San Mateo 21:9 - Li Santil hu

⁹ Nak yo̱ chi xic li Jesús cuan yo̱queb chi xic chiru ut cuan yo̱queb chi xic chirix. Japjo̱queb re chixyebal: —Lokꞌoninbil taxak laj Colol ke, li ralal xcꞌajol li rey David. Osobtesinbil taxak li yo̱ chak chi cha̱lc saꞌ xcꞌabaꞌ li Ka̱cuaꞌ Dios. Aj Colol ke taxak li xchal chak riqꞌuin li Dios, chanqueb.

Q'eqchi Bible

⁹ Ut eb' li tenamit li yookeb' chi xik chi uub'ej ut li wankeb' chi ixb'ej japjookeb' re chi xyeeb'al: —Chinimaaq xloq'al li Ralal laj David! Usilaatinanb'il li xchalk sa' xk'ab'a' li Qaawa'! Chinimaaq xloq'al li Qaawa' taqe'q!

San Mateo 21:9 ပူးပေါင်းရင်းမြစ်များ

San Lucas 2:14

—Chinima̱k taxak xlokꞌal li Ka̱cuaꞌ Dios li cuan saꞌ choxa ut chicua̱nk taxak li tuktu̱quilal saꞌ xya̱nkeb li cristian li raro̱queb xban li Dios.—

San Mateo 23:39

Tinye ut e̱re chalen anakcuan incꞌaꞌ chic te̱ril cuu toj nak te̱ye, “Osobtesinbilak aꞌan li xchal saꞌ xcꞌabaꞌ li Ka̱cuaꞌ”. Toj aran chic te̱ril cuu, chan li Jesús.

San Mateo 21:15

Ut eb lix be̱nil aj tij ut eb laj tzꞌi̱b queꞌril li sachba chꞌo̱lej li yo̱ chixba̱nunquil. Ut queꞌril nak eb li sa̱j al japjo̱queb re chixyebal saꞌ li rochoch li Dios: —Lokꞌoninbil taxak laj Colol ke, li ralal xcꞌajol li rey David, chanqueb. Ut cꞌajoꞌ nak queꞌpoꞌ laj tij ut eb laj tzꞌi̱b.

San Mateo 9:27

Ut nak qui-el aran li Jesús, cuib li mutzꞌ yo̱queb chi ta̱ke̱nc re ut japjo̱queb re chixyebal: —Chacuuxta̱na taxak ku, at ralal xcꞌajol li rey David.—

Salmos 148:1

¡Lokꞌoninbil taxak li Ka̱cuaꞌ! Chinima̱k taxak ru li nimajcual Dios aran saꞌ choxa. La̱ex li cuanquex saꞌ choxa cheqꞌuehak taxak xlokꞌal li Ka̱cuaꞌ.

San Mateo 21:10

Ut nak cox-ocak li Jesús saꞌ li tenamit Jerusalén, queꞌxtububi rib chixjunil ut nabaleb li tenamit yo̱queb chixyebal: —¿Ani aꞌin? chanqueb.

San Lucas 13:35

Ut anakcuan le̱ tenamit ta̱cana̱k chi naqꞌuirnac aj chic ru. Tinye ut e̱re chalen anakcuan incꞌaꞌ chic te̱ril cuu toj nak te̱ye, “Osobtesinbil taxak li xchal saꞌ xcꞌabaꞌ li Ka̱cuaꞌ”, chan li Jesús.