San Mateo 17:3 - Li Santil hu

³ Ut xaka̱mileb laj Moisés ut laj Elías chiruheb nak queꞌril ut yo̱queb chi a̱tinac riqꞌuin li Jesús.

Q'eqchi Bible

³ Ut xaqaamileb' laj Moisés ut laj Elías chiruheb', yookeb' chi seeraq'ik rik'in li Jesus.

San Mateo 17:3 ပူးပေါင်းရင်းမြစ်များ

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

San Marcos 9:4

Ac xaka̱mil laj Elías ut laj Moisés chiruheb nak queꞌril. Ut yo̱queb chi a̱tinac riqꞌuin li Jesús.

Malaquías 4:5

Relic chi ya̱l la̱in tintakla li profeta Elías e̱riqꞌuin nak toj ma̱jiꞌ nacuulac xkꞌehil nak tinrakok a̱tin. Li cutan aꞌan kꞌaxal lokꞌ, abanan kꞌaxal xiu xiu ajcuiꞌ.

San Lucas 24:27

Ut quixchꞌolob xya̱lal chiruheb chirix li cꞌaꞌru quixtzꞌi̱ba laj Moisés. Quixchꞌolob ajcuiꞌ lix ya̱lal li queꞌxtzꞌi̱ba chak li profeta chirix li Cristo li yechiꞌinbil xban li Dios joꞌ tzꞌi̱banbil saꞌ li Santil Hu.

San Lucas 16:16

Chixjunil li tijleb li queꞌxcꞌut eb li profeta junxil, joꞌ ajcuiꞌ lix chakꞌrab laj Moisés, quirakeꞌ xyebal nak laj Juan laj Cubsihom Haꞌ quicꞌulun chixchꞌolobanquil resil nak cha̱lc re lix nimajcual cuanquilal li Dios. Ut nabaleb yo̱queb chixyalbal xkꞌe chi oc rubel lix nimajcual cuanquilal li Dios.

San Lucas 9:33

Nak ac oqueb re xcanabanquil li Jesús li cuib chi cui̱nk, laj Pedro quixye re li Jesús: —Ka̱cuaꞌ, cꞌajoꞌ xchakꞌal ru nak cuanco arin. Xkayi̱b ta oxibak muheba̱l arin. Jun a̱cue, jun re laj Moisés ut jun re laj Elías, chan. Quixye chi joꞌcan xban nak incꞌaꞌ quixtau ru lix ya̱lal li quiril.

San Lucas 1:17

Aꞌan xbe̱n cua ta̱xic chiru li Ka̱cuaꞌ chixchꞌolobanquil lix ya̱lal. Cua̱nk li Santil Musikꞌej riqꞌuin ut cua̱nk xcuanquil joꞌ li cuanquilal li quiqꞌueheꞌ re laj Elías xban li Dios. Ut saꞌ xcꞌabaꞌ aꞌan teꞌxcꞌam cuiꞌchic rib saꞌ usilal li yucuaꞌbej riqꞌuineb li alalbej. Eb laj kꞌetol a̱tin teꞌxjal xnaꞌleb ut teꞌxtzol ribeb riqꞌuineb li ti̱queb xchꞌo̱l. Tixcauresi li tenamit chixcꞌulbal li Ka̱cuaꞌ, chan li ángel.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

Deuteronomio 34:10

Chalen saꞌ li cutan aꞌan, ma̱ jun chic profeta quicuan saꞌ xya̱nkeb laj Israel joꞌ laj Moisés queꞌril ta ru li Dios chi tzꞌakal joꞌ quixba̱nu aꞌan.

Deuteronomio 18:18

La̱in tinqꞌue junak profeta saꞌ e̱ya̱nk joꞌ la̱at. E̱comon ajcuiꞌ la̱ex. La̱in tinqꞌue li cua̱tin re ut aꞌan tixye reheb li tenamit chixjunil li cꞌaꞌru tinye la̱in.

San Juan 1:17

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

San Mateo 17:2

Ut nak cuanqueb aran, quijalanoꞌ li riloba̱l li Jesús chiruheb. Ut nalemtzꞌun li riloba̱l joꞌ li sakꞌe ut li rakꞌ saksakpotzꞌin quicꞌutun ut nalemtzꞌun.

San Mateo 17:4

Ut quia̱tinac laj Pedro ut quixye re li Jesús: —Ka̱cuaꞌ, cꞌajoꞌ xchakꞌal ru nak cuanco arin. Cui ta̱cuaj, takayi̱b oxibak muheba̱l arin. Jun a̱cue, jun re laj Moisés ut jun re laj Elías, chan.