San Mateo 4:7 - Li Santil hu

⁷ Ut li Jesús quichakꞌoc ut quixye re: —Tzꞌi̱banbil ajcuiꞌ saꞌ li Santil Hu chi joꞌcaꞌin: Ma̱tzꞌa̱ma xmilagro li Ka̱cuaꞌ la̱ Dios yal chi ma̱cꞌaꞌ rajbal.— (Deut. 6:16)

Q'eqchi Bible

⁷ Kichaq'ok li Jesus ut kixye: —Tz'iib'anb'il ajwi': «Maayal rix li Qaawa' laaYos».

San Mateo 4:7 ပူးပေါင်းရင်းမြစ်များ

Deuteronomio 6:16

Joꞌcan nak me̱yal rix li Ka̱cuaꞌ le̱ Dios joꞌ queba̱nu nak cuanquex chak saꞌ li naꞌajej Masah.

1 Corintios 10:9

Mikaqꞌue xjoskꞌil li Ka̱cuaꞌ Dios joꞌ queꞌxba̱nu eb aꞌan nak queꞌxba̱nu li ma̱usilal ut queꞌtiꞌeꞌ xbaneb li cꞌantiꞌ li quixtakla li Ka̱cuaꞌ Dios ut queꞌcam.

Salmos 78:18

Queꞌxyal rix li Dios xban nak queꞌxtzꞌa̱ma lix cuaheb chanru queꞌraj eb aꞌan.

Salmos 78:41

Rajlal yo̱queb chixyalbal rix lix Dioseb laj Israel toj retal queꞌxchikꞌ xjoskꞌil li Dios santo.

Hebreos 3:9

Aran queꞌxqꞌue injoskꞌil le̱ xeꞌto̱nil yucuaꞌ. Chiru caꞌcꞌa̱l chihab queꞌril li usilal li quilajinba̱nu reheb. Abanan junelic yo̱queb chixqꞌuebal injoskꞌil.

Éxodo 17:7

Laj Moisés quixqꞌue chokꞌ xcꞌabaꞌ li naꞌajej aꞌan Masah ut Meriba, xban nak eb laj Israel queꞌxcuechꞌi rix li Ka̱cuaꞌ Dios ut queꞌxye: —¿Ma cuan li Dios kiqꞌuin malaj incꞌaꞌ? chanqueb.

Éxodo 17:2

Ut eb laj Israel queꞌoc cuiꞌchic chixcuechꞌinquil laj Moisés. —Qꞌue kucꞌa, chanqueb re. Laj Moisés quixye reheb: —¿Cꞌaꞌut nak yo̱quex chincuechꞌinquil? ¿Cꞌaꞌut nak nequecuechꞌi rix li Dios? chan.

Hechos 5:9

Ut laj Pedro quixye cuiꞌchic re: —¿Cꞌaꞌut nak xecꞌu̱b che̱ribil e̱rib xyalbal rix li Santil Musikꞌej? Cueꞌqueb chak li xeꞌmukuc chak re la̱ be̱lom ut tateꞌxcꞌam ajcuiꞌ la̱at, chan.

Salmos 106:14

Nak cuanqueb aran saꞌ li chaki chꞌochꞌ bar ma̱cꞌaꞌ cuan, queꞌxrahi ru li tibel cua. Joꞌcan nak queꞌxyal rix li Ka̱cuaꞌ.

Salmos 95:9

Saꞌ li cutan aꞌan eb le̱ xeꞌto̱nil yucuaꞌ queꞌxyal cuix usta queꞌril li sachba chꞌo̱lej li quinba̱nu reheb.

Malaquías 3:15

Ut nequeye ajcuiꞌ, “Us xak reheb li incꞌaꞌ useb xnaꞌleb. Eb li nequeꞌba̱nun ma̱usilal, us cuanqueb. Nequeꞌxba̱nu li ma̱usilal yal re xyalbal rix li Dios ut ma̱cꞌaꞌ nequeꞌxcꞌul,” chanquex.—

Salmos 78:56

Abanan toj yo̱queb ajcuiꞌ xyalbal rix li nimajcual Dios ut queꞌxchikꞌ xjoskꞌil xban nak queꞌxkꞌet lix chakꞌrab.

