San Mateo 20:2 - Li Santil hu

² Ut queꞌxsume cꞌanjelac chiru chi jun denario li cutan xtojbaleb. Ut quixtaklaheb saꞌ li racui̱mk chi cꞌanjelac.

Q'eqchi Bible

² Ut naq eb' laj k'anjel ke'xk'ulub'an xch'ool k'anjelak chi lajeeb' xka'k'aal tumin li kutan, kixtaqlaheb' sa' li rawimq.

San Mateo 20:2 ပူးပေါင်းရင်းမြစ်များ

Apocalipsis 6:6

Ut quicuabi jun xya̱b cux quia̱tinac saꞌ xya̱nkeb li ca̱hib li chanchaneb ángel ut quixye: —Naru xlokꞌbal cuib libra li trigo chiru li tojleb li re jun cutan ut naru xlokꞌbal cuakib libra li cebada chiru li tojleb li re jun cutan. Abanan me̱terkꞌusi xtzꞌak li aceite ut li vino, chan.

2 Timoteo 3:15

Chalen chak toj saꞌ a̱caꞌchꞌinal ac nacanau xsaꞌ li Santil Hu. Nacanau nak aꞌan li nacꞌutuc lix ya̱lal chiku nak li colba-ib natauman riqꞌuin xpa̱banquil li Jesucristo.

San Lucas 10:35

Joꞌ cuulajak chic nak ac xic re li cui̱nk aj Samaria, quixqꞌue cuib li tumin plata re laj e̱chal cab ut quixye re: “Chacuil chi us li cui̱nk aꞌin. Ut chixjunil li joꞌ qꞌuial chic ta̱sach, la̱in tintoj a̱cue saꞌ insukꞌijic,” chan.

San Lucas 1:15

La̱ cualal li ta̱yoꞌla̱k ta̱qꞌuehekꞌ xcuanquil xban li Dios. Aꞌan incꞌaꞌ ta̱ucꞌak vino chi moco li haꞌ li nacaltesin. Ut ac cua̱nk chak li Santil Musikꞌej riqꞌuin nak toj ma̱jiꞌak nayoꞌla.

San Mateo 22:19

Cꞌutumak chicuu li tumin li nequextojoc cuiꞌ, chan reheb. Ut queꞌxcꞌut chiru jun li tumin.

San Mateo 20:13

Ut quichakꞌoc li patrón ut quixye re jun reheb li queꞌoc xbe̱n cua: —At cuami̱g, la̱in xatintoj chi tzꞌakal. ¿Ma incꞌaꞌ ta biꞌ xasume cꞌanjelac chi jun denario li cutan?

San Mateo 18:28

Ut nak qui-el chak laj cꞌanjel riqꞌuin li rey, quixcꞌul jun li rech aj cꞌanjelil cuan oꞌcꞌa̱l (100) denarios lix cꞌas riqꞌuin li cui̱nk aꞌan. Ut laj cꞌanjel, li quicuyeꞌ xma̱c, quixchap chi xcux li jun li cuan xcꞌas riqꞌuin ut qui-oc chixyatzꞌbal ut quixye re: —Toj la̱ cꞌas, chan.

Eclesiastés 12:1

Nak toj cuancat saꞌ la̱ sa̱jilal, chijulticokꞌ a̱cue li Dios li quiyoꞌobtesin a̱cue. Chijulticokꞌ a̱cue li Dios nak toj ma̱jiꞌ nacuulac li cutan nak cuan nabal li chꞌaꞌajquilal ut nak ma̱jiꞌ nacuulac li chihab nak ta̱ye: —Ma̱cꞌaꞌ chic nasahoꞌ cuiꞌ inchꞌo̱l.—

2 Crónicas 34:3

Ac yo̱ chic cuakxakib chihab roquic chokꞌ rey laj Josías ut toj sa̱j chi us nak qui-oc chixsicꞌbal li Dios li quixlokꞌoni li rey David lix xeꞌto̱nil yucuaꞌ. Ut nak ac yo̱ chic cablaju chihab roquic saꞌ lix cuanquil, qui-oc chirisinquileb li yi̱banbil dios saꞌ li tenamit Judá ut Jerusalén, joꞌ ajcuiꞌ lix naꞌajeb li yi̱banbil dios, ut eb lix jalam u̱ch lix Asera. Quirisiheb ajcuiꞌ li jalanil dios li yi̱banbileb riqꞌuin chꞌi̱chꞌ ut pec.

