San Mateo 4:13 - Li Santil hu

¹³ Qui-el Nazaret ut co̱ Capernaum. Ut aran quicana. Li tenamit aꞌan cuan chire li palau saꞌ xchꞌochꞌeb laj Zabulón ut eb aj Neftalí.

Q'eqchi Bible

¹³ Kixkanab' Nazaret ut koxna'ajunq Kafarnaúm chire li palaw, sa' xch'och'eb' laj Sabulón ut laj Neftalí.

San Mateo 4:13 ပူးပေါင်းရင်းမြစ်များ

San Juan 4:46

Li Jesús co̱ cuiꞌchic saꞌ li tenamit Caná re Galilea li quixsukꞌisi cuiꞌ li haꞌ chokꞌ vino. Ut aran Capernaum cuan jun li cui̱nk aj cꞌanjel chiru li rey. Yaj li ralal.

San Marcos 1:21

Queꞌcuulac saꞌ li tenamit Capernaum. Saꞌ li hiloba̱l cutan, qui-oc li Jesús saꞌ li cab li nequeꞌxchꞌutub cuiꞌ ribeb laj judío. Ut qui-oc chixchꞌolobanquil xya̱lal chiruheb li tenamit.

San Mateo 11:23

Ut la̱ex aj Capernaum, cꞌajoꞌ nak nequenimobresi e̱rib. ¿Ma nequecꞌoxla nak ta̱taksi̱k le̱ cuanquil toj saꞌ choxa? Ta̱cubsi̱k ban le̱ cuanquil toj saꞌ xnaꞌajeb li camenak. Cui ta riqꞌuineb laj Sodoma quilaj-uxman eb li milagro li x-uxman e̱riqꞌuin la̱ex, toj cuanqueb raj saꞌ li cutan anakcuan.

San Juan 6:59

Chixjunil li cꞌaꞌak re ru aꞌin li Jesús quixye reheb nak yo̱ chixcꞌutbal lix ya̱lal chiruheb aran Capernaum saꞌ li cab li nequeꞌxchꞌutub cuiꞌ ribeb laj judío.

San Juan 6:24

Li qꞌuila tenamit queꞌxqꞌue retal nak ma̱ ani chic li Jesús saꞌ li naꞌajej aꞌan, chi moco cuanqueb lix tzolom. Queꞌoc saꞌ eb li jucub li queꞌchal Tiberias ut co̱eb Capernaum chixsicꞌbal.

San Juan 6:17

Li Jesús ma̱jiꞌ nacuulac riqꞌuineb. Queꞌoc saꞌ jun li jucub ut yo̱queb chi xic saꞌ li tenamit Capernaum li cuan jun pacꞌal li palau.

San Juan 2:12

Chirix chic aꞌan co̱ Capernaum li Jesús rochben lix naꞌ ut eb li ri̱tzꞌin. Queꞌco̱eb ajcuiꞌ lix tzolom ut queꞌcana aran cuib oxib cutan.

San Mateo 17:24

Ut nak queꞌcuulac Capernaum li Jesús rochbeneb lix tzolom, queꞌchal riqꞌuin laj Pedro li nequeꞌtitzꞌoc toj re li rochoch li Dios ut queꞌxye re: —¿Ma natojoc laj tzolol e̱re?—

San Lucas 4:23

Ut li Jesús quixye reheb: —Ma̱re te̱ye cue jun li a̱tin li naxye: “At aj banonel, ban a̱cuib a̱junes. La̱o xkabi resil nak nabal li cꞌaꞌak re ru xaba̱nu Capernaum. ¿Cꞌaꞌut nak incꞌaꞌ ta̱ba̱nu aꞌan arin saꞌ la̱ tenamit?” ma̱re chaꞌkex cue.

San Mateo 4:14

Aꞌin quicꞌulman joꞌ quixye li profeta Isaías nak quixye chi joꞌcaꞌin:

San Mateo 4:15

Aran saꞌ xchꞌochꞌ laj Zabulón ut saꞌ xchꞌochꞌ laj Neftalí, li cuan chire li be li naxic saꞌ li palau, aran jun pacꞌal li nimaꞌ Jordán, saꞌ li naꞌajej Galilea bar nequeꞌcuan cuiꞌ li ma̱cuaꞌeb aj judío,

San Mateo 9:1

Ut li Jesús qui-oc cuiꞌchic saꞌ jun li jucub ut quikꞌaxon jun pacꞌal li palau ut quicuulac saꞌ lix tenamit.

San Marcos 2:1

Nak ac xnumeꞌ cuib oxib cutan chic, li Jesús co̱ cuiꞌchic saꞌ li tenamit Capernaum. Ut queꞌrabi resil nak li Jesús cuan saꞌ li tenamit saꞌ jun li cab bar nahilan cuiꞌ.

San Lucas 10:15

Ut la̱ex li cuanquex saꞌ li tenamit Capernaum, cꞌajoꞌ nak nequenimobresi e̱rib. ¿Ma nequecꞌoxla nak ta̱taksi̱k e̱cuanquil toj saꞌ choxa? Ta̱cubsi̱k ban e̱cuanquil nak textakla̱k saꞌ xnaꞌajeb li camenak.