Números 14:22

tinye a̱cue nak ma̱ jun reheb li cui̱nk aꞌin li xeꞌcuechꞌin cue teꞌoc saꞌ li naꞌajej li quinyechiꞌi reheb. Eb aꞌan queꞌril lin lokꞌal ut queꞌril ajcuiꞌ li sachba chꞌo̱lej li quinba̱nu aran Egipto joꞌqueb ajcuiꞌ li sachba chꞌo̱lej li quinba̱nu saꞌ li chaki chꞌochꞌ. Abanan nabal sut queꞌxyal cuix ut incꞌaꞌ queꞌxba̱nu li cꞌaꞌru quinye reheb.

San Mateo 4:4

Quichakꞌoc li Jesús ut quixye: —Incꞌaꞌ tinba̱nu aꞌan xban nak tzꞌi̱banbil retalil saꞌ li Santil Hu: Ma̱cuaꞌ caꞌaj cuiꞌ riqꞌuin li naxtzaca yoꞌyo cuiꞌ li cui̱nk; riqꞌuin ban li a̱tin li naxye li Dios.— (Deut. 8:3)

Isaías 8:20

Tzolomak li cꞌaꞌru naxye saꞌ lix chakꞌrab li Dios. Cui incꞌaꞌ nequeꞌxye e̱re chi tzꞌakal li cꞌaꞌru cuan saꞌ li chakꞌrab, aꞌan xban nak toj ma̱jiꞌ nequeꞌxtau lix ya̱lal.

San Mateo 4:10

Tojoꞌnak li Jesús quichakꞌoc ut quixye re: —Elen chicuu la̱at aj tza, xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak.— (Deut. 6:13)

San Mateo 21:42

Li Jesús quixpatzꞌ reheb: —¿Ma incꞌaꞌ xeril saꞌ li Santil Hu li naxye chi joꞌcaꞌin? Li pec li queꞌxtzꞌekta̱na laj cablanel, aꞌan li kꞌaxal lokꞌ, li quiqꞌueman chokꞌ xxuc li cab. Li Ka̱cuaꞌ, aꞌan quixqꞌue xlokꞌal li pec. Ut aꞌan xsachba chꞌo̱lej chokꞌ ke la̱o. (Sal. 118:22-23)

San Mateo 21:16

Ut queꞌxye re li Jesús: —¿Ma yo̱cat chirabinquil li yo̱queb chixyebal li sa̱j al?— Ut li Jesús quixye reheb: —Yo̱quin chirabinquil. ¿Ma ma̱ jun cua e̱rilom li tzꞌi̱banbil saꞌ li Santil Hu li naxye chi joꞌcaꞌin: Eb li cocꞌal ut li toj nequeꞌtuꞌuc nequeꞌxqꞌue xlokꞌal li Dios chi tzꞌakal?— (Sal. 8:2)

San Lucas 4:12

Li Jesús quichakꞌoc ut quixye re: —Tzꞌi̱banbil ajcuiꞌ saꞌ li Santil Hu chi joꞌcaꞌin: Ma̱tzꞌa̱ma xmilagro li Ka̱cuaꞌ la̱ Dios yal chi ma̱cꞌaꞌ rajbal.— (Deut. 6:16)

Hechos 15:10

Anakcuan ut ¿cꞌaꞌut nak yo̱quex chixyalbal rix li Dios riqꞌuin xqꞌuebal li i̱k aꞌin saꞌ xbe̱neb laj pa̱banel li ma̱cuaꞌeb aj judío? ¿Cꞌaꞌut nak te̱puersiheb chixba̱nunquil li naxye li chakꞌrab li incꞌaꞌ xoru chixba̱nunquil la̱o chi moco eb li kaxeꞌto̱nil yucuaꞌ?