San Mateo 4:11 - Li Santil hu

¹¹ Tojoꞌnak quicanaba̱c xban laj tza ut eb li ángel queꞌcuulac ut queꞌcꞌanjelac chiru.

Q'eqchi Bible

¹¹ Toja' naq kikanab'aak xb'aan laj tza, ut sa' li honal a'an wankeb' ánjel ke'wulak rik'in ut ke'xtikib' k'anjelak chiru.

San Mateo 4:11 ပူးပေါင်းရင်းမြစ်များ

San Mateo 26:53

¿Ma incꞌaꞌ nacanau nak naru tintzꞌa̱ma chiru lin Yucuaꞌ ut aꞌan tixtakla raj chak anakcuan anakcuan qꞌuila okꞌob chi ángel chincolbal?

Hebreos 1:14

Incꞌaꞌ quixye aꞌan reheb li ángel xban nak li ángel yal musikꞌejeb chi cꞌanjelac chiru li Dios. Li Dios nataklan chak reheb chixtenkꞌanquileb li teꞌe̱chani̱nk re li colba-ib.

San Lucas 22:43

Ut quichal jun li ángel saꞌ choxa ut quixqꞌue xcacuil xchꞌo̱l.

San Lucas 4:13

Quiril laj tza nak incꞌaꞌ quiru ra̱lenquil li Jesús, toj quixcanab cuan.

Hebreos 1:6

Nak quixtakla chak li junaj chi Ralal saꞌ ruchichꞌochꞌ, li Dios quixye: Chilokꞌoni̱k ru xbaneb chixjunileb li ángel.

San Juan 14:30

Incꞌaꞌ chic ta̱ru̱k tina̱tinak chi nabal e̱riqꞌuin xban nak yo̱ chi cha̱lc li nataklan saꞌ li ruchichꞌochꞌ, usta aꞌan ma̱cꞌaꞌ xcuanquil saꞌ inbe̱n la̱in.

San Lucas 22:53

Rajlal cutan cuanquin saꞌ e̱ya̱nk che̱tzolbal saꞌ li templo ut incꞌaꞌ quine̱chap aran. Abanan anakcuan xcuulac xkꞌehil nak te̱ba̱nu li cꞌaꞌru te̱raj la̱ex riqꞌuin xcuanquil laj tza, chan li Jesús.

San Marcos 1:13

Caꞌcꞌa̱l cutan quicuan chak xjunes saꞌ li naꞌajej aꞌan saꞌ xya̱nkeb li joskꞌ aj xul. Ut chiru li caꞌcꞌa̱l cutan aꞌan, li Jesús quiyaleꞌ ra̱lenquil xban laj tza, aban incꞌaꞌ quixqꞌue rib chi a̱le̱c. Ut eb lix ángel li Dios queꞌcuulac chi cꞌanjelac chiru.

San Mateo 4:6

Ut laj tza quixye re: —Cui tzꞌakal ya̱l nak la̱at ralal li Dios, cut a̱cuib takꞌa. Ma̱cꞌaꞌ ta̱cꞌul xban nak joꞌcaꞌin tzꞌi̱banbil saꞌ li Santil Hu: Tixtaklaheb lix ángel cha̱cuilbal ut riqꞌuin rukꞌeb tateꞌxchap re nak incꞌaꞌ ta̱tochꞌ la̱ cuok chiru pec.— (Sal. 91:11-12)

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

1 Reyes 19:6

Ut laj Elías quiril nak cuan cuiꞌ lix jolom cuan jun li caxlan cua pombil saꞌ ru xam, ut jun xar li haꞌ. Quicuacli, quicuaꞌac qui-ucꞌac ut quicuar cuiꞌchic.