San Mateo 2:18 - Li Santil hu

¹⁸ Qui-abi̱c li ya̱bac saꞌ li tenamit Ramá xban li nimla rahil chꞌo̱lej, ut yotꞌba chꞌo̱lej li queꞌxcꞌul. Aꞌan eb li ixk aj Israel nak yo̱queb chi ya̱bac chirixeb lix cocꞌal. Ut incꞌaꞌ chic nequeꞌraj xcꞌojobanquil xchꞌo̱leb xban nak ac camenakeb chic lix cocꞌaleb. (Jer. 31:15)

Q'eqchi Bible

¹⁸ “Ki'ab'iik jun xyaab' kuxej aran Ramá, yaab'ak ut tz'uyink chi numtajenaq: a' lix Rakel li yo chi yaab'ak chirixeb' li xkok'al, ut ink'a' naraj q'unb'esiik xb'aan naq maak'a'eb' chik”.

San Mateo 2:18 ပူးပေါင်းရင်းမြစ်များ

Jeremías 31:15

Aꞌan aꞌin li quixye li Ka̱cuaꞌ: —Qui-abi̱c li ya̱bac saꞌ li tenamit Ramá xban li nimla rahil chꞌo̱lej, ut li yotꞌba chꞌo̱lej li queꞌxcꞌul. Aꞌaneb li ralal xcꞌajol lix Raquel li yo̱queb chi ya̱bac chirixeb lix cocꞌal. Ut incꞌaꞌ chic nacꞌojla xchꞌo̱leb xban nak ac camenakeb chic li ralal xcꞌajoleb.

Jeremías 4:31

La̱in xcuabi nak yo̱queb chi ya̱bac laj Jerusalén. Chanchan nak naxjap re li ixk nak oc re chi qꞌuira̱c riqꞌuin li xbe̱n xcꞌulaꞌal. Incꞌaꞌ chic nequeꞌxcuy musikꞌac. Nequeꞌxyeꞌ li rukꞌeb nak yo̱queb chixtzꞌa̱manquil xtenkꞌanquileb. “Tokꞌob ku. Incꞌaꞌ nakacuy saꞌ rukꞌeb li nequeꞌraj kacamsinquil,” chanqueb.

Ezequiel 2:10

Quixte li hu chicuu ut tzꞌi̱banbil ru li hu xcaꞌ pacꞌalil. Saꞌ li hu aꞌan tzꞌi̱banbil retalil chixjunil li ya̱bac ut li raylal li ta̱cha̱lk saꞌ xbe̱neb laj Israel.

Génesis 37:30

Laj Rubén co̱ riqꞌuineb li ri̱tzꞌin ut quixye reheb: —Anakcuan ma̱ ani chic li ki̱tzꞌin saꞌ li jul. ¿Cꞌaꞌru ta̱ru̱k tinba̱nu anakcuan? chan.

Apocalipsis 8:13

Ut quicuil jun chanchan nimla cꞌuch yo̱ chi rupupic chiru choxa, ut yo̱ chixjapbal re chixyebal: —Cꞌajoꞌ li raylal, cꞌajoꞌ li raylal. Cꞌajoꞌ li raylal li ta̱cha̱lk saꞌ xbe̱neb li cuanqueb saꞌ ruchichꞌochꞌ nak teꞌya̱basi̱k li oxib chic chi trompeta xbaneb li oxib chi ángel, chan.

Li xHu LAJ JOB 14:10

Abanan eb li cristian nak nequeꞌcam, nequeꞌosoꞌ chi junaj cua. Ut, ¿bar nequeꞌxic nak nequeꞌcam?

Génesis 42:36

Ut laj Jacob quixye reheb: —Anakcuan cꞌajoꞌ yo̱quex chak chixba̱nunquil cue. Ma̱ ani chic li cualal laj José. Ut anakcuan incꞌaꞌ chic xsukꞌi chak laj Simeón. Ut toj te̱raj cuiꞌchic xmakꞌbal laj Benjamín chicuu. ¿Cꞌaꞌut nak chixjunil natꞌaneꞌ saꞌ inbe̱n? chan laj Jacob reheb.

San Mateo 2:17

Joꞌcan nak quitzꞌakloc ru li yebil xban li profeta Jeremías nak quixye chi joꞌcaꞌin:

San Lucas 8:52

Chixjunileb li cuanqueb aran japjo̱queb re chi ya̱bac xban nak ac xcam. Ut li Jesús quixye reheb: —Mexya̱bac. Li xkaꞌal aꞌin moco camenak ta. Cua̱rc yo̱, chan.