San Mateo 4:8 - Li Santil hu

⁸ Ut quicꞌameꞌ cuiꞌchic xban laj tza saꞌ xbe̱n jun li tzu̱l kꞌaxal najt xteram. Ut laj tza quixcꞌut chak chiru li Jesús chixjunil li tenamit li cuan saꞌ ruchichꞌochꞌ joꞌ ajcuiꞌ lix nimal lix lokꞌal cuan chi saꞌ.

Q'eqchi Bible

⁸ Kik'ame'k wi' chik toj sa' xb'een jun li tzuul q'axal najt xteram, ut laj tza kilajxk'ut chiru li xwankilal ut li xch'ina'usal chixjunileb' li xninqal ru tenamit li wank sa' ruuchich'och',

San Mateo 4:8 ပူးပေါင်းရင်းမြစ်များ

San Mateo 16:26

¿Cꞌaꞌru tixra li cui̱nk cui ta̱re̱chani chixjunil xbiomal li ruchichꞌochꞌ ut tixsach li junelic yuꞌam xban li biomal? ¿Ma cuan ta biꞌ cꞌaꞌru tixtoj cuiꞌ li yuꞌam chi junelic?

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

1 Pedro 1:24

Saꞌ li Santil Hu tzꞌi̱banbil retalil chi joꞌcaꞌin: Lix yuꞌam li cristian saꞌ ruchichꞌochꞌ, aꞌan chanchan li pim. Nachakic ut na-osoꞌ. Ut lix lokꞌal chanchan ratzꞌum li pim. Nachakic natꞌaneꞌ ut na-osoꞌ.

Daniel 4:30

Quixye li rey: —¿Ma ma̱cuaꞌ ta biꞌ aꞌin lix nimal ru tenamit Babilonia li quinyi̱b? ¿Ma ma̱cuaꞌ ta biꞌ saꞌ incꞌabaꞌ la̱in nak xniman li tenamit xban nak cuan incuanquil la̱in? Aꞌan nacꞌutuc re lin cuanquil ut lin lokꞌal, chan.

Ester 5:11

Laj Amán qui-oc chixserakꞌinquil reheb chixjunil lix biomal. Quixye reheb nak nabaleb li ralal xcꞌajol ut nak sicꞌbil ru xban li rey. Ut quixye chanru nak quiqꞌueheꞌ xlokꞌal chiruheb chixjunileb ut quiqꞌueheꞌ xcuanquil saꞌ xbe̱neb chixjunileb li nequeꞌcꞌanjelac chiru li rey.

Ester 1:4

Quixbokeb chixjunileb re xcꞌutbal chiruheb lix nimal ut lix lokꞌal lix cuanquilal ut lix biomal. Li ninkꞌe aꞌan quicuan cuakib po.

San Mateo 4:5

Tojoꞌnak quicꞌameꞌ xban laj tza saꞌ li santil tenamit Jerusalén; ut coxxakaba̱k toj takecꞌ saꞌ xbe̱n li rochoch li Dios.

Números 23:3

Laj Balaam quixye re laj Balac: —Cana̱kat arin chixcꞌatk la̱ mayej. La̱in xic cue. Ma̱re li Ka̱cuaꞌ ta̱a̱tinak cuiqꞌuin. Li cꞌaꞌru tixye cue, la̱in tinye a̱cue, chan. Ut laj Balaam co̱ toj saꞌ xbe̱n jun li tzu̱l ma̱cꞌaꞌ cuan chiru.

San Juan 5:20

La̱in li Cꞌajolbej. Raro̱quin xban lin Yucuaꞌ. Aꞌan naxcꞌut chicuu chixjunil li cꞌaꞌak re ru naxba̱nu. Ut toj cuan cuiꞌchic cꞌaꞌak re ru xni̱nkal ru naꞌleb chiru aꞌin tixcꞌut chicuu xba̱nunquil. Ut la̱ex ta̱sachk e̱chꞌo̱l chirilbal.