San Mateo 3:9 - Li Santil hu

⁹ Me̱cꞌoxla nak incꞌaꞌ te̱cꞌul xjoskꞌil li Dios yal xban nak la̱ex ralal xcꞌajol laj Abraham. La̱in tinye e̱re nak li Dios ta̱ru̱k tixyoꞌobtesi li pec aꞌin chokꞌ ralal xcꞌajol laj Abraham.

Q'eqchi Bible

⁹ ut meeb'alaq'i eerib' chi xyeeb'al sa' leech'ool: «A' laj Abrahán a'an qayuwa'». Xb'aan naq ninye eere naq li Yos taaruhanq chi risinkil sa'eb' li pek a'in ralal xk'ajol laj Abrahán.

San Mateo 3:9 ပူးပေါင်းရင်းမြစ်များ

San Lucas 3:8

Cheba̱nuhak ban li us re nak ta̱cꞌutu̱nk nak xyotꞌeꞌ e̱chꞌo̱l ut xejal e̱cꞌaꞌux. Chanchanakex li cheꞌ cha̱bil li ru naxqꞌue. Me̱cꞌoxla nak incꞌaꞌ te̱cꞌul xjoskꞌil li Dios yal xban nak la̱ex li ralal xcꞌajol laj Abraham. La̱in tinye e̱re nak li Dios ta̱ru̱k tixyoꞌobtesi li pec aꞌin chokꞌ ralal xcꞌajol laj Abraham.

San Juan 8:33

Eb aꞌan queꞌchakꞌoc ut queꞌxye: —La̱o ralal xcꞌajol laj Abraham. Ma̱ jun cua cꞌayinbilo chi cꞌanjelac chiru anihak. ¿Cꞌaꞌut nak nacaye nak libre chic cua̱nko?

Romanos 4:1

Anakcuan tina̱tinak chirix laj Abraham li kaxeꞌto̱nil yucuaꞌ. ¿Ma quiti̱cobresi̱c xchꞌo̱l chiru li Dios riqꞌuin lix yehom xba̱nuhom? Incꞌaꞌ.

Hechos 13:26

Ex kas ki̱tzꞌin, la̱ex ralal xcꞌajol laj Abraham, ut la̱ex li ma̱cuaꞌex aj judío li nequexucua ru li Dios, taklanbil chak chokꞌ e̱re laj Colonel.

San Lucas 16:24

Quixjap re ut quixye: “Ka̱cuaꞌ Abraham, chacuil taxak xtokꞌoba̱l cuu. Chatakla laj Lázaro chintenkꞌanquil. Chixtꞌakresi chak li ruꞌuj rukꞌ saꞌ haꞌ ut tolxquehobresi li ruꞌuj cuakꞌ xban nak cꞌajoꞌ li raylal yo̱quin chixcꞌulbal saꞌ li xam aꞌin,” chan.

San Juan 8:53

¿Ma kꞌaxal nim ta biꞌ a̱cuanquil la̱at chiru laj Abraham li kaxeꞌto̱nil yucuaꞌ? Aꞌan quicam ut queꞌcam ajcuiꞌ li profeta. ¿Anihat la̱at nak nacaye chi joꞌcan? chanqueb re.

San Lucas 5:22

Quixnau li Jesús cꞌaꞌru yo̱queb chixcꞌoxlanquil. Quichakꞌoc ut quixye reheb: —¿Cꞌaꞌut nak yo̱quex chixcꞌoxlanquil chi joꞌcan?

San Marcos 7:21

Saꞌ xcꞌaꞌux junak nachal chak li ma̱us aj naꞌleb, li muxuc caxa̱r, li coꞌbe̱tac yumbe̱tac, ut li xcamsinquil ras ri̱tzꞌin.

Ezequiel 33:24

—At ralal cui̱nk, eb laj Israel li cuanqueb saꞌ lix tenamiteb, li jucꞌbil, yo̱queb chixyebal chi joꞌcaꞌin: Laj Abraham jun ajcuiꞌ chi cui̱nk, abanan chixjunil li naꞌajej quiqꞌueheꞌ re. La̱o kꞌaxal nabalo. Joꞌcan nak li naꞌajej aꞌin xqꞌueheꞌ chokꞌ ke.

Hechos 15:14

Laj Simón Pedro ac xye e̱re chanru nak li Dios quixtiquib rosobtesinquileb li ma̱cuaꞌeb aj judío. Quixsiqꞌueb ru saꞌ xya̱nkeb li ani teꞌpa̱ba̱nk re.

San Lucas 19:40

Li Jesús quichakꞌoc ut quixye reheb: —La̱in ninye e̱re nak cui eb lin tzolom teꞌxcanab xqꞌuebal inlokꞌal, aꞌ chic li pec teꞌxjap re chixqꞌuebal inlokꞌal, chan li Jesús.

San Lucas 7:39

Nak quiril aꞌin laj fariseo li quibokoc re li Jesús chi cuaꞌac, quixye saꞌ xchꞌo̱l: Cui ta tzꞌakal profeta li cui̱nk aꞌin tixnau raj chanru lix yuꞌam li ixk aꞌin li yo̱ chi chꞌeꞌoc re li rok. Tixnau raj nak li ixk aꞌin incꞌaꞌ us xnaꞌleb.

San Lucas 12:17

Qui-oc chixcꞌoxlanquil ut quixye saꞌ xchꞌo̱l, “¿Cꞌaꞌru tinba̱nu? Ma̱cꞌaꞌ chic xnaꞌaj li ru li cuacui̱mk”, chan.

San Juan 8:37

La̱in ninnau nak la̱ex xcomonex li ralal xcꞌajol laj Abraham. Abanan cuan saꞌ e̱ya̱nk li teꞌraj incamsinquil xban nak incꞌaꞌ nacuulac chiruheb li cꞌaꞌru yo̱quin chixyebal.