San Mateo 2:4 - Li Santil hu

⁴ Ut laj Herodes quixchꞌutubeb chixjunil li xbe̱nil aj tij joꞌ eb ajcuiꞌ laj tzꞌi̱b saꞌ li tenamit ut quixpatzꞌ reheb bar ta̱yoꞌla̱k li Cristo.

Q'eqchi Bible

⁴ Toja' naq laj Herodes kixch'utub' chixjunileb' li xb'eenil aj tij ut eb' laj tz'iib' re li tenamit, ut kixpatz'i reheb' b'ar taayo'laaq li Kriist.

San Mateo 2:4 ပူးပေါင်းရင်းမြစ်များ

Hechos 23:9

Ut nequeꞌxejejnac chixcuechꞌinquil ribeb. Ut eb laj tzꞌi̱b xcomoneb laj fariseo yo̱queb chixcolbal rix laj Pablo. —Ma̱ jun ma̱c nakatau chirix li cui̱nk aꞌin. Ma̱re anchal junak musikꞌej, ma̱re anchal junak ángel x-a̱tinan re. Incꞌaꞌ naru topletik riqꞌuin li Ka̱cuaꞌ, chanqueb.

Hechos 6:12

Ut queꞌxtacchiꞌi ajcuiꞌ li tenamit, joꞌqueb ajcuiꞌ laj cꞌamol be ut eb laj tzꞌi̱b. Queꞌxchap laj Esteban ut queꞌxcꞌam chiruheb li nequeꞌtaklan saꞌ xbe̱neb laj judío.

San Mateo 21:23

Ut qui-oc cuiꞌchic li Jesús saꞌ rochoch li Dios. Ut nak yo̱ chixchꞌolobanquil lix ya̱lal chiruheb li tenamit, queꞌcuulac riqꞌuineb li xbe̱nil aj tij ut queꞌcuulac ajcuiꞌ eb li xakabanbileb chi cꞌanjelac saꞌ li rochoch li Dios. Ut queꞌxye re: —¿Ani xtaklan chak a̱cue chixba̱nunquil li cꞌaꞌru yo̱cat chixba̱nunquil? Ut, ¿ani xqꞌuehoc a̱cuanquil?—

San Mateo 7:29

Queꞌsach xchꞌo̱leb xban nak quixcꞌut chi tzꞌakal lix ya̱lal chiruheb riqꞌuin xcuanquil ut moco joꞌ ta eb laj tzꞌi̱b.

Hechos 4:5

Saꞌ li cutan jun chic queꞌchꞌutla Jerusalén eb li xbe̱nil aj tij, ut eb li nequeꞌtaklan saꞌ xbe̱neb laj judío, joꞌqueb ajcuiꞌ laj tzꞌi̱b.

San Juan 18:3

Joꞌcan nak laj Judas co̱ saꞌ li naꞌajej aꞌan ut quixcꞌam chirix jun chꞌu̱tal li soldado aj Roma. Ut co̱eb ajcuiꞌ chirixeb li nequeꞌcꞌacꞌalen saꞌ li templo. Taklanbileb xbaneb laj fariseo ut li xbe̱nil aj tij. Cuan cuanqueb xxameb saꞌ rukꞌ ut cuan cuanqueb xxameb saꞌ ruꞌuj cheꞌ ut cuanqueb ajcuiꞌ xchꞌi̱chꞌeb.

San Juan 8:3

Eb laj fariseo ut eb laj tzolol chakꞌrab queꞌxcꞌam riqꞌuin li Jesús jun li ixk yo̱ chixmuxbal ru xsumlajic nak queꞌxtau ut coxeꞌxxakab chiruheb chixjunileb.

San Juan 7:32

Eb laj fariseo queꞌrabi li yo̱queb chixyebal chirix li Jesús. Joꞌcan nak eb aꞌan, rochbeneb li xbe̱nil aj tij, queꞌxtakla li nequeꞌcꞌacꞌalen saꞌ li templo chixchapbal li Jesús re teꞌxqꞌue saꞌ tzꞌalam.

