San Mateo 27:4 - Li Santil hu

⁴ Quixye reheb: —Xinma̱cob nak xinkꞌaxtesi e̱re li cui̱nk aꞌin xban nak ma̱cꞌaꞌ xma̱c, chan. Aꞌut eb aꞌan queꞌxye re: —¿Cꞌaꞌ takaj re la̱o? Il cꞌaꞌru ta̱ba̱nu.—

Q'eqchi Bible

⁴ —Xinmaakob'k, xinq'axtesi xyu'am jun li winq maak'a' xmaak, chan. A'ut eb' a'an ke'xye: —K'a' tqaj wi' laa'o? Il laa'at k'aru taab'aanu.

San Mateo 27:4 ပူးပေါင်းရင်းမြစ်များ

1 Juan 3:12

Mikata̱ke xnaꞌleb laj Caín xban nak aꞌan re laj tza. Aꞌan quixcamsi li ri̱tzꞌin. ¿Cꞌaꞌut nak quixcamsi li ri̱tzꞌin? Xban nak ti̱c xchꞌo̱l li ri̱tzꞌin chiru li Dios ut laj Caín junes ma̱usilal naxba̱nu.

1 Pedro 1:19

Colbilex ban riqꞌuin xlokꞌlaj quiqꞌuel li Cristo. Li Cristo, aꞌan li quixmayeja rib chiru li Dios Acuabej joꞌ jun li carner namayeja̱c chi ma̱cꞌaꞌ re̱cꞌ ut chi ma̱cꞌaꞌ xpaltil.

Hebreos 7:26

Li Ka̱cuaꞌ Jesucristo, aꞌan li tzꞌakal xyucuaꞌil aj tij. Ut aꞌan li natenkꞌan ke chi tzꞌakal. Moco juntakꞌe̱t ta lix yuꞌam riqꞌuineb laj ma̱c. Li Jesucristo santo ut ma̱cꞌaꞌ xma̱c. Aꞌan co̱ saꞌ choxa ut aran quiqꞌueheꞌ xnimal xlokꞌal.

Tito 1:16

Nequeꞌxye nak nequeꞌxpa̱b li Dios, aban riqꞌuin li cꞌaꞌru nequeꞌxba̱nu nacꞌutun nak moco ya̱l ta. Aj kꞌetoleb ra̱tin li Dios ut kꞌaxal yibru lix naꞌlebeb. Incꞌaꞌ useb. Ma̱cꞌaꞌ junak cha̱bil cꞌanjel ta̱ru̱k teꞌxba̱nu.

1 Timoteo 4:2

Ticꞌtiꞌ li nequeꞌxcꞌut eb laj balakꞌ. Incꞌaꞌ chic nequeꞌrecꞌa nak incꞌaꞌ us yo̱queb. Chanchan nak cꞌatbil riqꞌuin chꞌi̱chꞌ lix cꞌaꞌuxeb xban li ticꞌtiꞌ li nequeꞌxye. Joꞌcan nak incꞌaꞌ nequeꞌxqꞌue retal nak incꞌaꞌ us yo̱queb chixba̱nunquil.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

Hechos 13:28

Usta incꞌaꞌ queꞌxtau xma̱c, queꞌxtzꞌa̱ma chiru laj Pilato nak tixqꞌue chi camsi̱c li Jesús.

San Juan 19:7

Abanan eb laj judío queꞌxye: —La̱o cuan kachakꞌrab ut li kachakꞌrab naxye nak ta̱camsi̱k xban nak aꞌan quixqꞌue rib chokꞌ Ralal li Dios.—

San Lucas 23:47

Li capitán aj Roma quixqꞌue retal li quicꞌulman. Quixlokꞌoni li Dios ut quixye: —Relic chi ya̱l nak li cui̱nk aꞌin ti̱c xchꞌo̱l, chan.

San Lucas 23:41

Relic chi ya̱l nak la̱o kacꞌulub xcꞌulbal li raylal aꞌin xban nak la̱o cuan kama̱c. Abanan li cui̱nk aꞌin ma̱cꞌaꞌ junak ma̱c xba̱nu, chan re.

San Lucas 23:22

Ut laj Pilato quia̱tinac cuiꞌchic rox sut riqꞌuineb ut quixye: —¿Cꞌaꞌru tzꞌakal xma̱c e̱re? Ma̱ jun xma̱c nintau la̱in re nak tintakla chi camsi̱c. La̱in tintakla xsacꞌbal ut tincuachꞌab, chan reheb.

San Mateo 27:54

Ut li capitán rochbeneb li yo̱queb chi cꞌacꞌale̱nc re li Jesús, queꞌrecꞌa li hi̱c ut queꞌxqꞌue retal li cꞌaꞌru yo̱ chi cꞌulma̱nc. Ma̱ cꞌajoꞌ nak queꞌxucuac ut queꞌxye: —Relic chi ya̱l nak li cui̱nk aꞌin tzꞌakal Ralal li Dios.—

San Mateo 27:19

Nak laj Pilato cꞌojcꞌo saꞌ lix naꞌaj li narakoc cuiꞌ a̱tin, li rixakil quixtakla xyebal re: —Ma̱cꞌaꞌ ta̱ba̱nu re li cui̱nk aꞌan xban nak ma̱cꞌaꞌ xma̱c. Saꞌ xcꞌabaꞌ aꞌan nak kꞌaxal ra xinmatqꞌue chi kꞌek, chan.

