San Mateo 4:14 - Li Santil hu

¹⁴ Aꞌin quicꞌulman joꞌ quixye li profeta Isaías nak quixye chi joꞌcaꞌin:

Q'eqchi Bible

¹⁴ Chi jo'kan kitz'aqlok ru li xyehom li propeet Isaías:

San Mateo 4:14 ပူးပေါင်းရင်းမြစ်များ

San Mateo 2:23

Queꞌchal ut queꞌcuan saꞌ jun li tenamit Nazaret xcꞌabaꞌ xcue̱nt Galilea. Aꞌin quicꞌulman joꞌ queꞌxye li profeta nak queꞌxye nak aj Nazaret tixcꞌabaꞌin.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

San Lucas 22:37

Relic chi ya̱l ninye e̱re nak tento ta̱tzꞌaklok ru li cꞌaꞌru tzꞌi̱banbil chicuix saꞌ li Santil Hu, li naxye chi joꞌcaꞌin: Quiqꞌueheꞌ saꞌ ajl saꞌ xya̱nkeb li incꞌaꞌ useb xnaꞌleb. Tento nak ta̱cꞌulma̱nk li cꞌaꞌru tzꞌi̱banbil retalil chicuix, chan.

San Mateo 2:15

Ut queꞌcuan aran Egipto toj quicam laj Herodes. Aꞌan quicꞌulman joꞌ quixtzꞌi̱ba li profeta li quiyeheꞌ re xban li Ka̱cuaꞌ nak quixye: Saꞌ li tenamit Egipto quinbok chak li cualal, chan. (Ose. 11:1)

San Juan 19:28

Chirix chic aꞌan quixnau li Jesús nak ac xtzꞌakloc ru chixjunil. Re nak ta̱tzꞌaklok ru li tzꞌi̱banbil saꞌ li Santil Hu, li Jesús quixye: —Ta̱chakik cue, chan.

San Juan 15:25

Joꞌcaꞌin xcꞌulman xban nak tzꞌi̱banbil chak retalil saꞌ li chakꞌrab li quiqꞌueheꞌ reheb: Ma̱cꞌaꞌ raj inma̱c, abanan xicꞌ quineꞌril.

San Mateo 26:56

Abanan chixjunil aꞌin x-uxman re nak ta̱tzꞌaklok ru li Santil Hu tzꞌi̱banbil xbaneb li profeta. Tojoꞌnak queꞌe̱lelic chixjunileb lix tzolom ut queꞌxcanab xjunes li Jesús.

San Mateo 26:54

Abanan cui tixtakla raj chak eb li ángel, ¿chan raj ru nak ta̱tzꞌaklok ru li tzꞌi̱banbil saꞌ li Santil Hu, li naxye nak joꞌcaꞌin tento ta̱cꞌulma̱nk? chan li Jesús.

San Mateo 8:17

Aꞌin quicꞌulman joꞌ quixye li profeta Isaías, nak quixye chi joꞌcaꞌin: Aꞌan quicꞌamoc re li kayajel, ut aꞌan quicꞌuluc re li karaylal. (Isa. 53:4)

San Mateo 1:22

Chixjunil aꞌan quicꞌulman re nak ta̱tzꞌaklok ru li quixye li profeta Isaías joꞌ nak quiyeheꞌ re xban li Ka̱cuaꞌ.

San Mateo 4:13

Qui-el Nazaret ut co̱ Capernaum. Ut aran quicana. Li tenamit aꞌan cuan chire li palau saꞌ xchꞌochꞌeb laj Zabulón ut eb aj Neftalí.

San Mateo 4:15

Aran saꞌ xchꞌochꞌ laj Zabulón ut saꞌ xchꞌochꞌ laj Neftalí, li cuan chire li be li naxic saꞌ li palau, aran jun pacꞌal li nimaꞌ Jordán, saꞌ li naꞌajej Galilea bar nequeꞌcuan cuiꞌ li ma̱cuaꞌeb aj judío,