San Mateo 4:23 - Li Santil hu

²³ Ut li Jesús quixbeni chixjunil li naꞌajej Galilea. Yo̱ chixcꞌutbal lix ya̱lal saꞌ eb li cab li nequeꞌxchꞌutub cuiꞌ ribeb laj judío. Quixchꞌolob xya̱lal li cha̱bil esilal chirix lix cuanquilal li Dios. Ut yo̱ chixqꞌuirtesinquil chixjunil li qꞌuila pa̱y ru chi yajel ut li raylal.

Q'eqchi Bible

²³ Li Jesus kixb'eeni chixjunil Galilea, yo chi xtzolb'aleb' sa'atqeb' li xch'utleb'aal kab'l. Naxpuktesi li xchaab'il esil li xnimajwal wankilal li xchoxa ut naxk'irtasi chixjunil li rahilal ut yajel sa' xyanqeb' li tenamit.

San Mateo 4:23 ပူးပေါင်းရင်းမြစ်များ

San Mateo 9:35

Ut li Jesús yo̱ xbeninquil saꞌ eb li tenamit junju̱nk ut saꞌ eb ajcuiꞌ li cꞌaleba̱l. Quixcꞌut lix ya̱lal chiruheb saꞌ li cab li nequeꞌxchꞌutub cuiꞌ ribeb laj judío ut quixchꞌolob xya̱lal lix nimajcual cuanquilal li Dios chiruheb. Ut yo̱ chixqꞌuirtesinquil chixjunil li qꞌuila pa̱y chi yajel ut li raylal.

San Marcos 1:39

Joꞌcan nak li Jesús quicuulac saꞌ eb li naꞌajej cuan xcue̱nt Galilea. Yo̱ chixjulticanquil lix ya̱lal chiruheb saꞌ li cab li nequeꞌxchꞌutub cuiꞌ ribeb laj judío, ut quirisi li ma̱us aj musikꞌej riqꞌuineb nabal chi cristian.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

San Lucas 7:22

Ut li Jesús quixye reheb: —Ayukex ut te̱serakꞌi re laj Juan li cꞌaꞌru xeril ut li cꞌaꞌru xerabi. Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix qꞌuirtesinbileb chic; eb li tzꞌap xic nequeꞌabin chic; eb li camenak xeꞌcuaclesi̱c cuiꞌchic chi yoꞌyo ut eb li nebaꞌ yo̱queb chirabinquil resil li usilal.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

San Mateo 13:54

Ut nak quicuulac saꞌ lix tenamit Nazaret, quixtzoleb saꞌ li cab li nequeꞌxchꞌutub cuiꞌ ribeb laj judío. Ut eb aꞌan queꞌsach xchꞌo̱leb chirabinquil li quixye li Jesús, ut queꞌxye chi ribileb rib: —¿Bar naxtau lix naꞌleb li cui̱nk aꞌin? ¿Chanru nak naru xba̱nunquil li milagro aꞌin li nalajxba̱nu?

San Marcos 1:21

Queꞌcuulac saꞌ li tenamit Capernaum. Saꞌ li hiloba̱l cutan, qui-oc li Jesús saꞌ li cab li nequeꞌxchꞌutub cuiꞌ ribeb laj judío. Ut qui-oc chixchꞌolobanquil xya̱lal chiruheb li tenamit.

Salmos 103:3

Aꞌan naxcuy naxsach chixjunil lin ma̱c. Ut aꞌan li naqꞌuirtesin re chixjunil lin yajel.

Romanos 10:15

Ut ¿chanru nak ta̱chꞌoloba̱k chak xya̱lal chiruheb cui ma̱ ani taklanbil xban li Ka̱cuaꞌ? Joꞌcaꞌin tzꞌi̱banbil saꞌ li Santil Hu: Cꞌajoꞌ xlokꞌal eb li nequeꞌxic yalak bar chixyebal resil li colba-ib, li naqꞌuehoc tuktu̱quil usilal. (Isa. 52:7)

San Lucas 8:1

Li Jesús co̱ saꞌ eb li tenamit chixyebal resil li cha̱bil esilal. Ut quilajeꞌxbeni chixjunileb li tenamit ut li cꞌaleba̱l rochbeneb lix tzolom cablaju. Yo̱ chixchꞌolobanquil lix ya̱lal chirix lix nimajcual cuanquilal li Dios.

San Marcos 6:2

Saꞌ li hiloba̱l cutan co̱ saꞌ li cab li nequeꞌxchꞌutub cuiꞌ ribeb laj judío. Qui-oc chixtzolbaleb li tenamit. Nabal queꞌabin re ut quilajeꞌsach xchꞌo̱l chirabinquil ut queꞌxye chi ribileb rib: —¿Bar xtzol lix naꞌleb? ¿Cꞌaꞌru chi naꞌlebil li naxnau? ¿Chanru nak naxba̱nu li milagro? chanqueb.

