San Mateo 5:10 - Li Santil hu

¹⁰ Us xak reheb li nequeꞌrahobtesi̱c saꞌ xcꞌabaꞌ li ti̱quilal, xban nak eb aꞌan cua̱nkeb chic rubel lix cuanquilal li Dios.

Q'eqchi Bible

¹⁰ Us xaq reheb' li rahob'tesinb'ileb' sa' xk'ab'a' li tiikilal, xb'aan naq reheb' a'an li xnimajwal wankilal li choxa.

San Mateo 5:10 ပူးပေါင်းရင်းမြစ်များ

Santiago 1:12

Us xak reheb li nequeꞌxcuy xnumsinquil li raylal ut incꞌaꞌ nequeꞌchꞌinan xchꞌo̱l. Li ani naxcuy xnumsinquil li yalecꞌ teꞌxcꞌul lix ma̱tan li naxyechiꞌi li Dios reheb li nequeꞌrahoc re. Ut lix ma̱taneb, aꞌan li yuꞌam chi junelic.

2 Corintios 4:17

Li raylal li nakacꞌul arin saꞌ ruchichꞌochꞌ, aꞌan junpa̱t ajcuiꞌ ut nakacuy xnumsinquil. Li raylal nakacꞌul, yo̱ chikacauresinquil re jun li kalokꞌal ma̱cꞌaꞌ joꞌ xchakꞌal ru ut ta̱cua̱nk chi junelic.

San Mateo 5:3

—Us xak reheb li nequeꞌrecꞌa nak cubenak xcuanquileb xban nak eb aꞌan cua̱nkeb chic rubel lix nimajcual cuanquilal li Dios.

San Lucas 6:22

Us xak e̱re la̱ex nak xicꞌ tex-ilekꞌ saꞌ incꞌabaꞌ la̱in li Cꞌajolbej. Us xak e̱re la̱ex nak tex-isi̱k saꞌ xya̱nkeb ut texhobekꞌ saꞌ incꞌabaꞌ la̱in ut ta̱yehekꞌ e̱re nak incꞌaꞌ us e̱naꞌleb.

2 Timoteo 2:12

Cui takacuy xnumsinquil li raylal, ta̱qꞌuehekꞌ ajcuiꞌ kacuanquil xban li Dios kochben li Cristo. Ut cui la̱o nakatzꞌekta̱na, aꞌan toxtzꞌekta̱na ajcuiꞌ la̱o.

Filipenses 1:28

Incꞌaꞌ texxucuak chiruheb li xicꞌ nequeꞌiloc e̱re. Cui la̱ex incꞌaꞌ texxucuak, eb aꞌan teꞌxqꞌue retal nak la̱ex texcolekꞌ ut eb aꞌan teꞌsachekꞌ. Ut li Ka̱cuaꞌ Dios, aꞌan li ta̱cꞌutuk re li naꞌleb aꞌin chiruheb.

San Lucas 21:12

Abanan nak toj ma̱jiꞌ nacꞌulman chixjunil li cꞌaꞌak re ru aꞌin, texchapekꞌ ut texrahobtesi̱k. Texcꞌamekꞌ saꞌ li cab li nequeꞌxchꞌutub cuiꞌ ribeb laj judío ut texcꞌamekꞌ saꞌ tzꞌalam. Texcꞌamekꞌ chiruheb li rey ut eb laj rakol a̱tin saꞌ incꞌabaꞌ la̱in.

San Juan 15:20

Chijulticokꞌ e̱re nak xinye e̱re nak ma̱ jun aj cꞌanjel naxkꞌax ru xcuanquil lix patrón. Cui xineꞌxrahobtesi la̱in, texrahobtesi̱k ajcuiꞌ la̱ex. Cui ta xeꞌxba̱nu li cꞌaꞌru xinye la̱in, teꞌxba̱nu aj raj cuiꞌ li cꞌaꞌru te̱ye la̱ex.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

2 Timoteo 3:11

Ac xaqꞌue retal chanru nak xincuy xnumsinquil li ra xi̱cꞌ ut li raylal li xincꞌul xban xyebal resil li evangelio aran saꞌ eb li tenamit Antioquía, Iconio ut Listra. Chixjunil li raylal quilajincuy xnumsinquil ut li Ka̱cuaꞌ xcoloc cue chiruheb chixjunil li raylal aꞌan.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

Salmos 37:12

Li incꞌaꞌ us xnaꞌleb xicꞌ nequeꞌril li ti̱queb xchꞌo̱l ut nequeꞌxcꞌu̱b ru chanru nak teꞌxba̱nu ma̱usilal reheb.

