San Mateo 3:1 - Li Santil hu

¹ Mokon chic quicuulac laj Juan laj Cubsihom Haꞌ saꞌ li chaki chꞌochꞌ cuan Judea. Yo̱ chixchꞌolobanquil xya̱lal chirix lix nimajcual cuanquilal li Dios. Quixye chi joꞌcaꞌin:

Q'eqchi Bible

¹ Sa'eb' li kutan a'an kox'okaq laj Jwan aj kub'sihomha' chi ch'olob'ank sa' li chaqich'och' wank Judea. A'an a'in li esil kixpuktesi:

San Mateo 3:1 ပူးပေါင်းရင်းမြစ်များ

San Lucas 1:76

At cualal, la̱at xprofeta li nimajcual Dios. La̱at tatxic xbe̱n cua chiru li Ka̱cuaꞌ ut ta̱chꞌolob lix ya̱lal chiruheb li tenamit re nak teꞌxcauresi ribeb chixcꞌulbal li Ka̱cuaꞌ.

San Mateo 11:11

Relic chi ya̱l tinye e̱re nak ma̱ jun reheb li nequeꞌyoꞌla arin saꞌ ruchichꞌochꞌ naxkꞌax xcuanquil laj Juan laj Cubsihom Haꞌ. Aban li kꞌaxal caꞌchꞌin saꞌ lix nimajcual cuanquil li Dios, kꞌaxal us chokꞌ re aꞌan chiru laj Juan (xban nak laj Juan incꞌaꞌ quiril lix nimajcual cuanquilal li Dios arin saꞌ ruchichꞌochꞌ).

San Marcos 1:15

Li Jesús quixye: —Xcuulac xkꞌehil lix nimajcual xcuanquilal li Dios. Chiyotꞌekꞌ e̱chꞌo̱l chejal e̱cꞌaꞌux ut pa̱bomak li Santil Evangelio, chan li Jesús.

San Mateo 16:14

Eb aꞌan queꞌchakꞌoc ut queꞌxye: —Cuan nequeꞌyehoc nak la̱at laj Juan laj Cubsihom Haꞌ. Ut cuan nequeꞌyehoc nak la̱at li profeta Elías, ut cuan nequeꞌyehoc nak la̱at li profeta Jeremías. Ut cuan cuiꞌchic nequeꞌyehoc nak la̱at junak chic reheb li profeta.—

Hechos 1:22

chalen nak quicubsi̱c chak xhaꞌ li Jesús xban laj Juan ut toj chalen nak quicꞌameꞌ saꞌ choxa chiku. Jun reheb li cui̱nk aꞌan naru takaxakab chokꞌ re̱kaj laj Judas re nak tixchꞌolob ajcuiꞌ xya̱lal nak quicuacli cuiꞌchic chi yoꞌyo li Jesús saꞌ xya̱nkeb li camenak, chan laj Pedro.

San Lucas 7:24

Ut nak queꞌel lix takl laj Juan riqꞌuin, li Jesús qui-oc chi a̱tinac riqꞌuineb li tenamit chirix laj Juan ut quixye chi joꞌcaꞌin: —¿Cꞌaꞌru queril chak saꞌ li chaki chꞌochꞌ nak co̱ex chirilbal laj Juan? ¿Ma junak cui̱nk nacuiban xchꞌo̱l chanchan li caxlan aj yo̱ recꞌasinquil xban ikꞌ queril chak?

San Mateo 11:7

Ut nak queꞌel eb aꞌan, qui-oc chi a̱tinac li Jesús riqꞌuineb li tenamit chirix laj Juan ut quixye chi joꞌcaꞌin: —¿Cꞌaꞌru coxe̱ril chak saꞌ li chaki chꞌochꞌ? ¿Ma junak cui̱nk nacuiban xchꞌo̱l chanchan li caxlan aj yo̱ recꞌasinquil xban ikꞌ coxe̱ril chak?

San Mateo 3:8

Cheba̱nuhak ban li us re nak ta̱cꞌutu̱nk nak xyotꞌeꞌ e̱chꞌo̱l ut xejal e̱cꞌaꞌux. Chanchanakex li cheꞌ cha̱bil li ru naxqꞌue.

San Mateo 21:32

Xban nak quicꞌulun e̱riqꞌuin laj Juan laj Cubsihom Haꞌ. Quixcꞌut che̱ru cꞌaꞌru li ti̱quilal ut incꞌaꞌ quepa̱b. Ut eb laj titzꞌol toj ut eb laj yumbe̱t queꞌxpa̱b. Ut la̱ex queril aꞌan ut incꞌaꞌ quiyotꞌeꞌ le̱ chꞌo̱l chi moco quejal le̱ cꞌaꞌux re xpa̱banquil, chan.

Jueces 1:16

Eb li ralal xcꞌajol lix yucuaꞌ li rixakil laj Moisés, aꞌaneb laj Ceneo. Eb aꞌan queꞌrochbeni li ralal xcꞌajol laj Judá nak queꞌel saꞌ li tenamit Jericó bar cuanqueb cuiꞌ nabal chi cheꞌ palmera. Queꞌco̱eb saꞌ li chaki chꞌochꞌ li cuan nachꞌ riqꞌuin li tenamit Arad saꞌ xcue̱nt Neguev. Ut aran queꞌcana chi cua̱nc saꞌ xya̱nkeb li cuanqueb saꞌ li naꞌajej aꞌan.

Josué 14:10

Anakcuan ac xnumeꞌ o̱b roxcꞌa̱l (45) chihab nak li Dios quixye aꞌin re laj Moisés nak toj yo̱queb chak chi numecꞌ saꞌ li chaki chꞌochꞌ eb laj Israel. Joꞌ quixyechiꞌi chak cue, chalen anakcuan toj yo̱ chixqꞌuebal inyuꞌam. Anakcuan o̱b roꞌcꞌa̱l (85) chihab chic cuan cue.

1 Reyes 2:34

Joꞌcan nak laj Benaía co̱ saꞌ li artal. Quixcamsi laj Joab ut quixtakla xmukbal saꞌ lix naꞌaj saꞌ li chaki chꞌochꞌ.

San Marcos 1:2

Li profeta Isaías quixtzꞌi̱ba li a̱tin li quixye li Dios re li Ralal: Xbe̱n cua tintakla junak lin takl. Aꞌan ta̱yehok resil la̱ cꞌulunic re nak teꞌxcauresi rib li tenamit re a̱cꞌulbal.