San Mateo 24:14

Ut li resil lix nimajcual cuanquilal li Dios ta̱yema̱nk yalak bar jun sut rubel choxa re nak chixjunileb li tenamit teꞌrabi resil li colba-ib. Tojoꞌnak ta̱cha̱lk li rosoꞌjiqueb li cutan.

San Mateo 12:9

Ut nak qui-el chak aran, quichal saꞌ li cab li nequeꞌxchꞌutub cuiꞌ ribeb laj judío.

San Juan 18:20

Li Jesús quixye re: —Junelic xinchꞌolob lix ya̱lal chiruheb li tenamit saꞌ eb li cab li nequeꞌxchꞌutub cuiꞌ ribeb laj judío ut saꞌ li templo. Ma̱cꞌaꞌ xinye reheb chi mukmu.

San Lucas 13:10

Saꞌ jun li hiloba̱l cutan, li Jesús yo̱ chixcꞌutbal lix ya̱lal chiruheb saꞌ li cab li nequeꞌxchꞌutub cuiꞌ ribeb laj judío.

San Lucas 9:11

Abanan li qꞌuila tenamit queꞌxqꞌue retal nak li Jesús yo̱queb chi xic saꞌ li naꞌajej aꞌan, ut queꞌco̱eb chirix. Li Jesús quixcꞌuleb ut qui-oc chixchꞌolobanquil xya̱lal chiruheb chirix lix nimajcual cuanquilal li Dios. Ut quixqꞌuirtesiheb ajcuiꞌ li yaj.

San Lucas 5:17

Saꞌ jun li cutan nak li Jesús yo̱ chixchꞌolobanquil lix ya̱lal chiruheb li tenamit cuanqueb cuib oxib laj fariseo saꞌ xya̱nkeb. Ut cuanqueb ajcuiꞌ aj tzolol chakꞌrab. Queꞌchal chak saꞌ eb li naꞌajej Galilea, Judea ut Jerusalén. Ut li Jesús yo̱ chixqꞌuirtesinquileb li yaj riqꞌuin xcuanquil li Dios.

San Marcos 6:6

Ut li Jesús quisach xchꞌo̱l chirilbaleb nak incꞌaꞌ nequeꞌxpa̱b nak cuan xcuanquil. Ut nak qui-el aran, co̱ saꞌ chixjunil li cꞌaleba̱l chixtzolbaleb li tenamit.

San Marcos 3:10

Xban nak nabal ac xqꞌuirtesi, joꞌcan nak li qꞌuila tenamit yo̱queb chixtiquisinquil ribeb. Teꞌraj teꞌxchꞌeꞌ li Jesús re nak teꞌqꞌuira̱k.

San Marcos 1:14

Ac cuan laj Juan laj Cubsihom Haꞌ saꞌ tzꞌalam nak co̱ li Jesús Galilea ut yo̱ chixjulticanquil resil li colba-ib li naxqꞌue li Dios.

Salmos 74:8

Ut queꞌxye saꞌ xchꞌo̱leb: Kasachak ruheb chi junaj cua, chanqueb. Ut quilajeꞌxcꞌat ajcuiꞌ chixjunileb li cab li nakachꞌutub cuiꞌ kib chixqꞌuebal a̱lokꞌal.

Hechos 20:25

La̱in xinchꞌolob chak xya̱lal lix nimajcual cuanquilal li Dios saꞌ e̱ya̱nk la̱ex. Ut ninnau ajcuiꞌ nak ma̱ jun chic e̱re la̱ex ta̱ilok cuu.

Hechos 18:4

Saꞌ li hiloba̱l cutan rajlal naxic laj Pablo saꞌ li cab li nequeꞌxchꞌutub cuiꞌ ribeb laj judío. Aran quia̱tinac riqꞌuineb ut quixchꞌolob xya̱lal chiruheb laj judío joꞌqueb ajcuiꞌ li ma̱cuaꞌeb aj judío.

San Juan 6:59

Chixjunil li cꞌaꞌak re ru aꞌin li Jesús quixye reheb nak yo̱ chixcꞌutbal lix ya̱lal chiruheb aran Capernaum saꞌ li cab li nequeꞌxchꞌutub cuiꞌ ribeb laj judío.

San Lucas 10:9

Te̱qꞌuirtesiheb li yaj li cuanqueb saꞌ li tenamit aꞌan ut te̱ye ajcuiꞌ reheb nak yo̱ chak chi nachꞌoc lix nimajcual cuanquilal li Dios.

