San Mateo 2:2 - Li Santil hu

² Queꞌpatzꞌoc ut queꞌxye: —¿Bar cuan lix reyeb laj judío xyoꞌla? Xochal xban nak xkil chak toj saꞌ releb sakꞌe li chahim retalil lix yoꞌlajic ut xochal chixlokꞌoninquil, chanqueb.

Q'eqchi Bible

² ut ke'xpatz': —B'ar wank li x'awab'ejeb' laj Judiiy xyo'laak? Xb'aan naq xqil chaq li xchahimal toj sa' releb'l saq'e ut xoochalk chi xloq'oninkil.

San Mateo 2:2 ပူးပေါင်းရင်းမြစ်များ

Números 24:17

La̱in quicuil saꞌ visión li cꞌaꞌru ta̱cꞌulma̱nk saꞌ xya̱nkeb laj Israel saꞌ eb li cutan teꞌcha̱lk. Ta̱cua̱nk jun li rey saꞌ xya̱nkeb li ralal xcꞌajol laj Jacob. Chanchanak jun li chahim. Ta̱numta̱k saꞌ xbe̱neb li ralal xcꞌajol laj Moab ut tixsach ruheb li ralal xcꞌajol laj Set.

Jeremías 23:5

Quixye li Ka̱cuaꞌ: —Ta̱cuulak xkꞌehil nak la̱in tinqꞌue chi yoꞌla̱c jun li Rey ti̱c xchꞌo̱l. Aꞌan ta̱yoꞌla̱k saꞌ xya̱nkeb li ralal xcꞌajol laj David. Aꞌan ta̱cua̱nk xnaꞌleb chi takla̱nc. Ut ta̱rakok a̱tin saꞌ ti̱quilal saꞌ ruchichꞌochꞌ.

Apocalipsis 22:16

Ut li Jesús quixye: —La̱in xintakla lin ángel a̱cuiqꞌuin re nak ta̱chꞌolob lix ya̱lal aꞌin reheb laj pa̱banel. La̱in li chanchanin xtux li cheꞌ. Quinyoꞌla saꞌ xya̱nkeb li ralal xcꞌajol li rey David. La̱in chanchanin li cak chahim li nalemtzꞌun chak toj ekꞌela, chan li Jesús.

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

Isaías 60:3

Eb li jalan tenamit ut eb li rey teꞌcha̱lk e̱riqꞌuin chixsicꞌbal li cutan saken. Ut teꞌril le̱ lokꞌal.

San Juan 18:37

Laj Pilato quixye re: —La̱at rey chi joꞌcanan.— Li Jesús quixye re: —Ya̱l li xaye nak la̱in rey. Aꞌan aj e nak quinchal chi yoꞌla̱c arin saꞌ ruchichꞌochꞌ re xchꞌolobanquil lix ya̱lal. Ut chixjunileb li nequeꞌraj xnaubal lix ya̱lal, nequeꞌrabi li cꞌaꞌru ninye, chan.

Hebreos 1:6

Nak quixtakla chak li junaj chi Ralal saꞌ ruchichꞌochꞌ, li Dios quixye: Chilokꞌoni̱k ru xbaneb chixjunileb li ángel.

San Lucas 23:38

Chiru li cruz queꞌxqꞌue jun retalil tzꞌi̱banbil saꞌ eb li a̱tinoba̱l griego, hebreo, ut latín, li naxye chi joꞌcaꞌin: Aꞌan aꞌin lix reyeb laj judío.

San Lucas 23:3

Laj Pilato quixye re li Jesús: —¿Ma la̱at lix reyeb laj judío? Li Jesús quichakꞌoc ut quixye: —Ya̱l li xaye nak la̱in, chan.

Salmos 2:6

Li Dios quixye: —Xinxakab li Rey li xinsicꞌ ru. La̱in xinxakaban re saꞌ lin santil tenamit Sión.— (Jerusalén nayeman ajcuiꞌ re.)

San Juan 5:23

Quixba̱nu chi joꞌcan re nak chixjunileb teꞌxqꞌue inlokꞌal joꞌ nak nequeꞌxqꞌue xlokꞌal li Yucuaꞌbej. Li ani incꞌaꞌ naxqꞌue inlokꞌal la̱in li Cꞌajolbej, incꞌaꞌ ajcuiꞌ naxqꞌue xlokꞌal li Yucuaꞌbej li quitaklan chak cue.

San Juan 1:49

Quichakꞌoc laj Natanael ut quixye re: —At tzolonel, la̱at li Ralal li Dios. La̱at lix Reyeb laj Israel, chan re li Jesús.

San Lucas 19:38

Queꞌxye: —Osobtesinbil taxak li rey li xchal saꞌ xcꞌabaꞌ li Ka̱cuaꞌ. Ut cua̱nk taxak li tuktu̱quilal saꞌ choxa. Lokꞌoninbil taxak li Ka̱cuaꞌ li cuan saꞌ choxa, chanqueb.

San Lucas 2:11

Anakcuan xyoꞌla jun laj Colol e̱re saꞌ lix tenamit laj David ut aꞌan li Cristo li Ka̱cuaꞌ li yechiꞌinbil xban li Dios.

Jeremías 30:9

Teꞌcꞌanjelak ban chic chicuu la̱in lix Dioseb ut chiru li ralal laj David li tinxakab chokꞌ xreyeb.

Salmos 45:11

Li rey tatxra xban la̱ chꞌinaꞌusal. Aꞌanak chic li ta̱takla̱nk saꞌ a̱be̱n ut la̱at tat-abi̱nk chiru.

San Juan 9:38

Li cui̱nk quixye: —At Ka̱cuaꞌ, la̱in nacatinpa̱b, chan ut quixcuikꞌib rib chiru ut quixlokꞌoni.

San Juan 19:19

Laj Pilato quixtzꞌi̱ba jun li retalil ut queꞌxqꞌue saꞌ xjolom li cruz li quiqꞌueheꞌ cuiꞌ li Jesús. Li retalil aꞌan quixye: Li Jesús aj Nazaret, aꞌan lix reyeb laj judío.

San Juan 12:13

Quilajeꞌxcꞌam chak xxak li moco̱ch ut queꞌchal chixcꞌulbal li Jesús. Japjo̱queb re chixyebal: —Lokꞌoninbil taxak li Ka̱cuaꞌ. Osobtesinbil taxak li xchal saꞌ xcꞌabaꞌ li Ka̱cuaꞌ Dios. Osobtesinbil taxak li karey, la̱o aj Israel, chanqueb.

San Mateo 27:11

Queꞌxcꞌam li Jesús ut queꞌxxakab chiru laj Pilato li acuabej. Ut laj Pilato quixpatzꞌ re: —¿Ma la̱at lix Reyeb laj judío?— Li Jesús quichakꞌoc ut quixye re: —Ya̱l li xaye nak la̱in.—

San Juan 20:28

Ut laj Tomás quixye re: —¡At Ka̱cuaꞌ, at inDios!—

San Mateo 21:5

Ye reheb li tenamit aj Sión: —Cueꞌ chak le̱ Rey xchal e̱riqꞌuin. Tu̱lan ut cꞌojcꞌo chak chirix jun li bu̱r. Chirix jun chꞌina ral bu̱r xcomon li nequeꞌi̱kan yo̱ chak chi cha̱lc.— (Zac. 9:9; Isa. 62:11)

San Mateo 2:3

Ut nak quirabi aꞌan, li rey Herodes quisach xchꞌo̱l ut qui-oc xcꞌaꞌux joꞌ ajcuiꞌ chixjunileb li cuanqueb Jerusalén.