San Mateo 27:1 - Li Santil hu

¹ Ut nak quisake̱u, queꞌxchꞌutub ribeb chixjunileb lix be̱nil aj tij ut eb laj cꞌamol be saꞌ xya̱nkeb laj judío. Queꞌxcꞌu̱b rib chanru teꞌxba̱nu re nak ta̱camsi̱k li Jesús.

Q'eqchi Bible

¹ Naq kisaqewk, ke'xch'utub' rib' chixjunileb' li xb'eenil aj tij ut eb' li xcheekel winqilaleb' li tenamit chi xk'uub'ankil chan raj ru naq te'xkamsi li Jesus.

San Mateo 27:1 ပူးပေါင်းရင်းမြစ်များ

San Marcos 15:1

Nak quisake̱u eb lix be̱nil aj tij queꞌxchꞌutub cuiꞌchic rib riqꞌuineb laj cꞌamol be saꞌ rochoch li Dios, ut riqꞌuineb laj tzꞌi̱b ut riqꞌuin chixjunileb laj qꞌuehol naꞌleb ut queꞌxcꞌu̱b chanru teꞌxba̱nu. Ut queꞌxcꞌam li Jesús chi bacꞌbo ut queꞌxkꞌaxtesi saꞌ rukꞌ laj Pilato.

San Juan 18:28

Toj ekꞌela chi us queꞌrisi li Jesús riqꞌuin laj Caifás ut queꞌxcꞌam saꞌ li naꞌajej li narakoc cuiꞌ a̱tin laj Pilato li acuabej aj Roma. Eb li nequeꞌtaklan saꞌ xbe̱neb laj judío incꞌaꞌ queꞌoc saꞌ li rochoch laj Pilato xban nak aꞌan ma̱cuaꞌ aj judío. Cui ta queꞌoc saꞌ rochoch junak ma̱cuaꞌ aj judío, queꞌxmux raj rib saꞌ lix pa̱ba̱leb. Xban nak queꞌraj cuaꞌac re li ninkꞌe Pascua, incꞌaꞌ queꞌru chi oc saꞌ li cab aꞌan.

San Lucas 22:66

Nak quicutanoꞌ, queꞌxchꞌutub ribeb li nequeꞌcꞌamoc be saꞌ xya̱nkeb li tenamit ut eb li xbe̱nil aj tij joꞌ eb ajcuiꞌ laj tzꞌi̱b. Ut queꞌxcꞌam li Jesús riqꞌuineb li nequeꞌtaklan saꞌ xbe̱neb laj judío. Ut queꞌxye re:

Miqueas 2:1

Raylal ta̱cha̱lk saꞌ xbe̱neb li nequeꞌxcꞌoxla saꞌ lix cuariba̱l chanru teꞌxba̱nu li ma̱usilal. Nequeꞌxcꞌu̱b ru li xi̱qꞌuilal ut nak nasake̱u, nequeꞌxba̱nu li cꞌaꞌru nequeꞌxcꞌoxla xba̱nunquil xban nak cuanqueb xcuanquil.

Salmos 2:2

Eb li rey queꞌjoskꞌoꞌ riqꞌuin li cꞌaꞌru quixba̱nu li Ka̱cuaꞌ. Ut queꞌxchꞌutub rib chixcꞌu̱banquil chanru nak teꞌrisi saꞌ xcuanquil li Rey xakabanbil chak xban li Dios.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

Hechos 5:21

Cuulajak chic nak toj ekꞌela queꞌco̱eb saꞌ li templo eb li apóstol ut queꞌoc chixchꞌolobanquil lix ya̱lal chiruheb li tenamit joꞌ quiyeheꞌ reheb xban li ángel. Saꞌ ajcuiꞌ li ekꞌela aꞌan queꞌcuulac li xbe̱nil aj tij rochbeneb chixjunileb li nequeꞌtenkꞌan re, ut queꞌxbokeb li jun chꞌol chic li nequeꞌcꞌamoc be chiruheb laj judío joꞌqueb ajcuiꞌ li nequeꞌtaklan saꞌ xbe̱neb. Ut queꞌxtakla xyebal re laj ilol tzꞌalam nak teꞌcꞌamekꞌ li apóstol riqꞌuineb.

1 Samuel 19:11

Saꞌ ajcuiꞌ li kꞌojyi̱n aꞌan laj Saúl quixtaklaheb li cui̱nk chixcꞌacꞌalenquil li rochoch laj David re teꞌxcamsi nak ta̱sake̱uk. Abanan, lix Mical li rixakil quixye re laj David: —Cui incꞌaꞌ tate̱lelik ut ta̱col a̱cuib chiru li kꞌojyi̱n aꞌin, cuulaj tateꞌxcamsi, chan re.

Jueces 16:2

Eb li cuanqueb Gaza queꞌrabi resil nak laj Sansón cuan saꞌ li tenamit aꞌan. Queꞌxsut li naꞌajej li cuan cuiꞌ ut chixjunil li cutan yo̱queb chixcꞌacꞌalenquil li oqueba̱l re li tenamit. Chiru li kꞌojyi̱n queꞌoc chi hila̱nc. Queꞌxcꞌoxla nak toj ta̱sake̱uk nak teꞌxcamsi.

Salmos 31:13

Nequeꞌcuabi nak nequeꞌhashot chinhobbal. Yalak bar ninnumeꞌ xiu xiu cuanquin. Nequeꞌxchꞌutub rib ut nequeꞌxcꞌu̱b chi ribileb rib chanru nak tineꞌxcamsi.

Salmos 71:10

Li xicꞌ nequeꞌiloc cue incꞌaꞌ us nequeꞌxye chicuix ut nequeꞌxcꞌu̱b ru chanru nak tineꞌxcamsi.

San Lucas 13:1

Saꞌ li ho̱nal aꞌan queꞌcuulac cuib oxibeb li cui̱nk riqꞌuin li Jesús ut queꞌxye re chanru nak laj Pilato quixtakla xcamsinquileb li cui̱nk aj Galilea nak yo̱queb chi mayejac saꞌ li templo.