San Mateo 26:41 - Li Santil hu

⁴¹ Chexyoꞌlek ut chextijok re nak incꞌaꞌ te̱qꞌue e̱rib chi a̱le̱c. La̱ex nequeraj raj xba̱nunquil li us, abanan e̱junes incꞌaꞌ texru̱k, chan.

Q'eqchi Bible

⁴¹ Yo'lenqex ut tijonqex re naq mext'ane'k sa' li aaleek: li musiq'ej yo'oon wank, a'ut li tz'ejwalej lub'lub' wank.

San Mateo 26:41 ပူးပေါင်းရင်းမြစ်များ

San Lucas 22:46

Ut li Jesús quixye reheb: —¿Cꞌaꞌut nak yo̱quex chi cua̱rc? Cuaclinkex ut tijonkex re nak incꞌaꞌ te̱qꞌue e̱rib chi a̱le̱c, chan reheb.

San Marcos 14:38

Chexyoꞌlek ut chextijok re nak incꞌaꞌ te̱qꞌue e̱rib chi a̱le̱c. La̱ex nequeraj raj xba̱nunquil li us, abanan e̱junes incꞌaꞌ texru̱k.—

Efesios 6:18

Ut yoꞌon cua̱nkex. Junelic chextijok joꞌ naxcꞌut che̱ru li Santil Musikꞌej. Junelic chextzꞌa̱ma̱nk chiru chi anchal e̱chꞌo̱l nak li Dios ta̱tenkꞌa̱nk e̱re. Ut chetzꞌa̱ma chiru nak tixtenkꞌaheb chixjunileb li ralal xcꞌajol li Dios.

San Mateo 6:13

Ut moa̱qꞌue taxak chi a̱le̱c. Choa̱col ban chiru li incꞌaꞌ us. A̱cue li nimajcual cuanquil, li lokꞌoni̱c ut li lokꞌal chi junelic kꞌe cutan. Joꞌcan taxak.

San Lucas 21:36

Joꞌcan ut yoꞌon cua̱nkex ut junelic chextijok re nak cauhak e̱chꞌo̱l chixcuybal xnumsinquil li raylal li ta̱cha̱lk saꞌ e̱be̱n, ut re nak ta̱ru̱k texcuulak cuiqꞌuin la̱in li Cꞌajolbej, chan li Jesús.

Apocalipsis 16:15

Ut la̱in quicuabi nak li Ka̱cuaꞌ quixye: —La̱in tincha̱lk chi ma̱cꞌaꞌ saꞌ xchꞌo̱leb li tenamit joꞌ nak nachal laj e̱lkꞌ. Us xak re li ani nayoꞌlec re cuoybeninquil ut incꞌaꞌ nachꞌinan xchꞌo̱l saꞌ xpa̱ba̱l. Aꞌan incꞌaꞌ ta̱xuta̱na̱k chicuu nak tincꞌulu̱nk xban nak ti̱c xchꞌo̱l, chan.

1 Corintios 16:13

Michꞌinan e̱chꞌo̱l saꞌ le̱ pa̱ba̱l. Cauhak taxak e̱chꞌo̱l chi pa̱ba̱nc ut me̱qꞌue e̱rib chi a̱le̱c. Yoꞌon cua̱nkex ut chepa̱bak li Ka̱cuaꞌ chi anchal e̱chꞌo̱l, usta nachal raylal saꞌ e̱be̱n.

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

1 Corintios 10:13

Moco jalan ta chic li a̱le̱c nequecꞌul la̱ex chiru li nequeꞌxcꞌul chixjunileb. Abanan li Dios ti̱c xchꞌo̱l. Aꞌan incꞌaꞌ nocoxcanab chi a̱le̱c cui incꞌaꞌ takacuy xnumsinquil. Aꞌan ban natenkꞌan ke chixcuybal xnumsinquil.

2 Pedro 2:9

Joꞌcan ajcuiꞌ anakcuan. Li Dios naxtenkꞌaheb li ti̱queb xchꞌo̱l re nak incꞌaꞌ teꞌxqꞌue rib chi a̱le̱c. Ut eb li incꞌaꞌ ti̱queb xchꞌo̱l tixcanabeb chixcꞌulbal li tojba ma̱c nak tixtau xkꞌehil li rakba a̱tin.

San Mateo 24:42

Joꞌcan nak yoꞌon cua̱nkex xban nak incꞌaꞌ nequenau jokꞌe ho̱nal toline̱lk la̱in li Ka̱cuaꞌ.

