San Mateo 2:12 - Li Santil hu

¹² Ut queꞌcꞌutbesi̱c chiruheb xban li Dios saꞌ xmatqꞌueb nak incꞌaꞌ chic teꞌsukꞌi̱k riqꞌuin laj Herodes. Saꞌ jalan chic be queꞌxcꞌam nak queꞌsukꞌi saꞌ xtenamiteb.

Q'eqchi Bible

¹² Chirix a'an kik'utb'esiik chiruheb' sa' xmatk'eb' naq ink'a' te'sutq'iiq rik'in laj Herodes; jo'kan naq ke'q'ajk sa' xtenamiteb' ut jalan chik b'e ke'xk'am.

San Mateo 2:12 ပူးပေါင်းရင်းမြစ်များ

San Mateo 2:22

Ut nak quirabi resil nak aꞌ laj Arquelao chic li rey aran Judea re̱kaj laj Herodes lix yucuaꞌ, laj José quixucuac chi xic aran. Ut nak quicꞌutbesi̱c chiru saꞌ xmatcꞌ, queꞌco̱eb saꞌ jun naꞌajej xcue̱nt Galilea.

San Mateo 2:19

Ut nak quicam laj Herodes, jun x-ángel li Ka̱cuaꞌ quixcꞌutbesi rib chiru laj José saꞌ xmatcꞌ aran Egipto.

San Mateo 2:13

Ut nak ac xco̱eb laj kꞌe, jun x-ángel li Ka̱cuaꞌ quixcꞌut rib chiru laj José saꞌ xmatcꞌ ut quixye re: —Cuaclin, cꞌam li cꞌulaꞌal joꞌ cuiꞌ lix naꞌ. Tex-e̱lk arin ut ayukex saꞌ li tenamit Egipto. Ut aran texcana̱k toj la̱in toxinyehok a̱cue. Tex-e̱lelik xban nak laj Herodes oc re chixsicꞌbal li cꞌulaꞌal re xcamsinquil.—

San Mateo 27:19

Nak laj Pilato cꞌojcꞌo saꞌ lix naꞌaj li narakoc cuiꞌ a̱tin, li rixakil quixtakla xyebal re: —Ma̱cꞌaꞌ ta̱ba̱nu re li cui̱nk aꞌan xban nak ma̱cꞌaꞌ xma̱c. Saꞌ xcꞌabaꞌ aꞌan nak kꞌaxal ra xinmatqꞌue chi kꞌek, chan.

San Mateo 1:20

Ut yo̱ chixcꞌoxlanquil aꞌin laj José nak jun lix ángel li Ka̱cuaꞌ quixcꞌutbesi rib chiru saꞌ xmatcꞌ ut quixye re: —At José, ralalat li rey David, matcꞌoxlac chixcꞌambal lix María chokꞌ a̱cuixakil. Aꞌan xcana chi yaj aj ixk xban xcuanquil li Santil Musikꞌej.

Éxodo 1:17

Li cuib chi ixk aꞌin nequeꞌxpa̱b li Dios. Joꞌcan nak incꞌaꞌ queꞌxba̱nu joꞌ quiyeheꞌ reheb xban li acuabej re Egipto. Incꞌaꞌ queꞌxcamsiheb li cocꞌ te̱lom aj hebreo.

Génesis 31:24

Saꞌ li kꞌojyi̱n aꞌan, li Ka̱cuaꞌ Dios quixcꞌutbesi rib chiru laj Labán laj arameo saꞌ xmatcꞌ. Li Ka̱cuaꞌ Dios quixye re: —China̱cuabi. Mat-a̱tinac saꞌ joskꞌil riqꞌuin laj Jacob, chan li Dios.

Hebreos 11:7

Xban lix pa̱ba̱l laj Noé, li Dios quixye re cꞌaꞌru talajcꞌulma̱nk. Ut laj Noé quixpa̱b li quixye li Dios usta toj ma̱jiꞌ nacꞌulman. Quixyi̱b li nimla jucub cab re xcolbal rib aꞌan, joꞌ eb ajcuiꞌ li ralal xcꞌajol. Ut lix pa̱ba̱l laj Noé quixcꞌutbesi nak li cuanqueb saꞌ ruchichꞌochꞌ incꞌaꞌ queꞌpa̱ban. Joꞌcan nak queꞌcam. Xban nak quipa̱ban, li Dios quixye nak ti̱c xchꞌo̱l laj Noé.

Hechos 5:29

Laj Pedro, joꞌqueb ajcuiꞌ li rech apostolil, queꞌchakꞌoc ut queꞌxye: —¿Ma takakꞌet li cꞌaꞌru naxye li Dios ut takapa̱b li cꞌaꞌru nequeꞌxye li cui̱nk? Incꞌaꞌ. Tento takapa̱b li cꞌaꞌru naxye li Dios.

Hechos 4:19

Ut queꞌchakꞌoc laj Pedro ut laj Juan ut queꞌxye reheb: —Cꞌoxlahomak chi us bar cuan li us chiru li Dios. ¿Ma us nak texkapa̱b la̱ex malaj ut us nak takapa̱b li Dios?

Daniel 2:19

Ut saꞌ ajcuiꞌ li kꞌojyi̱n aꞌan, li Dios quixcꞌutbesi chiru laj Daniel cꞌaꞌru lix matcꞌ li rey ut cꞌaꞌru lix ya̱lal. Ut laj Daniel quixlokꞌoni li Dios cuan saꞌ choxa.

1 Corintios 3:19

Lix naꞌleb li ruchichꞌochꞌ, aꞌan to̱ntil naꞌleb chiru li Dios. Joꞌcaꞌin tzꞌi̱banbil saꞌ li Santil Hu: Li Dios naxcanabeb chixsachbaleb rib xban lix se̱baleb xchꞌo̱l li ani nequeꞌrecꞌa nak cuanqueb xnaꞌleb xjuneseb rib. (Job 5:13)

San Lucas 2:26

Li Santil Musikꞌej quixcꞌutbesi chiru laj Simeón nak aꞌan incꞌaꞌ ta̱ca̱mk toj ta̱ril ru li Cristo li Colonel li quixyechiꞌi li Ka̱cuaꞌ Dios.

Hechos 10:22

Eb aꞌan queꞌxye: —Laj Cornelio li capitán xtaklan chak ke. Aꞌan jun cui̱nk ti̱c xchꞌo̱l ut naxxucua ru li Dios. Chixjunileb laj judío nequeꞌxqꞌue saꞌ xnakꞌ ruheb. Jun x-ángel li Dios quixcꞌutbesi rib chiru ut quixye re nak tatxbok saꞌ rochoch re nak ta̱ru̱k ta̱rabi li cꞌaꞌru ta̱ye re, chanqueb re.

Hebreos 8:5

Li cꞌaꞌru nequeꞌxba̱nu eb laj tij yal jun retalil li na-uxman saꞌ li choxa. Nakanau nak yal retalil xban li cꞌaꞌru quiyeheꞌ re laj Moisés nak oc re chixyi̱banquil li tabernáculo. Li Dios quixye re: Chaqꞌue retal ut chaba̱nu chixjunil joꞌ li retalil quincꞌut cha̱cuu saꞌ xbe̱n li tzu̱l Sinaí. (Ex. 25:40)