San Mateo 4:3 - Li Santil hu

³ Ut laj tza quicuulac riqꞌuin ut quixye re: —Cui tzꞌakal ya̱l nak la̱at ralal li Dios, sukꞌisiheb chokꞌ caxlan cua li pec aꞌin.—

Q'eqchi Bible

³ Toja' naq kijilok laj aalenel chi xk'atq ut kixye re: —Wi laa'at Ralal li Yos, ye naq eb' li pek a'in che'jaltesiiq cho'q wa.

San Mateo 4:3 ပူးပေါင်းရင်းမြစ်များ

1 Ts 3:5

Joꞌcan nak xintakla laj Timoteo e̱riqꞌuin xban nak incꞌaꞌ chic xincuy roybeninquil resil chanru cuanquex saꞌ le̱ pa̱ba̱l. Ma̱re anchal xex-a̱le̱c xban laj tza ut li kacꞌanjel ma̱re chicana̱k chi ma̱cꞌaꞌ rajbal.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

San Mateo 3:17

Ut qui-abi̱c xya̱b xcux li Dios toj saꞌ choxa nak quixye: —Aꞌan aꞌin li cualal raro inban. Nasahoꞌ inchꞌo̱l riqꞌuin, chan.

Hebreos 12:16

Ma̱ ani taxak junak saꞌ e̱ya̱nk yal tixlakꞌab rib chi incꞌaꞌ sumsu. Chi moco cheba̱nu joꞌ quixba̱nu laj Esaú nak quixtzꞌekta̱na lix lokꞌlaj ma̱tan. Laj Esaú quixcꞌul raj lix ma̱tan xban nak aꞌan li xbe̱n alalbej. Abanan quixtzꞌekta̱na lix ma̱tan xban nak quixcꞌayi yal riqꞌuin jun cuaꞌal chi cua.

Éxodo 16:3

Queꞌxye reheb: —Incꞌaꞌ ta peꞌ cuan co-el chak Egipto. Kꞌaxal us raj nak coxcamsi ta li Ka̱cuaꞌ Dios nak toj cuanco chak saꞌ li tenamit Egipto. Aran sa cuanco cuiꞌ. Cuan katib ut cuan kacaxlan cua ut nujenako chi junelic. Ut la̱ex xoe̱cꞌam chak arin saꞌ li chaki chꞌochꞌ ut yo̱co chi xcuybal li kasaꞌ ut ca̱mc ke xban cueꞌej, chanqueb.

Hechos 9:20

Laj Saulo ticto qui-oc chixchꞌolobanquil lix ya̱lal chirix li Jesús, chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut quixye reheb: —Li Jesús, aꞌan li Cristo li Ralal li Dios, chan.

San Lucas 4:9

Ut laj tza quixcꞌam li Jesús saꞌ li tenamit Jerusalén ut coxxakab toj takecꞌ saꞌ xbe̱n li templo. Quixye re: —Cui tzꞌakal ya̱l nak la̱at Ralal li Dios, cut a̱cuib takꞌa.

San Lucas 4:3

Laj tza quixye re: —Cui tzꞌakal ya̱l nak la̱at Ralal li Dios, sukꞌisi chokꞌ caxlan cua li pec aꞌin, chan.

San Mateo 14:33

Ut eb li cuanqueb saꞌ li jucub queꞌxcuikꞌib rib chiru li Jesús ut queꞌxlokꞌoni ut queꞌxye re: —Relic chi ya̱l nak la̱at li Ralal li Dios, chanqueb re.

San Mateo 16:16

Quichakꞌoc laj Simón Pedro ut quixye: —La̱at li Cristo, li Ralal li yoꞌyo̱quil Dios.—

San Mateo 26:63

Ut li Jesús ma̱ jun li a̱tin quixye. Ut li xyucuaꞌileb aj tij quixye cuiꞌchic re: —Saꞌ xcꞌabaꞌ li yoꞌyo̱quil Dios ta̱ye ke cui la̱at li Cristo, li Ralal li Dios.—

San Marcos 1:1

Joꞌcaꞌin nak quiticla chak resilal li colba-ib saꞌ xcꞌabaꞌ li Jesucristo li Ralal li Dios.

San Marcos 3:11

Li cuan ma̱us aj musikꞌej riqꞌuineb, nak queꞌril li Jesús, queꞌxcuikꞌib rib chiru ut queꞌxjap re chixyebal: —La̱at li Ralal li Dios, chanqueb re.

San Marcos 5:7

Quixjap re chixyebal: —¿Cꞌaꞌru ta̱cuaj cuiqꞌuin, at Jesús? La̱at Ralalat li nimajcual Dios. Saꞌ xcꞌabaꞌ li Ka̱cuaꞌ Dios, nintzꞌa̱ma cha̱cuu nak mina̱rahobtesi, chan re.