San Juan 3:10

Li Jesús quixye re: —La̱at aj tzolol reheb laj Israel ut incꞌaꞌ nacatau ru li yo̱quin chixyebal.

San Lucas 23:10

Cuanqueb aran eb li xbe̱nil aj tij ut eb laj tzꞌi̱b. Cꞌajoꞌ lix joskꞌileb nak yo̱queb chixjitbal.

San Lucas 20:19

Eb laj tzꞌi̱b ut eb li xbe̱nil aj tij queꞌxtau ru nak reheb aꞌan quixye li jaljo̱quil ru a̱tin aꞌin ut queꞌraj raj xchapbal saꞌ li ho̱nal aꞌan. Abanan incꞌaꞌ queꞌru xban nak queꞌxucuac chiruheb li tenamit.

Jeremías 8:8

¿Chanru nak te̱ye, “La̱o cuan kanaꞌleb. La̱o cuan lix chakꞌrab li Ka̱cuaꞌ kiqꞌuin”? ¿Ma incꞌaꞌ ta biꞌ queꞌxjal ru lin chakꞌrab eb laj tzꞌi̱b?

San Marcos 8:31

Li Jesús quixchꞌolob xya̱lal chiruheb nak aꞌan li Alalbej ut nak nabal li raylal cha̱lc re saꞌ xbe̱n. Quixye reheb nak ta̱tzꞌekta̱na̱k xbaneb li xakabanbileb chi cꞌanjelac saꞌ li templo. Ta̱tzꞌekta̱na̱k ajcuiꞌ xbaneb li xbe̱nil aj tij. Joꞌ ajcuiꞌ xbaneb laj tzꞌi̱b ut quixye ajcuiꞌ reheb nak ta̱camsi̱k ut ta̱cuacli̱k cuiꞌchic chi yoꞌyo saꞌ rox li cutan.

San Mateo 27:1

Ut nak quisake̱u, queꞌxchꞌutub ribeb chixjunileb lix be̱nil aj tij ut eb laj cꞌamol be saꞌ xya̱nkeb laj judío. Queꞌxcꞌu̱b rib chanru teꞌxba̱nu re nak ta̱camsi̱k li Jesús.

San Mateo 26:47

Toj yo̱ ajcuiꞌ chi a̱tinac li Jesús nak cox-e̱lk laj Judas. Aꞌan jun reheb li cablaju. Nabal queꞌchal rochben taklanbileb chak xbaneb li xbe̱nil aj tij ut xbaneb laj cꞌamol be saꞌ xya̱nkeb laj judío. Cuanqueb xchꞌi̱chꞌ ut cuanqueb xcheꞌ.

San Mateo 26:3

Ut eb lix be̱nil aj tij ut eb laj tzꞌi̱b ut eb li nequeꞌcꞌamoc be saꞌ xya̱nkeb laj judío queꞌxchꞌutub ribeb chiru neba̱l re li rochoch lix yucuaꞌileb laj tij, Caifás xcꞌabaꞌ.

San Mateo 21:15

Ut eb lix be̱nil aj tij ut eb laj tzꞌi̱b queꞌril li sachba chꞌo̱lej li yo̱ chixba̱nunquil. Ut queꞌril nak eb li sa̱j al japjo̱queb re chixyebal saꞌ li rochoch li Dios: —Lokꞌoninbil taxak laj Colol ke, li ralal xcꞌajol li rey David, chanqueb. Ut cꞌajoꞌ nak queꞌpoꞌ laj tij ut eb laj tzꞌi̱b.

San Mateo 13:52

Li Jesús quixye reheb: —Joꞌcan nak chixjunileb li nequeꞌxnau cꞌaꞌru naxye saꞌ li chakꞌrab ut nequeꞌxtzol rib cuiqꞌuin, eb aꞌan chanchaneb laj e̱chal cab li narisi saꞌ lix cꞌu̱leba̱l li cꞌaꞌru acꞌ joꞌ ajcuiꞌ li cꞌaꞌru kꞌel, chan li Jesús. (Quixye chi joꞌcan xban nak cuan xlokꞌal li naꞌleb qꞌuebil najter xban li Dios ut cuan ajcuiꞌ xlokꞌal li acꞌ naꞌleb qꞌuebil xban li Jesús.)

