San Mateo 2:6 - Li Santil hu

⁶ Joꞌcaꞌin tzꞌi̱banbil saꞌ li Santil Hu: Li tenamit Belén, xchꞌochꞌeb laj Judá, moco kꞌaxal caꞌchꞌin ta lix cuanquil saꞌ xya̱nkeb li xni̱nkal ru tenamit re Judá xban nak aran ta̱e̱lk jun Acuabej ut aꞌan ta̱beresi̱nk re lin tenamit Israel. (Miq. 5:2)

Q'eqchi Bible

⁶ «Ut laa'at Belén, xch'och'el laj Judá, moko jwal kach'inat ta sa' xyanqeb' li xninqal xteepaleb' laj Judá, xb'aan naq aawik'in taa'elq jun aj k'amol b'e li taab'eresinq re lintenamit Israel».

San Mateo 2:6 ပူးပေါင်းရင်းမြစ်များ

Miqueas 5:2

La̱ex aj Belén Efrata, le̱ tenamit kꞌaxal caꞌchꞌin chiruheb chixjunil li tenamit aran Judá. Abanan saꞌ le̱ chꞌina tenamit ta̱yoꞌla̱k li Acuabej li ta̱takla̱nk saꞌ xbe̱n li tenamit Israel. Aꞌan li Acuabej li ac cuan chak chalen saꞌ xticlajic.

San Juan 7:42

Tzꞌi̱banbil retalil saꞌ li Santil Hu nak li Cristo li Mesías ta̱cha̱lk saꞌ xya̱nkeb li ralal xcꞌajol li rey David. Ta̱cha̱lk aran Belén li quicuan cuiꞌ li rey David najter, chanqueb.

Génesis 49:10

La̱at, Judá, ma̱ ani ta̱ru̱k ta̱isi̱nk re saꞌ la̱ cuukꞌ li xukꞌ li retalil la̱ cuanquil joꞌ ajcuiꞌ saꞌ rukꞌeb la̱ cualal a̱cꞌajol. Ma̱ ani ta̱isi̱nk re le̱ cuanquilal toj tol-e̱lk laj e̱chal re li xukꞌ, li jun li yechiꞌinbil chak xban li Dios. Ut aꞌan chic ta̱pa̱ba̱k xbaneb chixjunileb li cuanqueb saꞌ ruchichꞌochꞌ.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Apocalipsis 2:27

Eb aꞌan teꞌtakla̱nk saꞌ xbe̱neb li tenamit chi cau. Chanchan nak teꞌxtaklaheb riqꞌuin jun li xukꞌ chꞌi̱chꞌ. Ut ta̱sachekꞌ xcuanquileb li teꞌtakla̱nk cuiꞌ. Chanchan nak najoreꞌ junak chꞌochꞌ ucꞌal. La̱in tinqꞌue lix cuanquileb joꞌ li cuanquil li quixqꞌue cue lin Yucuaꞌ.

2 Samuel 5:2

Chalen nak toj cua̱nk laj Saúl chokꞌ karey, la̱at catcꞌamoc be chiruheb li soldados aj Israel saꞌ eb li ple̱t. Ut li Ka̱cuaꞌ quixye nak la̱at tat-ilok reheb lix tenamit ut la̱atak lix reyeb, chanqueb.

Colosenses 1:18

Ut aꞌan ajcuiꞌ najolomin ke la̱o aj pa̱banel ut junajo chic riqꞌuin li Cristo. Aꞌan li naqꞌuehoc re li kayuꞌam. Aꞌan li xbe̱n quicuacli cuiꞌchic chi yoꞌyo saꞌ xya̱nkeb li camenak ut aꞌan li kꞌaxal nim xcuanquil saꞌ xbe̱n chixjunil.

San Mateo 2:1

Nak cua̱nk chokꞌ rey laj Herodes, li Jesús quiyoꞌla aran Belén xcue̱nt Judea. Cuanqueb aj kꞌe queꞌchal chak saꞌ releb sakꞌe ut queꞌcuulac Jerusalén.

Efesios 1:22

Li Dios quixqꞌue chixjunil rubel xcuanquil li Cristo ut quixqꞌue li Cristo chi jolomi̱nc reheb laj pa̱banel ut aꞌan chic yal re saꞌ xbe̱neb.

1 Crónicas 5:2

Eb li ralal xcꞌajol laj Judá, aꞌaneb li queꞌniman xcuanquil saꞌ xya̱nkeb li rech tenamitil, ut saꞌ xya̱nkeb aꞌan quiyoꞌla li jun li ta̱takla̱nk saꞌ xbe̱neb aꞌan. Abanan laj José li quie̱chanin re li tento raj tixcꞌul li xbe̱n alalbej.

Números 24:19

Jun li kꞌaxal nim xcuanquil ta̱cua̱nk saꞌ xya̱nkeb li ralal xcꞌajol laj Jacob. Ut aꞌan ta̱numta̱k saꞌ xbe̱neb li xicꞌ nequeꞌiloc re ut aꞌan ta̱sachok reheb li tenamit li joꞌ qꞌuial teꞌcana̱k.

San Juan 21:16

Ut li Jesús quixye cuiꞌchic re: —At Simón, ralalat laj Jonás, ¿ma niquina̱ra?— Laj Pedro quixye: —Ka̱cuaꞌ, la̱at nacanau nak nacatinra.— Ut li Jesús quixye re: —Chacuilakeb li cualal incꞌajol joꞌ jun li pastor narileb lix carner, chan.

Esdras 2:21

Li ralal xcꞌajol laj Belén, aꞌan jun ciento riqꞌuin oxib xcaꞌcꞌa̱l (123).

Hebreos 7:14

Laj Moisés, nak quia̱tinac chirixeb laj tij, ma̱ jun cua quixye nak saꞌ xya̱nkeb ta li ralal xcꞌajol laj Judá ta̱e̱lk chak junak aj tij. Ut li Jesucristo quiyoꞌla saꞌ xya̱nkeb li ralal xcꞌajol laj Judá.

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

1 Crónicas 2:51

Laj Salma, aꞌan li quitiquiban re li tenamit Belén. Ut laj Haref, aꞌan li quitiquiban re li tenamit Bet-gader.