San Lucas 1:35

Li ángel quixye re: —Riqꞌuin xcuanquil li Santil Musikꞌej tatcana̱k chi yaj aj ixk. Lix cuanquil li nimajcual Dios ta̱cua̱nk a̱cuiqꞌuin. Ut li cꞌulaꞌal li ta̱yoꞌla̱k, aꞌan santo ut tzꞌakal ralal li Dios.

San Lucas 4:41

Ut nabaleb ajcuiꞌ li quirisi ma̱us aj musikꞌej riqꞌuineb. Li ma̱us aj musikꞌej nak nequeꞌel riqꞌuineb, japjo̱queb re chixyebal: —La̱at Ralal li Dios, chanqueb. Abanan li Jesús quixkꞌuseb ut incꞌaꞌ quixcanabeb chi a̱tinac xban nak eb aꞌan queꞌxnau nak aꞌan li Cristo, laj Colonel li yechiꞌinbil xban li Dios.

San Lucas 22:70

Ut chixjunileb queꞌxye re: —¿Ma la̱at li Ralal li Dios chi joꞌcanan? Ut li Jesús quichakꞌoc ut quixye: —Ya̱l li xeye nak la̱in, chan.

San Juan 1:34

Ut la̱in quicuil nak quicube chak li Santil Musikꞌej saꞌ xbe̱n li Jesús. Joꞌcan nak ninnau chi tzꞌakal nak aꞌan tzꞌakal Ralal li Dios, chan laj Juan.

San Juan 1:49

Quichakꞌoc laj Natanael ut quixye re: —At tzolonel, la̱at li Ralal li Dios. La̱at lix Reyeb laj Israel, chan re li Jesús.

San Juan 9:35

Li Jesús quirabi resil li cꞌaꞌru queꞌxba̱nu. Nak quixtau li cui̱nk li quixqꞌuirtesi, quixye re: —¿Ma nacapa̱b li Ralal li Dios? chan re.

San Juan 20:31

Abanan li joꞌ qꞌuial tzꞌi̱banbil retalil saꞌ li hu aꞌin, quitzꞌi̱ba̱c re nak te̱pa̱b nak li Jesús, aꞌan li Cristo. Aꞌan li Ralal li Dios. Quitzꞌi̱ba̱c re nak riqꞌuin xpa̱banquil ta̱cua̱nk e̱yuꞌam chi junelic saꞌ xcꞌabaꞌ aꞌan.

2 Corintios 1:19

Li Jesucristo li Ralal li Dios ma̱ jun sut quixye us cui aꞌan naxnau nak incꞌaꞌ tixba̱nu. Aꞌan junelic ya̱l li cꞌaꞌru naxye. Ut la̱in cuochbeneb laj Silvano ut laj Timoteo nakachꞌolob xya̱lal li Cristo che̱ru la̱ex.

Gálatas 2:20

Li Jesucristo quicam chiru li cruz ut chanchan nak quinqꞌueheꞌ ajcuiꞌ la̱in cuochben. Ma̱cuaꞌ chic la̱in li yoꞌyo̱quin. Aꞌ chic li Cristo cuan cuiqꞌuin. Ut acꞌ chic lin yuꞌam xban nak xinpa̱b li Jesucristo li Ralal li Dios li quirahoc cue ut quixkꞌaxtesi rib chi ca̱mc saꞌ incꞌabaꞌ.

Hebreos 4:14

Li Ka̱cuaꞌ Jesucristo, li Ralal li Dios, aꞌan lix yucuaꞌil aj tij chokꞌ ke. Quitakeꞌ saꞌ choxa ut cuan chak riqꞌuin li Dios Acuabej. Yo̱ chak chi oque̱nc chikix chiru li Dios. Joꞌcan nak cauhak taxak kachꞌo̱l saꞌ li kapa̱ba̱l.

Hebreos 7:3

Incꞌaꞌ nanauman ani lix yucuaꞌ laj Melquisedec chi moco lix naꞌ chi moco lix xeꞌto̱nil yucuaꞌ. Incꞌaꞌ nanauman chirix lix yoꞌlajic chi moco lix camic. Laj Melquisedec, aꞌan retalil li Jesucristo ut aꞌan laj tij chi junelic.

1 Juan 3:8

Li ani yo̱ chi ma̱cobc, aꞌan re laj tza xban nak laj tza aꞌan aj ma̱c chalen chak saꞌ xticlajic li ruchichꞌochꞌ. Aꞌan aj e nak col-e̱lk li Ralal li Dios re xsachbal xcꞌanjel laj tza.