Malaquías 2:7

Lix cꞌanjel eb laj tij, aꞌan xcꞌutbal lix ya̱lal chiruheb li tenamit. Riqꞌuineb aꞌan teꞌxic li cristian chirabinquil lix chakꞌrabinquileb inban la̱in xban nak eb laj tij, aꞌan eb lin takl, chan li nimajcual Dios.

Salmos 2:2

Eb li rey queꞌjoskꞌoꞌ riqꞌuin li cꞌaꞌru quixba̱nu li Ka̱cuaꞌ. Ut queꞌxchꞌutub rib chixcꞌu̱banquil chanru nak teꞌrisi saꞌ xcuanquil li Rey xakabanbil chak xban li Dios.

Nehemías 12:7

laj Salú, laj Amoc, laj Hilcías, ut laj Jedaías. Aꞌaneb aꞌin li queꞌcꞌamoc be saꞌ xya̱nkeb chixjunileb laj tij saꞌ eb li cutan nak quicuan chokꞌ xbe̱nil aj tij laj Jesúa.

Esdras 10:5

Joꞌcan nak laj Esdras quixakli ut quixye reheb li xbe̱nil aj tij ut eb laj levita, joꞌqueb ajcuiꞌ chixjunileb laj Israel nak riqꞌuin juramento teꞌxye ma teꞌxba̱nu joꞌ queꞌxye. Ut eb aꞌan queꞌxba̱nu li juramento ut queꞌxsume xba̱nunquil li cꞌaꞌru queꞌxye.

Esdras 7:6

Laj Esdras aꞌan tzolbil chi us riqꞌuin li chakꞌrab li quiqꞌueheꞌ re laj Moisés xban li Ka̱cuaꞌ lix Dioseb laj Israel. Ut xban nak li Ka̱cuaꞌ quitenkꞌan re laj Esdras, chixjunil li cꞌaꞌru quixtzꞌa̱ma chiru li rey, quiqꞌueheꞌ re. Laj Esdras qui-el Babilonia ut co̱ Jerusalén.

2 Crónicas 36:14

Eb li xbe̱nil aj tij queꞌxba̱nu li ma̱usilal. Ut eb li tenamit numtajenak li ma̱usilal queꞌxba̱nu. Kꞌaxal yibru queꞌxba̱nu joꞌ queꞌxba̱nu li jalanil tenamit. Ut riqꞌuin aꞌan queꞌxmux ru lix templo li Ka̱cuaꞌ, li ac santobresinbil xban aran Jerusalén.

2 Crónicas 34:15

Co̱ saꞌ junpa̱t riqꞌuin laj Safán laj tzꞌi̱b ut quixkꞌaxtesi li hu saꞌ rukꞌ ut quixye re: —Xintau saꞌ lix templo li Ka̱cuaꞌ li hu li tzꞌi̱banbil cuiꞌ li chakꞌrab li quixqꞌue li Dios, chan.

2 Crónicas 34:13

Ut cuanqueb ajcuiꞌ aj levita queꞌcꞌamoc be chixcꞌambal li cꞌaꞌak re ru quicꞌanjelac chiruheb laj pechꞌ ut eb laj tzꞌac. Saꞌ xya̱nkeb laj levita cuanqueb li queꞌjolomin re li junju̱nk chi cꞌanjel. Cuanqueb aj tzꞌi̱b ut cuanqueb ajcuiꞌ li queꞌcꞌacꞌalen re li oqueba̱l.

San Mateo 2:3

Ut nak quirabi aꞌan, li rey Herodes quisach xchꞌo̱l ut qui-oc xcꞌaꞌux joꞌ ajcuiꞌ chixjunileb li cuanqueb Jerusalén.

San Mateo 2:5

Ut eb aꞌan queꞌchakꞌoc ut queꞌxye re: —Aran Belén xcue̱nt Judea xban nak joꞌcan tzꞌi̱banbil chak xban li profeta.