San Mateo 4:2 - Li Santil hu

² Nak ac xba̱nu x-ayu̱n caꞌcꞌa̱l cutan caꞌcꞌa̱l kꞌojyi̱n quitzꞌoca.

Q'eqchi Bible

² Ut naq ak xkuy xsa' chiru ka'k'aal kutan ut ka'k'aal q'oqyink, kitz'okaak.

San Mateo 4:2 ပူးပေါင်းရင်းမြစ်များ

Deuteronomio 9:18

Ut quincut cuib saꞌ chꞌochꞌ chiru li Ka̱cuaꞌ joꞌ quinba̱nu junxil. Ut chiru caꞌcꞌa̱l cutan ut caꞌcꞌa̱l kꞌojyi̱n incꞌaꞌ quincuaꞌac chi moco quin-ucꞌac xban chixjunil li ma̱c li queba̱nu. Queba̱nu li ma̱usilal chiru li Ka̱cuaꞌ ut quechikꞌ xjoskꞌil.

1 Reyes 19:8

Quicuacli laj Elías, quicuaꞌac ut qui-ucꞌac. Riqꞌuin lix tzacae̱mk li quixtzaca, cau chic rib re ta̱be̱k chiru caꞌcꞌa̱l cutan ut caꞌcꞌa̱l kꞌojyi̱n toj ta̱cuulak saꞌ li tzu̱l Horeb li nequeꞌxlokꞌoni cuiꞌ li Ka̱cuaꞌ.

Éxodo 34:28

Caꞌcꞌa̱l cutan (40) ut caꞌcꞌa̱l kꞌojyi̱n quicana aran laj Moisés riqꞌuin li Dios. Incꞌaꞌ quicuaꞌac ut incꞌaꞌ qui-ucꞌac. Ut quixtzꞌi̱ba li contrato chiru li cuib chi pec. Aꞌaneb li laje̱b chi chakꞌrab.

San Lucas 4:2

Ut aran quicuan caꞌcꞌa̱l cutan. Ut laj tza quixyal ra̱lenquil. Abanan incꞌaꞌ quixqꞌue rib chi a̱le̱c. Chiruheb li cutan aꞌan ma̱cꞌaꞌ naxtzaca ut saꞌ xrakic li caꞌcꞌa̱l cutan quichal xtzꞌocajic.

Deuteronomio 9:9

Nak la̱in quintakeꞌ saꞌ xbe̱n li tzu̱l chixcꞌulbal li perpo̱quil pec li tzꞌi̱banbil cuiꞌ lix contrato li Dios, quincana saꞌ li tzu̱l caꞌcꞌa̱l cutan ut caꞌcꞌa̱l kꞌojyi̱n. Incꞌaꞌ quincuaꞌac chi moco quin-ucꞌac.

Deuteronomio 9:25

Joꞌcan nak la̱in quincut cuib saꞌ chꞌochꞌ chi tijoc chiru li Ka̱cuaꞌ chiru caꞌcꞌa̱l cutan ut caꞌcꞌa̱l kꞌojyi̱n xban nak li Ka̱cuaꞌ quixye nak tixsach e̱ru.

Éxodo 24:18

Tojoꞌnak laj Moisés mas cuiꞌchic quitakeꞌ chiru li tzu̱l ut qui-oc saꞌ li chok. Ut caꞌcꞌa̱l (40) cutan ut caꞌcꞌa̱l kꞌojyi̱n quicuan aran.

San Juan 4:6

Ut aran cuan jun li becbil haꞌ li quixtakla xbecbal laj Jacob najter. Cuaꞌleb na chic quicuulac aran li Jesús. Quicꞌojla chire li becbil haꞌ chi hila̱nc xban nak quilub chi be̱c.

San Marcos 11:12

Joꞌ cuulajak chic nak queꞌel aran Betania, quichal xtzꞌocajic li Jesús.

Deuteronomio 18:18

La̱in tinqꞌue junak profeta saꞌ e̱ya̱nk joꞌ la̱at. E̱comon ajcuiꞌ la̱ex. La̱in tinqꞌue li cua̱tin re ut aꞌan tixye reheb li tenamit chixjunil li cꞌaꞌru tinye la̱in.

San Mateo 21:18

Ut ekꞌela nak yo̱ cuiꞌchic chi xic Jerusalén, quichal xtzꞌocajic li Jesús.

San Mateo 25:35

Te̱re̱chani xban nak quintzꞌoca chak ut quine̱qꞌue chi cuaꞌac. Quichakic cue ut quine̱qꞌue chi ucꞌac. Quinsicꞌ cuochochnal ut quine̱cꞌul e̱riqꞌuin.

San Mateo 25:42

Xban nak la̱in quintzꞌoca chak ut incꞌaꞌ quine̱qꞌue chi cuaꞌac. Quichakic chak cue ut incꞌaꞌ quine̱qꞌue chi ucꞌac.