San Mateo 22:12 - Li Santil hu

¹² Li rey quixye re: “At cuami̱g, ¿cꞌaꞌut nak xat-oc chak arin chi incꞌaꞌ tikto̱cat joꞌ nequeꞌxtikib rib li nequeꞌxic saꞌ sumla̱c?” chan. Ut li cui̱nk incꞌaꞌ quichakꞌoc.

Q'eqchi Bible

¹² ut kixye re: «At wamiiw, chanru naq xat-ok chaq arin chi ink'a' tiqtookat chi chaab'il jo' re xninq'ehinkil li sumlaak?». A'ut a'an ink'a' kichaq'ok.

San Mateo 22:12 ပူးပေါင်းရင်းမြစ်များ

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

San Mateo 20:13

Ut quichakꞌoc li patrón ut quixye re jun reheb li queꞌoc xbe̱n cua: —At cuami̱g, la̱in xatintoj chi tzꞌakal. ¿Ma incꞌaꞌ ta biꞌ xasume cꞌanjelac chi jun denario li cutan?

Li xHu LAJ JOB 5:16

Riqꞌuin li Dios nequeꞌyoꞌonin li incꞌaꞌ nequeꞌxcuy xcolbaleb rib xjuneseb. Ut eb li incꞌaꞌ useb xnaꞌleb ma̱cꞌaꞌ chic naru nequeꞌxye.

1 Samuel 2:9

Aꞌan narileb li ti̱queb xchꞌo̱l, aban eb li incꞌaꞌ useb xnaꞌleb naxcanabeb chi ca̱mc saꞌ xkꞌojyi̱nal ru li ma̱c xban nak ma̱ ani cau rib yal xjunes rib.

Tito 3:11

Nanauman nak li jun aꞌan ac xpoꞌ xchꞌo̱l ut nama̱cob xban nak naraj tixpoꞌ xchꞌo̱leb laj pa̱banel. Aꞌan raylal naxcꞌam chak saꞌ xbe̱n xjunes rib.

San Mateo 26:50

Ut li Jesús quixye re: —Cuami̱g, ¿cꞌaꞌru a̱cuajom arin?— Tojoꞌnak queꞌnachꞌoc riqꞌuin li Jesús ut queꞌxchap.

Jeremías 2:26

La̱ex aj Israel, xecꞌut e̱xuta̱n joꞌ nak nacꞌuteꞌ xxuta̱n laj e̱lkꞌ nak nataꞌli chi elkꞌac. Jun xiquic nak xecꞌut e̱xuta̱n la̱ex ut eb le̱ rey, joꞌ eb li cuanqueb saꞌ xcuanquil ut eb laj tij ut eb li profetas.

Jeremías 2:23

¿Cꞌaꞌut nak nequeye nak incꞌaꞌ xemux e̱rib? ¿Cꞌaꞌut nak nequeye nak incꞌaꞌ xelokꞌoniheb li jalanil dios? Qꞌuehomak retal cꞌaꞌru xeba̱nu saꞌ li ru takꞌa. Cꞌoxlahomak li ma̱usilal xeba̱nu. Chanchanex li camello li yo̱queb chi a̱linac yalak bar chixsicꞌbal lix sum.

Salmos 107:42

Eb li ti̱queb xchꞌo̱l nequeꞌsahoꞌ saꞌ xchꞌo̱leb nak nequeꞌril li cꞌaꞌru naxba̱nu li Ka̱cuaꞌ. Ut eb li incꞌaꞌ useb xnaꞌleb ma̱cꞌaꞌ chic naru nequeꞌxye.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

San Mateo 5:20

Tinye ajcuiꞌ e̱re nak cui lix ti̱quilal le̱ chꞌo̱l incꞌaꞌ tixkꞌax ru xti̱quilal xchꞌo̱leb laj tzꞌi̱b ut eb laj fariseo, incꞌaꞌ tex-oc rubel lix nimajcual cuanquilal li Dios.