San Lucas 6:17

Li Jesús quicube saꞌ li tzu̱l rochbeneb lix tzolom ut quicana saꞌ jun naꞌajej takꞌa ru rochbeneb lix qꞌuialeb chic lix tzolom ut li qꞌuila tenamit li queꞌchal chak saꞌ eb li tenamit Judea ut Jerusalén. Ut cuan ajcuiꞌ li queꞌchal saꞌ eb li tenamit li cuanqueb chire li palau joꞌ Tiro ut Sidón. Quilajeꞌchal re nak teꞌrabi li cꞌaꞌru tixye li Jesús ut re ajcuiꞌ nak li Jesús tixqꞌuirtesiheb li yaj.

San Mateo 14:14

Ut li Jesús nak qui-el saꞌ li jucub, quiril li qꞌuila tenamit li ac queꞌcuulac xbe̱n cua chiru aꞌan. Ut quixtokꞌoba ruheb ut quixqꞌuirtesiheb li yaj cuanqueb saꞌ xya̱nkeb.

San Mateo 13:19

Li ani na-abin re lix ya̱lal chirix lix nimajcual cuanquilal li Dios ut incꞌaꞌ naxtau ru, aꞌan chanchan li iyaj li quinak chire be. Ut laj tza nachal ut naxmakꞌ chiru lix ya̱lal ut saꞌ junpa̱t nasach saꞌ xchꞌo̱l.

San Mateo 3:2

—Chiyotꞌekꞌ e̱chꞌo̱l ut chejal e̱cꞌaꞌux xban nak yo̱ chak chi cha̱lc li ta̱qꞌuehekꞌ saꞌ xcuanquil xban li Dios. Ut aꞌan chic ta̱cua̱nk xcuanquil saꞌ xbe̱neb li ralal xcꞌajol.—

San Juan 7:1

Chirix chic aꞌan, li Jesús yo̱ chixbeninquileb li naꞌajej li cuanqueb Galilea. Incꞌaꞌ quiraj xic Judea xban nak eb li nequeꞌtaklan saꞌ xya̱nkeb laj judío teꞌraj xcamsinquil.

San Lucas 20:1

Saꞌ jun li cutan li Jesús yo̱ chixchꞌolobanquil xya̱lal li colba-ib chiruheb li tenamit li cuanqueb saꞌ li templo, nak queꞌcuulac riqꞌuineb li xbe̱nil laj tij ut eb laj tzꞌi̱b rochbeneb li xakabanbileb chi cꞌanjelac saꞌ li templo.

San Lucas 4:14

Ut quisukꞌi li Jesús Galilea chi cuan xcuanquil li Santil Musikꞌej riqꞌuin. Saꞌ chixjunil li naꞌajej li cuanqueb chi xjun sutam li tenamit Galilea, queꞌrabi resil li Jesús.

San Lucas 6:6

Saꞌ jun chic li hiloba̱l cutan qui-oc li Jesús saꞌ li cab li nequeꞌxchꞌutub cuiꞌ ribeb laj judío ut quixchꞌolob lix ya̱lal chiruheb li tenamit. Aran cuan jun li cui̱nk sic lix nim ukꞌ.

San Lucas 7:21

Ut saꞌ li ho̱nal aꞌan li Jesús yo̱ chixqꞌuirtesinquileb nabaleb li cristian li cuanqueb saꞌ raylal. Cuanqueb li yaj quixqꞌuirtesiheb. Ut cuanqueb li cuan ma̱us aj musikꞌej riqꞌuin ut li Jesús quirisi li ma̱us aj musikꞌej riqꞌuineb. Ut cuanqueb nabaleb li mutzꞌ li quixqꞌueheb chi iloc.

San Lucas 9:60

Li Jesús quixye re: —Canabeb li toj camenakeb saꞌ li ma̱c xmukakeb cuan lix camenak. Ut la̱at, ayu. Ye chak resil lix nimajcual cuanquilal li Dios, chan.

San Lucas 16:16

Chixjunil li tijleb li queꞌxcꞌut eb li profeta junxil, joꞌ ajcuiꞌ lix chakꞌrab laj Moisés, quirakeꞌ xyebal nak laj Juan laj Cubsihom Haꞌ quicꞌulun chixchꞌolobanquil resil nak cha̱lc re lix nimajcual cuanquilal li Dios. Ut nabaleb yo̱queb chixyalbal xkꞌe chi oc rubel lix nimajcual cuanquilal li Dios.

Hechos 28:31

Yo̱ chixchꞌolobanquil lix ya̱lal lix nimajcual cuanquilal li Dios ut yo̱ chixyebal resil li Ka̱cuaꞌ Jesucristo chi ma̱cꞌaꞌ xxiu. Ut ma̱ ani quiramoc chiru xyebal.