San Mateo 24:3 - Li Santil hu

³ Ut chirix aꞌan, co̱ chiru li tzu̱l Olivos ut nak li Jesús quicꞌojla aran xjunes, lix tzolom queꞌcuulac riqꞌuin ut queꞌxye re: —Ye ke jokꞌe ta̱cꞌulma̱nk li yo̱cat chixyebal. ¿Cꞌaꞌru talajcꞌulma̱nk nak ta̱cuulak xkꞌehil la̱ cꞌulunic? Ut, ¿cꞌaꞌru retalil li rosoꞌjiqueb li cutan aꞌin?—

Q'eqchi Bible

³ Chirix a'an, naq ak chunchu sa' xb'een li tzuul Olivos, eb' li xtzolom ke'jilok chi xk'atq naq wank xjunes ut ke'xye re: —Ye qe jo'q'e taak'ulmanq a'in ut k'aru reetalil laachalik ut li roso'jik li ruuchich'och'.

San Mateo 24:3 ပူးပေါင်းရင်းမြစ်များ

Hechos 1:7

Quichakꞌoc li Jesús ut quixye reheb: —Ma̱cuaꞌ e̱re la̱ex xnaubal li cꞌaꞌak re ru aꞌin. Caꞌaj cuiꞌ li Dios Acuabej nanaꞌoc re jokꞌe tixba̱nu xban nak caꞌaj cuiꞌ aꞌan yal re saꞌ xbe̱n chixjunil.

San Mateo 24:37

Joꞌ quicꞌulman saꞌ xcutan laj Noé, joꞌcan ajcuiꞌ ta̱cꞌulma̱nk nak toline̱lk cuiꞌchic la̱in li Cꞌajolbej.

San Mateo 13:49

Joꞌcan ajcuiꞌ ta̱uxma̱nk saꞌ rosoꞌjic li ruchichꞌochꞌ. Teꞌcha̱lk eb li ángel ut aꞌan toleꞌisi̱nk reheb li incꞌaꞌ useb xnaꞌleb saꞌ xya̱nkeb li ti̱queb xchꞌo̱l.

San Lucas 21:7

Queꞌxpatzꞌ re: —At tzolonel, ¿jokꞌe ta̱cꞌulma̱nk li yo̱cat chixyebal? ¿Cꞌaꞌru retalil ta̱cua̱nk nak talajcꞌulma̱nk li cꞌaꞌak re ru aꞌin? chanqueb.

San Mateo 21:1

Nak ac cuulaqueb re Jerusalén, queꞌcuulac chire li tenamit Betfagé bar cuan cuiꞌ li tzu̱l Olivos. Ut li Jesús quixtaklaheb cuibeb lix tzolom ut quixye reheb:

San Mateo 24:39

Ut incꞌaꞌ queꞌxtau xya̱lal toj quichal li butꞌi haꞌ ut quilajeꞌcꞌameꞌ chixjunileb xban li butꞌ. Chanchan ajcuiꞌ aꞌan nak toline̱lk cuiꞌchic la̱in li Cꞌajolbej.

San Mateo 24:27

La̱in li Cꞌajolbej tincꞌulu̱nk saꞌ junpa̱t. Chanchan lix repom li ca̱k na-el chak saꞌ releb sakꞌe ut naxcꞌut rib toj saꞌ roqueb sakꞌe.

Hebreos 9:26

Cui ta quixmayeja rib nabal sut, nabal sut raj quicam chalen saꞌ xticlajic li ruchichꞌochꞌ. Aban incꞌaꞌ quixba̱nu chi joꞌcan. Li Jesucristo quicꞌulun re xrakbal li xbe̱n contrato ut jun sut ajcuiꞌ quixmayeja rib. Ut riqꞌuin aꞌan cuan xcuybal li ma̱c.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

San Mateo 17:19

Ut queꞌcuulac riqꞌuin li Jesús lix tzolom nak cuan xjunes ut queꞌxpatzꞌ re: —¿Cꞌaꞌut nak incꞌaꞌ xoru la̱o chirisinquil li ma̱us aj musikꞌej? chanqueb.

San Mateo 24:43

Chenauhak aꞌin: nak cui ta naxnau li yucuaꞌbej saꞌ li cab jokꞌe ho̱nal re li kꞌojyi̱n tol-e̱lk laj e̱lkꞌ, ta̱yoꞌlek raj ut incꞌaꞌ raj tixcanab chi elkꞌac xsaꞌ li rochoch.

San Mateo 15:12

Queꞌjiloc lix tzolom riqꞌuin li Jesús ut queꞌxye re: —¿Ma xaqꞌue retal nak eb laj fariseo ra xeꞌrecꞌa nak xeꞌrabi li a̱tin li xaye?—

San Mateo 13:36

Ut nak quixchakꞌrabiheb li tenamit, li Jesús qui-oc saꞌ cab. Ut nak queꞌcuulac eb lix tzolom riqꞌuin, queꞌxye re: —Ka̱cuaꞌ, chꞌolob chiku lix ya̱lal li jaljo̱quil ru a̱tin chirix li yibru pim saꞌ li acui̱mk, chanqueb.

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

San Mateo 16:28

Relic chi ya̱l tinye e̱re nak cuanqueb arin saꞌ e̱ya̱nk li incꞌaꞌ teꞌca̱mk toj tineꞌril chi cha̱lc la̱in li Cꞌajolbej riqꞌuin incuanquilal, chan li Jesús.

San Mateo 24:30

Tojoꞌnak ta̱cꞌutu̱nk saꞌ choxa li cuetalil la̱in li Cꞌajolbej. Ut teꞌyotꞌekꞌ ut teꞌya̱bak chixjunileb li cuanqueb saꞌ ruchichꞌochꞌ. Ut teꞌril cuu la̱in li Cꞌajolbej nak yo̱kin chak chi cha̱lc saꞌ li chok riqꞌuin lix nimal incuanquil ut inlokꞌal.