San Marcos 10:30

Aꞌan tixcꞌul oꞌtakcꞌa̱l (100) chic chokꞌ re̱kaj li cꞌaꞌru re li tixcanab joꞌ rochoch, joꞌ li ras, joꞌ li ri̱tzꞌin, joꞌ li ralal xcꞌajol, joꞌ xnaꞌ xyucuaꞌ ut joꞌ lix chꞌochꞌ. Usta naxcꞌul ra xi̱cꞌ arin saꞌ ruchichꞌochꞌ, abanan ta̱re̱chani li junelic yuꞌam saꞌ eb li cutan cha̱lel.

San Lucas 6:20

Ut li Jesús quirileb lix tzolom ut qui-oc chixyebal: —Us xak e̱re la̱ex li nebaꞌex, xban nak cuanquex chic rubel xcuanquil li Dios.

San Mateo 10:23

Nak texrahobtesi̱k saꞌ jun li tenamit, texxic saꞌ jalan chic. Relic chi ya̱l ninye e̱re nak toj ma̱jiꞌ ajcuiꞌ nequechoy xbeninquil chixjunileb li tenamit cuanqueb Israel teꞌxnau nak xoline̱lk la̱in li Cꞌajolbej.

1 Juan 3:12

Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

Hechos 8:1

Laj Saulo quixcꞌul xchꞌo̱l nak queꞌxcamsi laj Esteban. Chalen saꞌ li cutan aꞌan queꞌoc xrahobtesinquileb chixjunileb laj pa̱banel aran Jerusalén ut cꞌajoꞌ li raylal queꞌxcꞌul. Ut chixjunileb quilajeꞌxjeqꞌui rib saꞌ eb li naꞌajej Judea ut Samaria. Caꞌaj chic eb li apóstol queꞌcana Jerusalén.

Hechos 5:40

Ut queꞌxcꞌul xchꞌo̱l li quixye. Queꞌxbokeb li apóstol ut queꞌxqꞌueheb chi saqꞌuecꞌ ut queꞌxye reheb nak incꞌaꞌ chic teꞌa̱tinak saꞌ xcꞌabaꞌ li Jesús. Ut chirix aꞌan, queꞌachꞌaba̱c.

Isaías 66:5

Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

San Mateo 19:14

Nak li Jesús quiril li yo̱queb chixba̱nunquil, quixye reheb lix tzolom: —Canabomakeb chi cha̱lc cuiqꞌuin li cocꞌal. Me̱ram chiruheb xban nak lix nimajcual cuanquilal li Dios, aꞌan reheb li kꞌuneb xchꞌo̱l joꞌ li cocꞌal, chan.

San Marcos 10:14

Nak li Jesús quixqꞌue retal li yo̱queb chixba̱nunquil, cꞌajoꞌ nak quipoꞌ ut quixye reheb lix tzolom: —Canabomakeb li cocꞌal chi cha̱lc cuiqꞌuin. Me̱ram chiruheb xban nak lix nimajcual cuanquilal li Dios, aꞌan reheb li nequeꞌpa̱ban joꞌ nak nequeꞌpa̱ban li cocꞌal.

San Lucas 22:29

Joꞌcan nak tinqꞌue e̱cuanquil la̱ex joꞌ nak xqꞌue incuanquil la̱in lin Yucuaꞌ.

Santiago 5:11

La̱o nakaye nak us xak reheb li nequeꞌcuyuc raylal. Xerabi resil chanru nak laj Job quixcuy xnumsinquil li raylal. Ut nequenau nak mokon li Dios quirosobtesi. Li Ka̱cuaꞌ Dios na-uxta̱nan ut natokꞌoban u.