San Mateo 2:13 - Li Santil hu

¹³ Ut nak ac xco̱eb laj kꞌe, jun x-ángel li Ka̱cuaꞌ quixcꞌut rib chiru laj José saꞌ xmatcꞌ ut quixye re: —Cuaclin, cꞌam li cꞌulaꞌal joꞌ cuiꞌ lix naꞌ. Tex-e̱lk arin ut ayukex saꞌ li tenamit Egipto. Ut aran texcana̱k toj la̱in toxinyehok a̱cue. Tex-e̱lelik xban nak laj Herodes oc re chixsicꞌbal li cꞌulaꞌal re xcamsinquil.—

Q'eqchi Bible

¹³ Tojo'aq relikeb' laj q'e naq li x'angel li Qaawa' kixk'ut rib' chiru laj José sa' xmatk' ut kixye re: “Waklin, k'am li k'uula'al rochb'een li xna', elelin ut ayu Ejiipt. Aran wanqat chaq toj laa'in toxinyehoq chaq aawe, xb'aan naq laj Herodes ok re xsik'b'al li k'uula'al re xkamsinkil”.

San Mateo 2:13 ပူးပေါင်းရင်းမြစ်များ

Hechos 12:11

Laj Pedro quixqꞌue retal li cꞌaꞌru quixcꞌul ut quixye saꞌ xchꞌo̱l: —Anakcuan ninnau chi tzꞌakal nak li Ka̱cuaꞌ, aꞌan li xtaklan chak re li ángel. Xinixcol saꞌ rukꞌ laj Herodes. Ut xinixcol ajcuiꞌ saꞌ rukꞌeb chixjunileb laj judío li teꞌraj xba̱nunquil raylal cue, chan.

Hechos 10:7

Nak ac x-el li ángel riqꞌuin, laj Cornelio quixbok cuib lix mo̱s cui̱nk ut quixbok ajcuiꞌ jun reheb lix soldado li naxxucua ru li Dios.

Hechos 5:19

Abanan chiru li kꞌojyi̱n aꞌan jun lix ángel li Ka̱cuaꞌ quixte lix puertil li tzꞌalam ut quirisiheb saꞌ tzꞌalam ut quixye reheb:

San Mateo 2:12

Ut queꞌcꞌutbesi̱c chiruheb xban li Dios saꞌ xmatqꞌueb nak incꞌaꞌ chic teꞌsukꞌi̱k riqꞌuin laj Herodes. Saꞌ jalan chic be queꞌxcꞌam nak queꞌsukꞌi saꞌ xtenamiteb.

San Mateo 1:20

Ut yo̱ chixcꞌoxlanquil aꞌin laj José nak jun lix ángel li Ka̱cuaꞌ quixcꞌutbesi rib chiru saꞌ xmatcꞌ ut quixye re: —At José, ralalat li rey David, matcꞌoxlac chixcꞌambal lix María chokꞌ a̱cuixakil. Aꞌan xcana chi yaj aj ixk xban xcuanquil li Santil Musikꞌej.

Éxodo 1:22

Tojoꞌnak laj faraón quixtakla resil saꞌ chixjunil lix tenamit nak ta̱cutekꞌ saꞌ nimaꞌ li jarubeb li cocꞌ te̱lom li teꞌyoꞌla̱k saꞌ xya̱nkeb li ixk aj hebreo. Chixjunileb li cocꞌ xkaꞌal teꞌcanaba̱k chi qꞌui̱c.

San Mateo 2:16

Aꞌut laj Herodes nak quiril nak quibalakꞌi̱c xbaneb laj kꞌe, kꞌaxal nak quichal xjoskꞌil. Ut quixtakla xcamsinquil chixjunileb li cocꞌ te̱lom cuanqueb Belén, joꞌ cuiꞌ saꞌ eb li naꞌajej cuanqueb chixcꞌatk. Queꞌcamsi̱c chixjunileb li cocꞌ te̱lom li toj cꞌulaꞌaleb jun xxiquic aj caꞌcab chihab xban nak quixbir rix cꞌaꞌru li cutan quiyoꞌla cuiꞌ li cꞌulaꞌal joꞌ quiyeheꞌ re xbaneb laj kꞌe.

