San Mateo 3:12 - Li Santil hu

¹² Ac cuan chak saꞌ rukꞌ lix cꞌanjeleba̱l. Ut ta̱rapu ru chi us li riyajil li trigo ut tixchꞌutub lix trigo saꞌ lix cꞌu̱leba̱l ut li rix tixcꞌat saꞌ li xam li ma̱ jaruj nachup, chan laj Juan.

Q'eqchi Bible

¹² Ak wan chaq xk'anjelob'aal sa' li ruq' ut tixyamtes li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

San Mateo 3:12 ပူးပေါင်းရင်းမြစ်များ

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

San Mateo 13:30

Canabomak chi qꞌui̱c chi xcabichaleb toj saꞌ xkꞌehil xsicꞌbal ru li trigo. Ut saꞌ xkꞌehil li xsicꞌbal, tinye reheb laj sicꞌol re: ‘Xocomak junxil li pim ut bacꞌomak chi jo̱b re xcꞌatbal. Aꞌut li trigo cꞌu̱lahomak saꞌ li rochochil.’ ”—

San Lucas 3:17

Aꞌan chanchan jun aj acuinel ac cuan chak xcꞌanjeleba̱l saꞌ rukꞌ. Ta̱rapu chi us li ru li trigo ut tixxoc lix trigo saꞌ lix cꞌu̱leba̱l ut li rix tixcꞌat saꞌ li xam. Joꞌcan ajcuiꞌ nak li Dios ta̱risiheb li incꞌaꞌ nequeꞌpa̱ban saꞌ xya̱nkeb li ralal xcꞌajol ut tixtaklaheb saꞌ li xam li incꞌaꞌ nachup. Li ralal xcꞌajol ta̱cua̱nk xyuꞌameb chi junelic, chan laj Juan.

Jeremías 51:2

La̱in tintaklaheb li jalan xtenamiteb chirisinquileb laj Babilonia saꞌ lix naꞌajeb. Teꞌisi̱k joꞌ nak na-isi̱c rix li trigo xban ikꞌ. Ut teꞌxcanab chi ma̱cꞌaꞌ chic cuan chi saꞌ lix tenamiteb xban nak yalak bar teꞌcha̱lk chak li ta̱sachok reheb.—

Isaías 41:16

Te̱ra̱linaheb chi najt. Chanchan nak te̱cuteb saꞌ li ikꞌ ut teꞌcꞌamekꞌ ut telajeꞌjeqꞌui̱k yalak bar. Ut la̱ex ta̱sahokꞌ saꞌ e̱chꞌo̱l riqꞌuin li Ka̱cuaꞌ. Ta̱sahokꞌ saꞌ e̱chꞌo̱l riqꞌuin li Dios santo li nequelokꞌoni la̱ex aj Israel.

San Mateo 13:41

La̱in li Cꞌajolbej tintaklaheb chak lin ángel ut eb aꞌan toleꞌisi̱nk reheb chixjunileb laj ma̱c saꞌ xya̱nkeb li cuanqueb rubel xnimajcual cuanquilal li Dios. Ut teꞌisi̱k ajcuiꞌ chixjunileb li nequeꞌqꞌuehoc re chi ma̱cobc li tenamit.

Salmos 1:4

Moco joꞌcaneb ta li incꞌaꞌ useb xnaꞌleb. Eb aꞌan chanchaneb lix mokoj ixim li nacꞌameꞌ xban ikꞌ.

Jeremías 7:20

Joꞌcan nak la̱in li Ka̱cuaꞌ Dios tincuisi lin joskꞌil saꞌ xbe̱n li naꞌajej aꞌin. Tincuisi lin joskꞌil saꞌ xbe̱neb li cristian ut eb li xul joꞌ ajcuiꞌ saꞌ xbe̱neb li cheꞌ ut li acui̱mk. Lin joskꞌil chanchanak jun li xam li incꞌaꞌ naru xchupbal.—

San Juan 15:2

Li ani incꞌaꞌ naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li na-isi̱c xban nak incꞌaꞌ nau̱chin. Abanan li ani naxba̱nu li cꞌaꞌru naraj lin Yucuaꞌ, aꞌan chanchan li rukꞌ li cheꞌ li nau̱chin. Ut li na-iloc re naxsabesi re nak tixqꞌue nabal li ru.

Jeremías 15:7

La̱in tinjeqꞌui ruheb laj Judá saꞌ chixjunil li tenamit joꞌ nak nacꞌameꞌ li qꞌuim xban ikꞌ, ut tebincanab chi ma̱cꞌaꞌ chic ralal xcꞌajoleb, ut tinpoꞌ lix tenamit, abanan incꞌaꞌ ajcuiꞌ teꞌxcanab xba̱nunquil li ma̱usilal.

Jeremías 17:27

Abanan cui la̱ex incꞌaꞌ te̱ba̱nu li cꞌaꞌru ninye ut cui incꞌaꞌ nequeqꞌue xlokꞌal li hiloba̱l cutan, ut cui nequerocsi le̱ ri̱k saꞌ li hiloba̱l cutan saꞌ eb li oqueba̱l re Jerusalén, la̱in tinsach ruheb li oqueba̱l ut eb li palacio li cuanqueb Jerusalén. Tincꞌateb ut ma̱ ani ta̱ru̱k ta̱chupuk re li xam li tinsach cuiꞌ,” chan li Dios.

Isaías 30:24

Ut kꞌaxal cha̱bilak ajcuiꞌ lix tzacae̱mkeb le̱ bo̱yx ut le̱ bu̱r li teꞌbecok re li chꞌochꞌ.

