichꞌochꞌ. Li Ka̱cuaꞌ, aꞌan li quiyehoc re aꞌin.

Isaías 51:7

Cherabihak li cꞌaꞌru ninye, la̱ex li nequenau li us, la̱ex li nequecꞌu̱la lin chakꞌrab saꞌ le̱ chꞌo̱l. Mexxucuac nak eb li tenamit nequexseꞌe ut michꞌinan e̱chꞌo̱l nak nequexhobeꞌ.

Jeremías 37:14

Laj Jeremías quichakꞌoc ut quixye re: —Moco ya̱l ta li nacaye. La̱in incꞌaꞌ tinkꞌaxtesi cuib saꞌ xya̱nkeb laj Babilonia, chan. Abanan laj Irías incꞌaꞌ quixpa̱b li quixye laj Jeremías. Quixchap ban ut quixcꞌam riqꞌuineb li nequeꞌtaklan.

Filipenses 1:29

Qꞌuebil e̱re le̱ ma̱tan xban li Dios re xpa̱banquil li Cristo. Ut moco caꞌaj cuiꞌ ta te̱cꞌul li rusilal re xpa̱banquil. Usilal aj ban cuiꞌ nak qꞌuebil e̱re xcꞌulbal li raylal saꞌ xcꞌabaꞌ li Cristo.