Apocalipsis 3:10

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.

1 Pedro 4:7

Li rosoꞌjic li ruchichꞌochꞌ ta̱se̱ba̱nk chak. Joꞌcan nak aj-ajak e̱ru, ut cheqꞌuehak e̱chꞌo̱l chi tijoc.

San Lucas 22:40

Nak quicuulac saꞌ li naꞌajej aꞌan, quixye reheb lix tzolom: —Chextijok re nak incꞌaꞌ te̱qꞌue e̱rib chi a̱le̱c, chan.

Gálatas 5:24

Li ani re chic li Jesucristo, chanchan nak quiqꞌueheꞌ chiru cruz lix najter naꞌleb xban nak ac xcanab xba̱nunquil chi junaj cua li najter naꞌleb li quixrahi ru xba̱nunquil junxil.

1 Corintios 9:27

Nintacuasi cuib ut ninqꞌue inchꞌo̱l chi cꞌanjelac. Incꞌaꞌ ninba̱nu li nacuaj la̱in. Ninba̱nu ban li naraj li Dios. Incꞌaꞌ nacuaj nak la̱in chic incꞌaꞌ tincꞌul lin ma̱tan mokon nak acak xinye resil li colba-ib reheb li cuas cui̱tzꞌin.

San Mateo 25:13

Joꞌcan nak la̱in ninye e̱re: Yoꞌon cua̱nkex xban nak incꞌaꞌ nequenau li cutan chi moco li ho̱nal jokꞌe toline̱lk la̱in li Cꞌajolbej.

Salmos 119:32

Tinqꞌue inchꞌo̱l chixba̱nunquil li cꞌaꞌru naxye la̱ chakꞌrab xban nak la̱at nacacꞌut chicuu lix ya̱lal.

San Mateo 26:38

Ut quixye reheb: —Cuan jun raylal saꞌ inchꞌo̱l ut yo̱ chinyotꞌbal. Incꞌaꞌ chic nincuy nak nacuecꞌa. Cana̱kex arin ut yoꞌlenkex cuochben, chan.

Salmos 119:1

Us xak reheb li nequeꞌcuan saꞌ ti̱quilal ut nequeꞌxba̱nu li cꞌaꞌru naxye lix chakꞌrab li Ka̱cuaꞌ.

Romanos 8:3

Li najter chakꞌrab incꞌaꞌ naru toxcol chiru li ma̱c ut li ca̱mc. Ma̱cꞌaꞌ xcuanquil re kacolbal xban nak incꞌaꞌ nocoru chixba̱nunquil li naxye. Incꞌaꞌ nocoru chixba̱nunquil li naxye xban nak chalen chak saꞌ kayoꞌlajic la̱o aj ma̱c. Aban li Dios xoxcol chiru li ma̱c. Quixtakla chak li Jesucristo li Ralal chi tzꞌejcualocꞌ saꞌ ruchichꞌochꞌ. Li Ka̱cuaꞌ Jesucristo quixmayeja rib re xsachbal xcuanquil li ma̱c.

San Lucas 11:4

Ut chacuy chasach ta li kama̱c joꞌ nak nakacuyeb xma̱c li nequeꞌma̱cob chiku. Ut moa̱qꞌue chi a̱le̱c. Choa̱col ban chiru li incꞌaꞌ us.—

San Lucas 8:13

Ut li iyaj li quinak saꞌ xya̱nk li pec, aꞌan retalileb li nequeꞌabin re li ra̱tin li Dios ut nequeꞌxpa̱b chi saheb saꞌ xchꞌo̱l. Abanan incꞌaꞌ nacana saꞌ xchꞌo̱leb. Nak nayaleꞌ rix lix pa̱ba̱leb, incꞌaꞌ nequeꞌxcuy xnumsinquil. Nachꞌinan ban xchꞌo̱leb.

Salmos 119:117

China̱tenkꞌa ut china̱col taxak. Ut junelic taxak ta̱sahokꞌ saꞌ inchꞌo̱l chixba̱nunquil li cꞌaꞌru naxye saꞌ la̱ chakꞌrab.

Salmos 119:115

La̱ex li incꞌaꞌ us e̱naꞌleb, canabomak inchꞌiꞌchꞌiꞌinquil. La̱in tincuaj xba̱nunquil li cꞌaꞌru naxye lix chakꞌrab lin Dios.