San Mateo 18:6 - Li Santil hu

⁶ Ut li ani ta̱poꞌok xchꞌo̱leb li toj kꞌuneb xchꞌo̱l li nequeꞌpa̱ban cue, kꞌaxal raj us chokꞌ re aꞌan nak ta̱cutekꞌ saꞌ xchamal li palau chi bacꞌbo junak nimla pec chixcux.

Q'eqchi Bible

⁶ Ab'an ani taaluktesinq xch'ool junaq reheb' li kok' a'in li neke'paab'ank we, jwal us raj cho'q re naq taat'uyub'aaq chi xkux junaq xpekul li ke'leb' li neke'xsurisi eb' li b'uur, ut taasub'e'q sa' xchamal li palaw.

San Mateo 18:6 ပူးပေါင်းရင်းမြစ်များ

San Marcos 9:42

—Li ani ta̱poꞌok xchꞌo̱leb li toj kꞌuneb xchꞌo̱l, us raj xcutbal saꞌ li palau chi bacꞌbo junak nimla pec chi xcux.

San Mateo 18:10

La̱in ninye e̱re cheqꞌuehak retal me̱tzꞌekta̱na junak reheb li kꞌuneb xchꞌo̱l saꞌ lix pa̱ba̱l xban nak eb aꞌan cꞌacꞌalenbileb xbaneb li ángel, li cuanqueb riqꞌuin lin Yucuaꞌ cuan saꞌ choxa.

San Mateo 18:14

Joꞌcan ajcuiꞌ le̱ Yucuaꞌ cuan saꞌ choxa incꞌaꞌ naraj nak ta̱sachk junak reheb li toj kꞌuneb xchꞌo̱l saꞌ lix pa̱ba̱l.

Salmos 105:15

Quixye reheb: —Ma̱cꞌaꞌ te̱ba̱nu reheb laj Israel li sicꞌbileb ru inban. Chi moco te̱ba̱nu raylal reheb li nequeꞌcꞌanjelac chicuu chokꞌ profeta, chan.

Romanos 14:21

Li us xba̱nunquil, aꞌan aꞌin: cui nachꞌinan xchꞌo̱l la̱ herma̱n xban nak nacattiꞌoc tib ut nacat-ucꞌac vino, mattiꞌoc tib ut mat-ucꞌac vino. Incꞌaꞌ ta̱ba̱nu li cꞌaꞌak re ru ta̱chꞌina̱nk cuiꞌ xchꞌo̱l la̱ herma̱n re nak incꞌaꞌ ta̱ma̱cobk a̱ban.

Zacarías 2:8

Nak acak xqꞌue lin lokꞌal li Ka̱cuaꞌ li nimajcual Dios quinixtakla xyebal e̱re cꞌaꞌru teꞌxcꞌul li xni̱nkal ru tenamit li queꞌrahobtesin e̱re ut queꞌnumta saꞌ e̱be̱n. Li ani narahobtesin e̱re, chanchan ajcuiꞌ nak la̱in quineꞌxrahobtesi, chan.

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

Hechos 9:5

Laj Saulo quixye: —¿Anihat la̱at, at Ka̱cuaꞌ?— Ut li yo̱ chi a̱tinac quixye: —La̱in li Jesús li xicꞌ yo̱cat chirilbal. Yo̱cat chixtacuasinquil a̱cuib nak xicꞌ yo̱cat chicuilbal, chan.

San Mateo 17:27

Usta incꞌaꞌ raj tento tintoj la̱in, abanan re nak meꞌxpoꞌ xchꞌo̱leb kaban, la̱in tintoj. Ayu saꞌ a̱nil ut cut la̱ chapleb car saꞌ li palau. Ut li xbe̱n li car li ta̱chap chak, ta̱te lix tzꞌu̱mal re. Aran ta̱tau jun li tumin. Ta̱cꞌam ut riqꞌuin aꞌan ta̱toj li cue ut ta̱toj ajcuiꞌ la̱ cue, chan.

San Mateo 18:5

Ut li ani ta̱cꞌuluk re junak chꞌina al joꞌ aꞌin saꞌ incꞌabaꞌ chanchan ajcuiꞌ nak la̱in xinixcꞌul.