San Mateo 27:6 - Li Santil hu

⁶ Ut eb lix be̱nil aj tij queꞌxxoc li tumin ut queꞌxye: —Incꞌaꞌ us xqꞌuebal li tumin aꞌin saꞌ xcaxil lix mayej li rochoch li Dios xban nak xtzꞌak xyuꞌam li cui̱nk.—

Q'eqchi Bible

⁶ Li xb'eenileb' aj tij ke'xxok li tumin ut ke'xye: —Moko us ta xk'eeb'al a'in sa' li k'uuleb'aal mayej, xb'aan naq a'an xtz'aq xyu'am jun li winq.

San Mateo 27:6 ပူးပေါင်းရင်းမြစ်များ

Deuteronomio 23:18

Ut incꞌaꞌ naru teꞌxqꞌue chokꞌ xmayej saꞌ lix tabernáculo li Ka̱cuaꞌ le̱ Dios li tumin li nequeꞌxcꞌul li nequeꞌxcꞌayi ribeb. Incꞌaꞌ naru nequeꞌxtoj riqꞌuin li tumin aꞌan li cꞌaꞌru xeꞌxyechiꞌi re li Dios. Li Ka̱cuaꞌ xicꞌ naril li ma̱c aꞌan.

San Juan 18:28

Toj ekꞌela chi us queꞌrisi li Jesús riqꞌuin laj Caifás ut queꞌxcꞌam saꞌ li naꞌajej li narakoc cuiꞌ a̱tin laj Pilato li acuabej aj Roma. Eb li nequeꞌtaklan saꞌ xbe̱neb laj judío incꞌaꞌ queꞌoc saꞌ li rochoch laj Pilato xban nak aꞌan ma̱cuaꞌ aj judío. Cui ta queꞌoc saꞌ rochoch junak ma̱cuaꞌ aj judío, queꞌxmux raj rib saꞌ lix pa̱ba̱leb. Xban nak queꞌraj cuaꞌac re li ninkꞌe Pascua, incꞌaꞌ queꞌru chi oc saꞌ li cab aꞌan.

San Mateo 23:24

Ex mutzꞌ aj cꞌamol be, nequeyal e̱kꞌe chixba̱nunquil li cꞌaꞌak re ru li ma̱cꞌaꞌ xcuanquil, abanan li nim xcuanquil incꞌaꞌ nequeba̱nu. Chanchan nak nequetzꞌil ru le̱ haꞌ re nak incꞌaꞌ te̱nukꞌ li cocꞌ suk ut aꞌ chic li ni̱nki xul camello nequenukꞌ.

Isaías 61:8

La̱in li Ka̱cuaꞌ Dios. Nacuulac chicuu li ti̱quilal ut xicꞌ nacuil li elkꞌac ut li ma̱c. Xban xti̱quilal inchꞌo̱l la̱in tinqꞌue xra̱baleb lin tenamit. Tinba̱nu jun contrato riqꞌuineb ut xakabanbilak xcuanquil chi junelic.

San Mateo 27:5

Ut laj Judas quixcut li tumin saꞌ rochoch li Dios. Ut co̱ ut quixyatzꞌ rib.

San Mateo 27:7

Ut queꞌxcꞌu̱b ru nak teꞌxlokꞌ jun li chꞌochꞌ re teꞌmukekꞌ cuiꞌ li jalaneb xtenamit. Ut chiru li tumin aꞌan queꞌxlokꞌ li naꞌajej aꞌan riqꞌuin laj pacꞌonel.

San Marcos 7:11

Aꞌut la̱ex nequeye cui cuan junak li cui̱nk incꞌaꞌ naraj xtenkꞌanquil lix naꞌ xyucuaꞌ, aꞌan naru tixye, “Corbán”, chirix li cꞌaꞌak re ru tixtenkꞌa cuiꞌ raj lix naꞌ xyucuaꞌ. Li a̱tin aꞌan naraj naxye “yechiꞌinbil re li Dios”.