San Mateo 27:2 - Li Santil hu

² Queꞌxcꞌam li Jesús chi bacꞌbo ut queꞌxkꞌaxtesi saꞌ rukꞌ laj Pilato li acuabej.

Q'eqchi Bible

² Ut naq ke'xb'ak', ke'xk'am ut koxe'xq'axtesi sa' ruq' laj Pilaat, ruuchil li awab'ej.

San Mateo 27:2 ပူးပေါင်းရင်းမြစ်များ

Hechos 3:13

Li Dios li queꞌxlokꞌoni chak laj Abraham, laj Isaac ut laj Jacob joꞌqueb ajcuiꞌ li kaxeꞌto̱nil yucuaꞌ, aꞌan quiqꞌuehoc xcuanquil li Jesucristo laj cꞌanjel chiru. Ut la̱ex quekꞌaxtesi aꞌan re laj Pilato. Ut nak laj Pilato quiraj raj rachꞌabanquil, la̱ex incꞌaꞌ queraj.

San Mateo 20:19

Ut tineꞌxkꞌaxtesi saꞌ rukꞌeb li ma̱cuaꞌeb aj judío. Ut eb aꞌan tineꞌxhob, tineꞌxsacꞌ, ut tineꞌxcamsi chiru cruz. Abanan saꞌ rox li cutan tincuacli̱k cuiꞌchic chi yoꞌyo saꞌ xya̱nkeb li camenak, chan li Jesús.

1 Timoteo 6:13

Saꞌ xcꞌabaꞌ li Dios li naqꞌuehoc yuꞌam, la̱in nintzꞌa̱ma cha̱cuu nak ta̱ba̱nu la̱ taklanquil. Ut nintzꞌa̱ma ajcuiꞌ cha̱cuu saꞌ xcꞌabaꞌ li Jesucristo li quichꞌoloban xya̱lal chi ma̱cꞌaꞌ xxiu chiru laj Poncio Pilato.

San Lucas 13:1

Saꞌ li ho̱nal aꞌan queꞌcuulac cuib oxibeb li cui̱nk riqꞌuin li Jesús ut queꞌxye re chanru nak laj Pilato quixtakla xcamsinquileb li cui̱nk aj Galilea nak yo̱queb chi mayejac saꞌ li templo.

Hebreos 13:3

Cherilak xtokꞌoba̱l ruheb li cuanqueb saꞌ tzꞌalam. Cherecꞌa̱k saꞌ le̱ ra̱m nak chanchan ajcuiꞌ la̱ex li cuanquex saꞌ tzꞌalam. Chinak ajcuiꞌ saꞌ e̱chꞌo̱l li nequeꞌhobeꞌ ut li nequeꞌrahobtesi̱c. Chanchan nak la̱ex ajcuiꞌ yo̱quex chi cꞌuluc re li raylal aꞌan.

2 Timoteo 2:9

Saꞌ xcꞌabaꞌ li evangelio yo̱quin chixcꞌulbal li raylal aꞌin, ut bacꞌbo̱quin chi cadena. Chanchan na-ux re junak kꞌaxal nim xma̱c. Usta bacꞌbo̱quin, abanan li resil li evangelio ta̱yema̱nk yalak bar xban nak li ra̱tin li Dios incꞌaꞌ naru xmukbal.

Hechos 28:20

Aꞌan aj e nak xintakla e̱bokbal. Xcuaj rilbal e̱ru ut xcuaj a̱tinac e̱riqꞌuin. Saꞌ xcꞌabaꞌ li jun li nakayoꞌoni la̱o aj Israel nak bacꞌbo̱quin anakcuan riqꞌuin li cadena aꞌin, chan reheb.

Hechos 24:27

Xban nak quiraj nak us ta̱cana̱k riqꞌuineb laj judío, joꞌcan nak quixcanab chi pre̱xil laj Pablo. Nak ac xnumeꞌ cuib chihab, laj Félix qui-el chokꞌ acuabej ut qui-oc laj Porcio Festo chokꞌ re̱kaj.

Hechos 22:29

Joꞌcan nak queꞌxcanab laj Pablo xjunes. Incꞌaꞌ chic queꞌxrahobtesi. Joꞌcan ajcuiꞌ li coronel. Qui-oc xxiu nak quixnau nak laj Pablo aꞌan tzꞌakal aj Roma xban nak queꞌxbacꞌ riqꞌuin cadena.

Hechos 22:25

Nak ac xeꞌxbacꞌ, laj Pablo quixye re li capitán li cuan aran: —¿Cꞌaꞌru naxye li chakꞌrab? ¿Ma naru xsacꞌbal junak cui̱nk aj Roma chi toj ma̱jiꞌ rakbil a̱tin saꞌ xbe̱n? chan.

Hechos 21:33

Ut li coronel quixchap laj Pablo. Quixtakla xbacꞌbal riqꞌuin cuib chi cadena. Ut quixpatzꞌ ani aꞌan ut cꞌaꞌru xma̱c.