1 Reyes 18:12

Ma̱re lix musikꞌ li Ka̱cuaꞌ tatxcꞌam saꞌ jalan chic naꞌajej nak ac xin-el arin. Cui la̱in ninye re li rey Acab nak cuancat arin ut cui ma̱ anihakat nak ta̱cha̱lk cha̱sicꞌbal, relic chi ya̱l tinixtakla chi camsi̱c. La̱at nacanau nak chalen saꞌ insa̱jilal la̱in ninxucua ru li Ka̱cuaꞌ.

1 Samuel 3:21

Ut li Ka̱cuaꞌ quixcꞌutbesi cuiꞌchic rib chiru laj Samuel saꞌ li naꞌajej Silo bar naa̱tinac cuiꞌ li Ka̱cuaꞌ riqꞌuin.

1 Samuel 3:1

Laj Samuel yo̱ chi cꞌanjelac chiru li Dios saꞌ xsa̱jilal ut laj Elí naxcꞌut chiru chanru tixba̱nu. Saꞌ eb li cutan aꞌan li Ka̱cuaꞌ incꞌaꞌ quira̱tinaheb li tenamit rajlal, ut moco junelic ta quixcꞌut li visión chiruheb.

1 Samuel 2:26

Nak yo̱ chi cꞌulma̱nc aꞌin, laj Samuel yo̱ chi qꞌui̱c. Quiraheꞌ xban li Dios ut quiraheꞌ ajcuiꞌ xbaneb li tenamit.

1 Samuel 2:18

Laj Samuel, li sa̱j al, yo̱ chi cꞌanjelac chiru li Dios, ut quixqꞌue chirix li efod yi̱banbil riqꞌuin lino joꞌ nequeꞌrocsi laj tij.

San Mateo 9:37

Tojoꞌnak quixye reheb lix tzolom, —Relic chi ya̱l nabaleb li incꞌaꞌ nequeꞌxnau lix ya̱lal. Abanan moco qꞌuiheb ta li teꞌxye lix ya̱lal reheb. Chanchaneb li ru li acui̱mk li ma̱cꞌaꞌ aj sicꞌol re.

San Mateo 20:1

Lix nimajcual cuanquilal li Dios chanchan jun li yucuaꞌbej cuan saꞌ xjun cablal. Qui-el chak toj ekꞌela chixsicꞌbaleb aj cꞌanjel re teꞌcꞌanjelak saꞌ li racui̱mk.

San Mateo 20:3

Ut nak qui-el cuiꞌchic saꞌ bele̱b o̱r, cuan cuiꞌchic quixtauheb chak saꞌ cꞌayil yal yo̱queb chixbaybal rib.

San Marcos 12:15

Li Jesús naxnau nak aj caꞌpacꞌaleb. Quixye reheb: —¿Cꞌaꞌut nak nequeraj xyalbal cuix? Cꞌamomak chak li tumin. Cuilak, chan reheb.

San Lucas 20:24

Cꞌut junak li tumin chicuu. ¿Ani aj e li jalam u̱ch li cuan chiru? Ut, ¿ani aj cꞌabaꞌ li tzꞌi̱banbil chiru? chan. Eb aꞌan queꞌchakꞌoc ut queꞌxye: —Re li acuabej.

San Mateo 20:9

Ut nak queꞌchal, jun denario queꞌtojeꞌ cuiꞌ li junju̱nk li queꞌoc chi cꞌanjelac saꞌ o̱b o̱r.