San Mateo 2:16 - Li Santil hu

¹⁶ Aꞌut laj Herodes nak quiril nak quibalakꞌi̱c xbaneb laj kꞌe, kꞌaxal nak quichal xjoskꞌil. Ut quixtakla xcamsinquil chixjunileb li cocꞌ te̱lom cuanqueb Belén, joꞌ cuiꞌ saꞌ eb li naꞌajej cuanqueb chixcꞌatk. Queꞌcamsi̱c chixjunileb li cocꞌ te̱lom li toj cꞌulaꞌaleb jun xxiquic aj caꞌcab chihab xban nak quixbir rix cꞌaꞌru li cutan quiyoꞌla cuiꞌ li cꞌulaꞌal joꞌ quiyeheꞌ re xbaneb laj kꞌe.

Q'eqchi Bible

¹⁶ Naq laj Herodes kixk'e reetal naq kib'alaq'iik xb'aaneb' laj q'e, k'ajo' naq kichalk xjosq'il, ut kixtaqla xkamsinkil chixjunileb' li k'uula'al li toj maji'eb' aj wiib' chihab', eb' li wankatqeb' Belén ut sa' li xsutam, jo' chanru kixtz'il rix rik'ineb' laj q'e.

San Mateo 2:16 ပူးပေါင်းရင်းမြစ်များ

Isaías 59:7

La̱ex nequex-a̱linac chixba̱nunquil li ma̱usilal. Saꞌ junpa̱t nequecamsiheb li ma̱cꞌaꞌeb xma̱c. Junes ma̱usilal nequecꞌoxla ut junes sachoc nequeba̱nu.

Proverbios 28:15

Nak junak li acuabej incꞌaꞌ us xnaꞌleb ta̱oc chi takla̱nc saꞌ xbe̱neb li tenamit nebaꞌ, aꞌan chanchan li cakcoj xban nak joskꞌ. Malaj ut chanchan li oso li ta̱tzꞌoca̱k.

Apocalipsis 17:6

Ut quicuil li ixk chanchan ta̱cala̱k xban xquiqꞌueleb li ralal xcꞌajol li Dios li queꞌcamsi̱c xban. Ut queꞌcamsi̱c ajcuiꞌ nabaleb li cristian li queꞌxchꞌolob resil li Cristo. Nak quicuil aꞌan, sachso inchꞌo̱l quincana.

Oseas 10:14

Ta̱cha̱lk li ple̱t saꞌ e̱be̱n ut chixjunileb li xni̱nkal ru cab li nequecol cuiꞌ e̱rib talajeꞌsachekꞌ. Te̱cꞌul joꞌ quicꞌulman saꞌ eb li cutan nak li rey Salmán quixsach li tenamit Bet-arbel nak quicuan li ple̱t ut eb li naꞌbej joꞌqueb ajcuiꞌ lix cocꞌaleb quilajeꞌcamsi̱c.

Daniel 3:13

Nak quirabi aꞌan cꞌajoꞌ nak quijoskꞌoꞌ li rey Nabucodonosor ut quixtakla xcꞌambaleb laj Sadrac, laj Mesac ut laj Abed-nego. Ut saꞌ ajcuiꞌ li ho̱nal aꞌan queꞌcꞌameꞌ chiru li rey.

Isaías 26:21

Li Ka̱cuaꞌ ta̱cha̱lk chak saꞌ choxa chi rakoc a̱tin saꞌ xbe̱neb li tenamit. Ta̱cꞌutbesi̱k li camsi̱c li qui-uxman chi mukmu saꞌ ruchichꞌochꞌ. Incꞌaꞌ chic ta̱uxma̱nk li camsi̱nc chi mukmu.

2 Reyes 8:12

Laj Hazael quixye re: —At profeta Eliseo, ¿cꞌaꞌut nak yo̱cat chi ya̱bac? chan. Ut li profeta quixye re: —Yo̱quin chi ya̱bac xban nak ninnau nak la̱at tatrahobtesi̱nk reheb laj Israel. La̱at ta̱cꞌat li rochocheb li teꞌxcol cuiꞌ ribeb. Ta̱camsiheb li sa̱j cui̱nk ut ta̱saqꞌueb chiru pec li cocꞌal nak ta̱camsiheb. Ut ta̱set chi chꞌi̱chꞌ lix saꞌeb li yaj aj ixk, chan.