Jonás 1:14

Tojoꞌnak queꞌtijoc ut queꞌxtzꞌa̱ma xtenkꞌanquil chiru li Ka̱cuaꞌ Dios ut queꞌxye: —At nimajcual Dios, moa̱qꞌue taxak chi ca̱mc xma̱c a cui̱nk aꞌin. Ut ma̱qꞌue taxak saꞌ kabe̱n lix camic xban nak la̱at, at Dios, xaba̱nu li cꞌaꞌru xacuaj, chanqueb.

Jeremías 26:15

Aban chenauhak chi tzꞌakal cui tine̱camsi te̱bok chak nabal li raylal saꞌ e̱be̱n ut saꞌ xbe̱n li tenamit aꞌin ut saꞌ xbe̱neb li cuanqueb arin xban nak la̱in ma̱cꞌaꞌ inma̱c. Relic chi ya̱l nak li a̱tin li xinye e̱re li Ka̱cuaꞌ quitaklan chak cue chixyebal, chan laj Jeremías.

Li xHu LAJ JOB 16:2

—Nabal sut ac cuabiom li cꞌaꞌru yo̱quex chixyebal. La̱ex nequeye nak yo̱quex chixcꞌojobanquil inchꞌo̱l. Abanan inchꞌiꞌchꞌiꞌinquil nequeba̱nu.

2 Reyes 24:4

Ut xban ajcuiꞌ nak nabaleb li ma̱cꞌaꞌeb xma̱c quixcamsiheb laj Manasés. Chanchan nak quinujac li tenamit riqꞌuin lix quiqꞌueleb. Ut li Ka̱cuaꞌ incꞌaꞌ chic quiraj xcuybal xma̱c.

1 Reyes 21:27

Nak laj Acab quirabi li quixye li Dios, quixpej li rakꞌ. Ut quixqꞌue chirix li kꞌes ru tꞌicr ut quixba̱nu lix ayu̱n. Quicuar chirix li kꞌes ru tꞌicr ut kꞌaxal ra saꞌ xchꞌo̱l.

1 Samuel 15:30

Laj Saúl quixye re: —La̱in xinma̱cob. Abanan nintzꞌa̱ma cha̱cuu nak ta̱qꞌue inlokꞌal chiruheb li nequeꞌcꞌamoc be chiruheb lin tenamit Israel ut chiruheb ajcuiꞌ chixjunileb li tenamit. Tatsukꞌi̱k cuochben re nak tinlokꞌoni li Ka̱cuaꞌ la̱ Dios, chan.

1 Samuel 15:24

Tojoꞌnak laj Saúl quixye re laj Samuel: —La̱in xinma̱cob. Xinkꞌet li ra̱tin li Dios ut xinkꞌet ajcuiꞌ la̱ cua̱tin la̱at. Xban nak xinxucuac chiruheb li tenamit, joꞌcan nak xinba̱nu li cꞌaꞌru xeꞌxye. Ba̱nu usilal, chacuy inma̱c.

Éxodo 12:31

Ut laj faraón chiru li kꞌojyi̱n aꞌan quixtakla resil riqꞌuin laj Moisés ut laj Aarón. Quixye reheb: —Cuaclinkex. Elenkex saꞌ junpa̱t. Cꞌamomak che̱rix chixjunileb laj Israel. Ayukex ut lokꞌonihomak ru le̱ Dios joꞌ xeye cue.

Éxodo 9:27

Tojoꞌnak laj faraón quixtakla xbokbaleb laj Moisés ut laj Aarón. Quixye reheb: —Anakcuan xinnau nak xinma̱cob. Moco li Ka̱cuaꞌ Dios ta cuan re. La̱in cuan cue ut joꞌ ajcuiꞌ lin tenamit cuanqueb re.

Apocalipsis 11:10

Ut li cuanqueb saꞌ ruchichꞌochꞌ ta̱sahokꞌ saꞌ xchꞌo̱leb nak teꞌca̱mk li cuib chi cui̱nk ut ta̱cꞌojla̱k xchꞌo̱leb. Joꞌcan nak teꞌoc chixsihinquil cꞌaꞌru reheb chi ribileb rib. Ta̱sahokꞌ xchꞌo̱leb nak teꞌca̱mk li cuib chi cui̱nk xban nak chꞌaꞌaj queꞌrecꞌa nak queꞌyeheꞌ reheb nak ta̱cha̱lk raylal saꞌ xbe̱neb.

Li xHu LAJ JOB 13:4

Xban nak la̱ex nequejal ru lix ya̱lal, ticꞌtiꞌ nequeye. Ma̱ ani naru nequetenkꞌa. Chanchanex laj banonel incꞌaꞌ naru chi banoc.

1 Samuel 19:5

Quixkꞌaxtesi rib chi ca̱mc nak quixcamsi laj Goliat. Ut li Ka̱cuaꞌ quixcoleb laj Israel. La̱at xacuil nak xcamsi laj Goliat ut quisahoꞌ saꞌ a̱chꞌo̱l. ¿Cꞌaꞌut nak tatma̱cobk anakcuan riqꞌuin xcamsinquil laj David? Aꞌan ma̱cꞌaꞌ xma̱c cha̱cuu, chan.

Salmos 94:21

Nequeꞌxye nak li ti̱queb xchꞌo̱l cuanqueb xma̱c ut nequeꞌxteneb ca̱mc saꞌ xbe̱neb.

Proverbios 12:8

Li ani cuan xnaꞌleb naqꞌueheꞌ xlokꞌal. Abanan li incꞌaꞌ useb xnaꞌleb nequeꞌtzꞌekta̱na̱c.