San Mateo 17:6 - Li Santil hu

⁶ Nak queꞌrabi aꞌan, kꞌaxal nak queꞌxucuac lix tzolom ut queꞌxcut rib saꞌ chꞌochꞌ ut huphu queꞌcana.

Q'eqchi Bible

⁶ Naq ke'rab'i a'in eb' li xtzolom, ke't'ane'k chi hupu ut k'ajo' naq ke'xiwak.

San Mateo 17:6 ပူးပေါင်းရင်းမြစ်များ

2 Pedro 1:18

Nak quikabi li a̱tin aꞌin li quichal chak saꞌ choxa, la̱o cuanco chak kochben aꞌan saꞌ xbe̱n jun li tzu̱l sicꞌbil ru xban li Dios.

Hechos 26:14

Nak cotꞌaneꞌ chikajunil chiru chꞌochꞌ, quicuabi jun xya̱b cux yo̱ chi a̱tinac cuiqꞌuin. Quixye cue saꞌ ra̱tinoba̱leb laj judío, “At Saulo, at Saulo, ¿cꞌaꞌut nak yo̱cat chinrahobtesinquil? Yo̱cat chixtacuasinquil a̱cuib a̱junes joꞌ naxba̱nu li bo̱yx li incꞌaꞌ na-abin chiru laj e̱chal re nak yo̱ chixberesinquil,” chan cue.

Hechos 22:7

Quintꞌaneꞌ chi chꞌochꞌ ut quicuabi jun xya̱b cux quixye cue, “At Saulo, at Saulo, ¿cꞌaꞌut nak yo̱cat chinrahobtesinquil?” chan cue.

Daniel 8:17

Laj Gabriel quijiloc ut quixakli chincꞌatk. Cꞌajoꞌ nak quinxucuac ut quincut cuib saꞌ chꞌochꞌ. Ut quixye cue: —At ralal cui̱nk, chatauhak taxak ru xban nak li xacuil saꞌ li visión, aꞌan talajeꞌcꞌulma̱nk saꞌ rosoꞌjiqueb li cutan, chan.

Ezequiel 43:3

Li visión aꞌin chanchan li visión li quicuil nak quichal li Dios chixsachbal ru li tenamit Jerusalén. Ut chanchan li visión li quicuil nak cuanquin chire li nimaꞌ Quebar. La̱in quinhupub cuib saꞌ chꞌochꞌ.

Ezequiel 3:23

Ut la̱in quinco̱in saꞌ li cꞌaleba̱l. Ut nak quincuulac aran, quicuil cuiꞌchic lix lokꞌal li Dios joꞌ nak quixcꞌut chicuu chire li nimaꞌ Quebar. Ut la̱in quinhupub cuib saꞌ chꞌochꞌ.

1 Crónicas 21:16

Laj David qui-iloc takecꞌ ut quiril lix ángel li Ka̱cuaꞌ xakxo saꞌ xyi li choxa ut li ruchichꞌochꞌ. Ac cauresinbil lix chꞌi̱chꞌ saꞌ rukꞌ re xsachbal ru li tenamit Jerusalén. Laj David ut eb li nequeꞌcꞌamoc be saꞌ xya̱nkeb laj Israel queꞌxhupub ribeb saꞌ chꞌochꞌ. Ut cuan li kꞌes ru tꞌicr chirixeb.

Jueces 13:22

Laj Manoa quixye re li rixakil: —Relic chi ya̱l nak toca̱mk xban nak xkil ru li Dios, chan.

Jueces 13:20

Nak yo̱ chi cꞌatc li mayej saꞌ li artal, laj Manoa ut li rixakil queꞌril lix ángel li Dios yo̱ chi takecꞌ saꞌ choxa saꞌ xxamlel li mayej. Laj Manoa ut li rixakil queꞌxhupub ribeb saꞌ chꞌochꞌ.

Levítico 9:24

Ut li Ka̱cuaꞌ quixtakla li xam ut quixcꞌat li mayej ut li xe̱b li cuan saꞌ xbe̱n li artal. Nak eb li tenamit queꞌril li xam queꞌxhupub ribeb saꞌ chꞌochꞌ ut queꞌxlokꞌoni li Dios.

San Mateo 17:5

Toj yo̱ ajcuiꞌ chi a̱tinac aꞌan nak quichal saꞌ xbe̱neb jun li chok nalemtzꞌun. Li Dios quia̱tinac chak saꞌ li chok, ut quixye: —Aꞌin li cualal raro inban. Riqꞌuin aꞌan nasahoꞌ inchꞌo̱l. Cherabihak li cꞌaꞌru tixye.—

San Mateo 17:7

Tojoꞌnak li Jesús quijiloc riqꞌuineb ut quixtꞌotzꞌtꞌotzꞌiheb ut quixye reheb: —Cuaclinkex. Mexxucuac.—