San Mateo 24:4 - Li Santil hu

⁴ Quichakꞌoc li Jesús ut quixye reheb: —Cheqꞌuehak retal re nak ma̱ ani chibalakꞌi̱nk e̱re.

Q'eqchi Bible

⁴ Kichaq'ok li Jesus ut kixye reheb': —Chek'ehaq reetal re naq maa'ani chib'alaq'inq eere.

San Mateo 24:4 ပူးပေါင်းရင်းမြစ်များ

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

2 Ts 2:3

Ma̱cꞌaꞌ ta cꞌaꞌru chexbalakꞌi̱k cuiꞌ. Li Ka̱cuaꞌ Jesucristo incꞌaꞌ ta̱cha̱lk chi ma̱jiꞌak natzꞌekta̱na̱c li Dios xbaneb nabal chi tenamit. Ut ta̱cha̱lk ajcuiꞌ li cui̱nk laj kꞌetol chakꞌrab. Aꞌan li ta̱cꞌuluk re li sachc chi junaj cua.

Jeremías 29:8

Joꞌcaꞌin xye li Ka̱cuaꞌ li nimajcual Dios, lix Dioseb laj Israel: Me̱qꞌue e̱rib chixbalakꞌi eb li profeta ut eb laj kꞌe li cuanqueb saꞌ e̱ya̱nk, chi moco te̱rabi li cꞌaꞌru nequeꞌxye li nequeꞌmatqꞌuec.

Colosenses 2:8

Me̱qꞌue e̱rib chi balakꞌi̱c xbaneb li nequeꞌxye nak cuan xnaꞌlebeb. Ma̱cꞌaꞌ na-oc cuiꞌ li cꞌaꞌru nequeꞌxye xban nak lix naꞌlebeb moco riqꞌuin li Cristo ta nachal. Aꞌan yal xnaꞌleb li ruchichꞌochꞌ ut yal xnaꞌlebeb li kaxeꞌ kato̱n.

Efesios 5:6

Me̱qꞌue e̱rib chi balakꞌi̱c xbaneb li nequeꞌa̱tinac ut nequeꞌxye nak moco nimla ma̱c ta xba̱nunquil li cꞌaꞌak re ru aꞌin, xban nak nachal xjoskꞌil li Dios saꞌ xbe̱neb li nequeꞌkꞌetoc re li ra̱tin.

San Marcos 13:22

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb li profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xbalakꞌinquileb li sicꞌbileb ru xban li Dios.

Efesios 4:14

Moco joꞌcakex ta chic li cocꞌal. Li cocꞌal nequeꞌxpa̱b li cꞌaꞌak re ru nequeꞌyeheꞌ re. La̱ex ma̱cuaꞌex chic cocꞌal. Joꞌcan nak me̱qꞌue e̱rib chi balakꞌi̱c xbaneb li nequeꞌbalakꞌin riqꞌuin jalanil tijleb.

San Lucas 21:8

Li Jesús quixye reheb: —Cheba̱nu cue̱nt re nak incꞌaꞌ texbalakꞌi̱k xban nak nabal teꞌcha̱lk chi balakꞌi̱nc ut teꞌxye nak saꞌ incꞌabaꞌ la̱in xeꞌchal. Teꞌxye, “La̱in li Cristo li yechiꞌinbil xban li Dios,” chaꞌkeb. Ut teꞌxye, “Anakcuan xcuulac xkꞌehil,” chaꞌkeb. Abanan me̱pa̱b li cꞌaꞌru teꞌxye eb aꞌan.

Colosenses 2:18

Cuan li nequeꞌxye nak cha̱bileb ut chanchan nak nequeꞌxcubsi ribeb. Abanan moco ya̱l ta. Lix naꞌlebeb moco qꞌuebil ta xban li Dios. Li cꞌaꞌru nequeꞌxba̱nu, aꞌan yal cꞌoxlanbil. Nequeꞌxlokꞌoni li ángel ut nequeꞌxye cui incꞌaꞌ te̱ba̱nu joꞌ nequeꞌxba̱nu eb aꞌan, incꞌaꞌ te̱cꞌul li yechiꞌinbil e̱re xban li Dios. Abanan me̱pa̱b li cꞌaꞌru nequeꞌxye xban nak moco ya̱l ta.

Jeremías 37:9

La̱in li Ka̱cuaꞌ ninye e̱re nak incꞌaꞌ te̱balakꞌi e̱rib riqꞌuin xcꞌoxlanquil nak eb laj Babilonia incꞌaꞌ chic teꞌsukꞌi̱k chi pletic e̱riqꞌuin. Eb aꞌan cha̱lqueb re. Incꞌaꞌ texcanab.

Gálatas 6:3

Li ani naxcꞌoxla nak nim xcuanquil xjunes rib, li jun aꞌan yo̱ chixbalakꞌinquil rib xjunes.