San Mateo 26:53 - Li Santil hu

⁵³ ¿Ma incꞌaꞌ nacanau nak naru tintzꞌa̱ma chiru lin Yucuaꞌ ut aꞌan tixtakla raj chak anakcuan anakcuan qꞌuila okꞌob chi ángel chincolbal?

Q'eqchi Bible

⁵³ Malaj nakak'oxla naq ink'a' truuq tinpatz' xk'ab'a' linYuwa', ut a'an tixk'e raj chaq we chi junpaat numenaq kab'laju teep chi ánjel?

San Mateo 26:53 ပူးပေါင်းရင်းမြစ်များ

San Mateo 4:11

Tojoꞌnak quicanaba̱c xban laj tza ut eb li ángel queꞌcuulac ut queꞌcꞌanjelac chiru.

2 Reyes 6:17

Chirix aꞌan li profeta quitijoc ut quixye: —At Ka̱cuaꞌ, at inDios, chaqꞌue taxak chiril la̱ cuanquilal, chan. Ut li Dios quixsume lix tij. Nak qui-iloc saꞌ li tzu̱l li mo̱s, quiril nabaleb li cuanqueb chirix cacua̱y re xam. Ut quiril ajcuiꞌ nabaleb li carruaje re xam. Sutsu li naꞌajej cuan cuiꞌ laj Eliseo xbaneb.

San Lucas 8:30

Li Jesús quixye re: —¿Ani a̱cꞌabaꞌ? chan re. —Cuakib mil incꞌabaꞌ xban nak nabalo, chan nak quichakꞌoc.

Daniel 7:10

Ut li xam chanchan jun li nimaꞌ yo̱ chi cꞌatc. Ut li qꞌuila okꞌob chi tenamit yo̱queb chi cꞌanjelac chiru ut cuan chic li qꞌuila okꞌob chi tenamit xakxo̱queb chiru. Ut laj rakol a̱tin quicꞌojla ut eb li hu queꞌteli.

San Judas 1:14

Laj Enoc, aꞌan lix cuukil chak chirix laj Adán. Quia̱tinac chirixeb li cui̱nk aꞌin joꞌ quicꞌuteꞌ chiru xban li Dios. Laj Enoc quixye: —Abihomak, chan. —Tol-e̱lk li Ka̱cuaꞌ rochben li qꞌuila okꞌob chi ángel.

2 Ts 1:7

Abanan la̱ex li yo̱quex chixcꞌulbal raylal, li Dios texqꞌue chi hila̱nc kochben la̱o ut incꞌaꞌ chic takacꞌul raylal. Aꞌin ta̱cꞌulma̱nk nak li Ka̱cuaꞌ Jesucristo tixcꞌutbesi chak rib nak ta̱cha̱lk toj saꞌ choxa. Ta̱cha̱lk rochbenakeb chak lix ángel li cuanqueb xcuanquil.

San Mateo 25:31

Nak tincha̱lk la̱in li Cꞌajolbej riqꞌuin xnimal inlokꞌal cuochbenakeb chak chixjunileb li ángel, tojoꞌnak toxincꞌojla̱k saꞌ lin cꞌojariba̱l retalil xnimal incuanquil chi rakoc a̱tin.

San Marcos 5:9

Tojoꞌnak li Jesús quixpatzꞌ re: —¿Ani a̱cꞌabaꞌ? chan. —Cuakib mil (6,000) incꞌabaꞌ xban nak nabalo, chan nak quichakꞌoc.

San Marcos 5:15

Queꞌcuulac cuan cuiꞌ li Jesús ut queꞌril li cui̱nk li qui-isi̱c nabal chi ma̱us aj musikꞌej riqꞌuin. Cꞌojcꞌo aran nak coxeꞌxtau. Tikto chic ut tuktu chic xjolom. Riqꞌuin rilbal aꞌan queꞌoc xxiuheb li tenamit.

San Juan 10:18

Ma̱ ani ta̱qꞌuehok cue chi camsi̱c cui incꞌaꞌ nacuaj la̱in. Xban nak la̱in nacuaj, tinkꞌaxtesi cuib chi camsi̱c. Cuan incuanquil chixkꞌaxtesinquil lin yuꞌam. Ut cuan ajcuiꞌ incuanquil chixcꞌulbal cuiꞌchic lin yuꞌam. Aꞌan aꞌin li quixye cue lin Yucuaꞌ nak tento tinba̱nu, chan li Jesús.

San Juan 18:36

Li Jesús quixye re: —Lin cuanquil la̱in ma̱cuaꞌ re saꞌ ruchichꞌochꞌ. Cui ta la̱in tintakla̱nk arin saꞌ ruchichꞌochꞌ, eb li nequeꞌta̱ken cue teꞌpletik raj re incolbal chiruheb li nequeꞌcꞌamoc be chiruheb laj judío. Abanan lin cuanquil la̱in ma̱cuaꞌ re saꞌ ruchichꞌochꞌ, chan.