Isaías 17:13

Nak teꞌcha̱lk li tenamit chi pletic chanchanakeb lix cau ok li haꞌ. Abanan nak li Dios tixkꞌuseb, teꞌe̱lelik ut teꞌxic chi najt yalak bar. Chanchanakeb lix mokoj ixim li nacꞌameꞌ xban ikꞌ saꞌ eb li tzu̱l. Chanchanakeb li poks li nacꞌameꞌ xban ikꞌ li naxsuti rib.

Isaías 5:24

Xban le̱ ma̱usilal, la̱ex tex-osokꞌ joꞌ na-osoꞌ li qꞌuim ut li chaki pim nak nacꞌat xban xam. Joꞌ nak nakꞌa lix xeꞌ li acui̱mk ut li rutzꞌuꞌujil nachakic ut nasukꞌi poks, joꞌcan ajcuiꞌ nak tex-osokꞌ la̱ex xban nak nequetzꞌekta̱na lix chakꞌrab li nimajcual Dios. Nequetzꞌekta̱na li ra̱tin li Dios santo, lix Dioseb laj Israel.

Isaías 1:31

Li cui̱nk li kꞌaxal cau xmetzꞌe̱u chanchanak chic li qꞌuim. Lix cꞌanjel li quixba̱nu chanchanak li rakꞌ xam. Chi xcabichaleb teꞌosokꞌ saꞌ xam ut ma̱ ani ta̱chupuk lix xamlel.—

Salmos 35:5

Chanchanakeb lix mokoj ixim li nacꞌameꞌ xban li ikꞌ nak teꞌa̱lina̱k xban lix ángel li Ka̱cuaꞌ.

Li xHu LAJ JOB 21:18

¿Ma xeꞌchaꞌchaꞌi̱c ta biꞌ jun sutak ruheb aꞌan joꞌ nak nacꞌameꞌ li qꞌuim xban li ikꞌ malaj ut joꞌ nak nacꞌameꞌ lix mokoj li ixim xban li ikꞌ li naxsuti rib?

San Mateo 13:43

Ut li ti̱queb xchꞌo̱l teꞌqꞌuehekꞌ xlokꞌal. Chanchanakeb li sakꞌe saꞌ lix nimajcual cuanquilal li Dios lix Yucuaꞌeb. Li ani na-abin re li yo̱quin chixyebal chixqꞌuehak retal chi us li ninye.

Amós 9:9

Tincanabeb laj Israel chi chapecꞌ xbaneb li jalan xtenamit. Chanchan nak nachikꞌeꞌ li ru li trigo saꞌ li naꞌajej li natzꞌilman cuiꞌ ut ma̱ jun li ru cha̱bil natzꞌekeꞌ saꞌ chꞌochꞌ.

Oseas 13:3

Ut xban lix ma̱usilal teꞌosokꞌ li tenamit aꞌin. Chanchanakeb li chok li yal nanumeꞌ ekꞌela. Ut chanchanakeb li xchuꞌque li yal natꞌaneꞌ ut na-osoꞌ saꞌ junpa̱t. Chanchanakeb lix mokoj li trigo li nacꞌameꞌ xban cacuil ikꞌ ut aran na-osoꞌ. Ut chanchanakeb ajcuiꞌ li sib li na-el saꞌ releba̱l sib ut yal na-osoꞌ.

Jeremías 4:11

Ta̱cuulak xkꞌehil nak ta̱yehekꞌ reheb li tenamit aꞌin ut reheb laj Jerusalén chi joꞌcaꞌin: Chanchan jun li tikcual ikꞌ li ta̱cha̱lk saꞌ li chaki chꞌochꞌ. Ma̱cuaꞌ li kꞌunil ikꞌ li narisi rix li trigo.

Isaías 66:24

Teꞌe̱lk ut teꞌril lix tibeleb li cristian li xeꞌtzꞌekta̱nan cue. Ac camenakeb chic. Eb li motzoꞌ li nequeꞌcꞌuxuc re lix tibel incꞌaꞌ teꞌca̱mk, chi moco ta̱chupk li xam li nacꞌatoc reheb. Cꞌajoꞌak xyibaleb ru ta̱cꞌutu̱nk chiruheb li tenamit, chan li Ka̱cuaꞌ Dios.

Isaías 27:4

Incꞌaꞌ chic yo̱ injoskꞌil saꞌ xbe̱neb lin tenamit. Cui ta cuan li teꞌraj xchꞌiꞌchꞌiꞌinquileb la̱in saꞌ junpa̱t tebinsach ruheb joꞌ nak nequeꞌcꞌat li qꞌuix ut li pim.

San Mateo 13:42

Ut teꞌqꞌuehekꞌ saꞌ li horno li lochlo cuiꞌ li xam. Ut aran ta̱cua̱nk li ya̱bac ut li cꞌuxuxi̱nc ruch e xban li raylal li teꞌxcꞌul.

San Lucas 3:16

Laj Juan quichakꞌoc ut quixye reheb chixjunileb: —Ya̱l nak la̱in nincubsin haꞌ riqꞌuin haꞌ. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tinhit xcꞌa̱mal lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

Isaías 28:28

Nequeꞌxten li ru li trigo, abanan moco cau ta nequeꞌxten re nak incꞌaꞌ ta̱puqꞌuekꞌ. Nequeꞌxnumsi ban li carre̱t saꞌ xbe̱n chi timil re risinquil li rix.