Li xHu LAJ JOB 33:15

Cuan nak li Dios nara̱tinaheb li cristian saꞌ lix matqꞌueb malaj ut saꞌ visión chi kꞌek nak yo̱queb chi cua̱rc.

Li xHu LAJ JOB 33:17

Naxye reheb nak teꞌxcanab xba̱nunquil li incꞌaꞌ us. Ut naxye ajcuiꞌ reheb nak incꞌaꞌ teꞌxnimobresi ribeb.

Josué 4:18

Ut eb laj tij li yo̱queb chi cꞌamoc re li Lokꞌlaj Ca̱x queꞌel saꞌ xyi li nimaꞌ ut queꞌco̱eb chire li nimaꞌ. Nak ac xeꞌel saꞌ li nimaꞌ, qui-oc cuiꞌchic chi be̱c li haꞌ chi cau rok ut quixcꞌul cuiꞌchic rib ut yo̱ chi butꞌu̱nc.

Apocalipsis 12:14

Quiqꞌueheꞌ cuib lix xicꞌ li ixk re ta̱rupupik chanchan xxicꞌ li nimla cꞌuch re nak ta̱e̱lelik ut ta̱xic toj saꞌ li chaki chꞌochꞌ saꞌ li naꞌajej ac cauresinbil chokꞌ re bar ma̱cꞌaꞌ cuan. Ut aran ta̱chꞌolani̱k xban li Dios chiru oxib chihab riqꞌuin cuakib po. Ut aran tixmuk rib chiru li cꞌantiꞌ.

Hechos 16:36

Laj ilol tzꞌalam quixye reheb: —Eb laj rakol a̱tin xeꞌxtakla chak xyebal nak tex-achꞌaba̱k. Joꞌcan nak ayukex chi ma̱cꞌaꞌ e̱cꞌaꞌux, chan.

Hechos 10:22

Eb aꞌan queꞌxye: —Laj Cornelio li capitán xtaklan chak ke. Aꞌan jun cui̱nk ti̱c xchꞌo̱l ut naxxucua ru li Dios. Chixjunileb laj judío nequeꞌxqꞌue saꞌ xnakꞌ ruheb. Jun x-ángel li Dios quixcꞌutbesi rib chiru ut quixye re nak tatxbok saꞌ rochoch re nak ta̱ru̱k ta̱rabi li cꞌaꞌru ta̱ye re, chanqueb re.

Hechos 7:19

Li acuabej aꞌan quixsicꞌ xya̱lal chanru nak tixba̱nu raylal reheb li kaxeꞌto̱nil yucuaꞌ. Quixrahobtesiheb nak quixtakla xcamsinquileb li cocꞌ te̱lom li teꞌyoꞌla̱k re nak incꞌaꞌ chic teꞌta̱mk li ralal xcꞌajoleb.

San Mateo 10:23

Nak texrahobtesi̱k saꞌ jun li tenamit, texxic saꞌ jalan chic. Relic chi ya̱l ninye e̱re nak toj ma̱jiꞌ ajcuiꞌ nequechoy xbeninquil chixjunileb li tenamit cuanqueb Israel teꞌxnau nak xoline̱lk la̱in li Cꞌajolbej.

Josué 3:17

Ut chaki li chꞌochꞌ queꞌnumeꞌ cuiꞌ chixjunileb laj Israel saꞌ li nimaꞌ Jordán. Ut eb laj tij li yo̱queb chi cꞌamoc re lix Lokꞌlaj Ca̱x li Ka̱cuaꞌ xakxo̱queb saꞌ xyi li nimaꞌ Jordán nak yo̱queb chi numecꞌ li tenamit, ut chaki li chꞌochꞌ li xakxo̱queb cuiꞌ.