Jueces 16:10

Lix Dalila quixye re laj Sansón: —Yo̱cat chinbalakꞌinquil. Ticꞌtiꞌ li xaye cue. Ba̱nu usilal, ye cue chanru nak ta̱ru̱k a̱bacꞌbal, chan.

Génesis 49:7

Tzꞌekta̱nanbilakex taxak xban le̱ joskꞌil. Kꞌaxal numtajenak le̱ joskꞌil. Li Ka̱cuaꞌ Dios ta̱jeqꞌui̱nk reheb le̱ ralal e̱cꞌajol saꞌ xya̱nkeb chixjunileb li cualal incꞌajol.

Proverbios 28:17

Li ani ta̱ma̱cobk riqꞌuin xcamsinquil li ras ri̱tzꞌin, aꞌan tixtoj rix lix ma̱c chalen toj saꞌ lix camic. Ut ma̱ ani naru natenkꞌan re.

Li xHu LAJ JOB 12:4

Junxil nak nintijoc chiru li Dios, aꞌan narabi lin tij. Usta la̱in ti̱c inchꞌo̱l ut ma̱cꞌaꞌ inma̱c, eb li cuami̱g niquineꞌxseꞌe.

Números 24:10

Cꞌajoꞌ nak quijoskꞌoꞌ laj Balac nak quirabi li quixye laj Balaam. Quixpokle li rukꞌ ut quixye re laj Balaam: —Xatinbok re nak ta̱tzꞌa̱ma ma̱usilal saꞌ xbe̱neb li xicꞌ nequeꞌiloc cue. Abanan la̱at xatzꞌa̱ma rosobtesinquileb oxib sut.

Números 22:29

Quichakꞌoc laj Balaam ut quixye re: —Xacꞌut inxuta̱n. Cuan ta cuan inchꞌi̱chꞌ cuiqꞌuin xatincamsi raj, chan.

Génesis 39:17

Nak laj Potifar quicuulac saꞌ cab, li ixk quiticꞌtiꞌic chiru. Quixye re: —Qꞌue retal li mo̱s aj hebreo li xacꞌam chak kiqꞌuin, aꞌan x-oc cuiqꞌuin saꞌ cab ut xraj raj inchapbal.

Génesis 39:14

Quixbokeb lix mo̱s saꞌ cab ut quixye reheb: —Ilomak li cui̱nk aj hebreo li xcꞌam chak laj Potifar. Aꞌan xraj raj xcꞌutbal kaxuta̱n. Xol-ocak cuiqꞌuin ut xraj raj inchapbal. Ut la̱in xinjap cue chi cau.

San Mateo 2:1

Nak cua̱nk chokꞌ rey laj Herodes, li Jesús quiyoꞌla aran Belén xcue̱nt Judea. Cuanqueb aj kꞌe queꞌchal chak saꞌ releb sakꞌe ut queꞌcuulac Jerusalén.

San Mateo 2:7

Tojoꞌnak laj Herodes quixbokeb laj kꞌe saꞌ mukmu ut quixpatzꞌ reheb jokꞌe tzꞌakal quicꞌutun li chahim.

San Mateo 2:17

Joꞌcan nak quitzꞌakloc ru li yebil xban li profeta Jeremías nak quixye chi joꞌcaꞌin:

Apocalipsis 12:4

Ut riqꞌuin lix ye yo̱ chixquelonquil nabal li chahim chiru choxa. Caꞌchꞌin chic ma̱ yijach li chahim li yo̱ chixquelonquil. Ut quixcut saꞌ ruchichꞌochꞌ li chahim. Li nimla joskꞌ aj xul quixakli chiru li ixk li oc re chi qꞌuira̱c re nak tixnukꞌ li cꞌulaꞌal nak ta̱yoꞌla̱k.