San Mateo 2:20 - Li Santil hu

²⁰ Ut quixye re: —Cuaclin. Cꞌam li cꞌulaꞌal joꞌ cuiꞌ li naꞌbej ut texxic cuiꞌchic saꞌ li tenamit Israel xban nak xeꞌcam li queꞌajoc re xcamsinquil li cꞌulaꞌal, chan.

Q'eqchi Bible

²⁰ ut kixye re: “Waklin, k'am li k'uula'al rochb'een li xna' ut ayu Israel, xb'aan naq kamenaqeb' chik li xe'raj raj xkamsinkil li k'uula'al”.

San Mateo 2:20 ပူးပေါင်းရင်းမြစ်များ

Éxodo 4:19

Laj Moisés cuan chak Madián nak quia̱tina̱c xban li Ka̱cuaꞌ Dios. Quiyeheꞌ re: —Ayu, tatxic cuiꞌchic Egipto xban nak xeꞌcam li queꞌajoc raj re a̱camsinquil.—

San Mateo 2:13

Ut nak ac xco̱eb laj kꞌe, jun x-ángel li Ka̱cuaꞌ quixcꞌut rib chiru laj José saꞌ xmatcꞌ ut quixye re: —Cuaclin, cꞌam li cꞌulaꞌal joꞌ cuiꞌ lix naꞌ. Tex-e̱lk arin ut ayukex saꞌ li tenamit Egipto. Ut aran texcana̱k toj la̱in toxinyehok a̱cue. Tex-e̱lelik xban nak laj Herodes oc re chixsicꞌbal li cꞌulaꞌal re xcamsinquil.—

1 Reyes 11:40

Joꞌcan nak laj Salomón quiraj xcamsinquil laj Jeroboam. Abanan laj Jeroboam quie̱lelic ut co̱ Egipto riqꞌuin li rey Sisac. Ut aran quicana toj quicam laj Salomón.

1 Reyes 11:21

Nak cuan Egipto, laj Hadad quirabi resil nak ac camenak chic li rey David, joꞌ ajcuiꞌ laj Joab li nataklan saꞌ xbe̱neb lix soldado. Joꞌcan nak laj Hadad quixye re laj faraón: —Qꞌue inlese̱ns re nak naru tinsukꞌi̱k saꞌ lin tenamit, chan.

San Mateo 2:19

Ut nak quicam laj Herodes, jun x-ángel li Ka̱cuaꞌ quixcꞌutbesi rib chiru laj José saꞌ xmatcꞌ aran Egipto.

San Mateo 2:21

Ut laj José quicuacli, quixcꞌam li cꞌulaꞌal joꞌ cuiꞌ lix naꞌ ut quichal saꞌ li tenamit Israel.