Apocalipsis 12:6

Li ixk quie̱lelic ut co̱ saꞌ li chaki chꞌochꞌ bar ma̱cꞌaꞌ cuan saꞌ li naꞌajej ac cauresinbil chokꞌ re xban li Dios. Ut aran ta̱chꞌolani̱k xban li Dios chiru oxib chihab riqꞌuin cuakib po (1,260 cutan).

Josué 4:10

Ut eb li tenamit queꞌxba̱nu li cꞌaꞌru quixye laj Josué. Eb laj tij li yo̱queb chi cꞌamoc re li Lokꞌlaj Ca̱x queꞌcana chi xakxo saꞌ xyi li nimaꞌ Jordán toj queꞌxba̱nu li joꞌ qꞌuial quixye li Ka̱cuaꞌ re laj Josué, joꞌ quiyeheꞌ re junxil xban laj Moisés. Ut eb li tenamit queꞌnumeꞌ chi junpa̱t jun pacꞌal li nimaꞌ.

Josué 3:13

Nak teꞌxxakab li rokeb saꞌ li nimaꞌ Jordán eb laj tij li yo̱keb chi cꞌamoc re lix Lokꞌlaj Ca̱x li Ka̱cuaꞌ laj e̱chal re chixjunil li ruchichꞌochꞌ, li haꞌ tixjach rib chi ribil rib. Li rok li haꞌ li nachal chak takecꞌ tixtu̱b rib. Incꞌaꞌ chic ta̱be̱k, chan laj Josué.

Apocalipsis 12:4

Ut riqꞌuin lix ye yo̱ chixquelonquil nabal li chahim chiru choxa. Caꞌchꞌin chic ma̱ yijach li chahim li yo̱ chixquelonquil. Ut quixcut saꞌ ruchichꞌochꞌ li chahim. Li nimla joskꞌ aj xul quixakli chiru li ixk li oc re chi qꞌuira̱c re nak tixnukꞌ li cꞌulaꞌal nak ta̱yoꞌla̱k.

San Mateo 2:22

Ut nak quirabi resil nak aꞌ laj Arquelao chic li rey aran Judea re̱kaj laj Herodes lix yucuaꞌ, laj José quixucuac chi xic aran. Ut nak quicꞌutbesi̱c chiru saꞌ xmatcꞌ, queꞌco̱eb saꞌ jun naꞌajej xcue̱nt Galilea.

1 Reyes 3:5

Saꞌ jun li kꞌojyi̱n li Ka̱cuaꞌ Dios quixcꞌutbesi rib chiru laj Salomón saꞌ li naꞌajej Gabaón nak yo̱ chi cua̱rc ut quixye re: —Tzꞌa̱ma li cꞌaꞌru ta̱cuaj ut la̱in tinqꞌue a̱cue, chan.

San Mateo 2:14

Ut laj José qui-aj ru, quicuacli ut quixcꞌam li cꞌulaꞌal joꞌ cuiꞌ lix naꞌ ut saꞌ ajcuiꞌ li kꞌojyi̱n aꞌan queꞌco̱eb Egipto.

Hechos 12:7

Ut xaka̱mil jun x-ángel li Dios bar cuan cuiꞌ laj Pedro ut quixcutanobresi saꞌ li tzꞌalam. Li ángel quixtꞌotzꞌotzꞌi laj Pedro ut quirajsi. Quixye re: —Cuaclin. Se̱ba a̱cuib, chan. Ut saꞌ junpa̱t quitꞌaneꞌ li cadena chi rukꞌ.

1 Reyes 11:17

Abanan laj Hadad, li sa̱j al, quie̱lelic ut co̱ Egipto rochbeneb cuib oxib laj Edom li queꞌcꞌanjelac chiru lix yucuaꞌ.