Hechos 12:6

Ac cuulac re xkꞌehil nak ta̱cꞌamekꞌ laj Pedro xban laj Herodes chiruheb li tenamit. Saꞌ li kꞌojyi̱n aꞌan laj Pedro yo̱ chi cua̱rc saꞌ xyiheb li cuib chi soldado bacꞌbo riqꞌuin cadena. Ut cuanqueb ajcuiꞌ laj cꞌacꞌalenel chire li oqueba̱l re li tzꞌalam.

Hechos 9:2

Ut quixtzꞌa̱ma lix hu chiru re tixkꞌaxtesi saꞌ eb li cab li nequeꞌxchꞌutub cuiꞌ ribeb laj judío aran Damasco re ta̱ru̱k tixchapeb laj pa̱banel li tixtau aran, joꞌ cui̱nk joꞌ ixk. Tixchapeb ut tixcꞌameb chi pre̱xil Jerusalén.

Hechos 4:27

At Ka̱cuaꞌ, ya̱l ajcuiꞌ nak queꞌxchꞌutub ribeb saꞌ li tenamit aꞌin laj Herodes ut laj Poncio Pilato rochbeneb li tenamit aj Israel joꞌqueb ajcuiꞌ li ma̱cuaꞌeb aj Israel ut queꞌxcꞌu̱b ru chanru nak teꞌxba̱nu raylal re li Jesús la̱ Santil Alal li sicꞌbil ru a̱ban xban nak xicꞌ queꞌril.

San Juan 18:24

Ut laj Anás quixtakla li Jesús chi bacꞌbo riqꞌuin laj Caifás li xyucuaꞌil aj tij.

San Juan 18:12

Ut eb li soldado aj Roma rochben li nataklan saꞌ xbe̱neb ut eb laj judío li nequeꞌcꞌacꞌalen saꞌ li templo, queꞌxchap li Jesús ut queꞌxbacꞌ.

San Lucas 20:20

Eb laj tzꞌi̱b ut eb li xbe̱nil aj tij yo̱queb chixqꞌuebal retal jokꞌe tzꞌakal ta̱ru̱k teꞌxchap li Jesús. Ut queꞌxtaklaheb aj qꞌuehol etal riqꞌuin. Laj qꞌuehol etal queꞌxba̱nu ribeb nak ti̱queb xchꞌo̱l yal re rilbal cui tixye junak a̱tin re nak ta̱ru̱k teꞌxchap ut teꞌxcꞌam riqꞌuin li acuabej.

San Lucas 3:1

Yo̱ oꞌlaju chihab roquic chokꞌ acuabej laj Tiberio César, nak cua̱nk laj Poncio Pilato chi takla̱nc saꞌ li tenamit Judea. Laj Herodes aꞌan cua̱nk chi takla̱nc saꞌ li tenamit Galilea. Ut laj Felipe li ri̱tzꞌin cua̱nk chi takla̱nc saꞌ li tenamit Iturea ut saꞌ li naꞌajej Traconite, ut laj Lisanias cua̱nk chi takla̱nc saꞌ li tenamit Abilinia.

Génesis 22:9

Queꞌcuulac saꞌ li naꞌajej li quiyeheꞌ re xban li Dios. Ut laj Abraham quixyi̱b jun lix artal riqꞌuin li tusbil pec ut quixtus lix siꞌ saꞌ xbe̱n. Ut quixbacꞌ li ralal ut quixyocob saꞌ xbe̱n li siꞌ.

San Mateo 28:14

Ut queꞌxye cuiꞌchic reheb li soldado li queꞌcꞌacꞌalen re li mukleba̱l: —Cui ta̱rabi resil aꞌin li acuabej, la̱o to-oque̱nk che̱rix ut texkacol, chanqueb.

San Lucas 23:1

Ut chixjunileb li nequeꞌtaklan saꞌ xya̱nkeb laj judío queꞌxcꞌam li Jesús riqꞌuin laj Pilato.

San Lucas 23:12

Junxil xicꞌ queꞌril ribeb laj Herodes ut laj Pilato. Abanan saꞌ eb li cutan aꞌan queꞌxcꞌam cuiꞌchic rib saꞌ usilal.

San Juan 18:28

Toj ekꞌela chi us queꞌrisi li Jesús riqꞌuin laj Caifás ut queꞌxcꞌam saꞌ li naꞌajej li narakoc cuiꞌ a̱tin laj Pilato li acuabej aj Roma. Eb li nequeꞌtaklan saꞌ xbe̱neb laj judío incꞌaꞌ queꞌoc saꞌ li rochoch laj Pilato xban nak aꞌan ma̱cuaꞌ aj judío. Cui ta queꞌoc saꞌ rochoch junak ma̱cuaꞌ aj judío, queꞌxmux raj rib saꞌ lix pa̱ba̱leb. Xban nak queꞌraj cuaꞌac re li ninkꞌe Pascua, incꞌaꞌ queꞌru chi oc saꞌ li cab aꞌan.

Jueces 15:12

Xeꞌxye re: —Xochal cha̱chapbal re nak tatkakꞌaxtesi reheb laj filisteo, chanqueb. Laj Sansón quixye reheb: —¿Ma tzꞌakal ya̱l nak incꞌaꞌ tine̱camsi? chan.