San Mateo 17:2 - Li Santil hu

² Ut nak cuanqueb aran, quijalanoꞌ li riloba̱l li Jesús chiruheb. Ut nalemtzꞌun li riloba̱l joꞌ li sakꞌe ut li rakꞌ saksakpotzꞌin quicꞌutun ut nalemtzꞌun.

Q'eqchi Bible

² Ut kilemtz'uno'k li xjunxaqalil chiruheb': li rilob'aal kilemtz'uno'k kama' li saq'e ut li raq' kisaqo'k kama' li saqenk.

San Mateo 17:2 ပူးပေါင်းရင်းမြစ်များ

Salmos 104:2

Numtajenak la̱ lokꞌal. La̱at li cutan saken. La̱at cayi̱b li choxa chanchan nak cahel jun li tꞌicr.

San Mateo 28:3

Li riloba̱l nalemtzꞌun chanchan rakꞌ ca̱k ut li rakꞌ sak sak joꞌ li ratzꞌam que.

San Lucas 9:29

Nak yo̱ chi tijoc li Jesús, quijalanoꞌ li riloba̱l chiruheb. Ut li rakꞌ sak sak ut nalemtzꞌun.

Apocalipsis 10:1

Quicuil nak quichal jun chic li ángel cau rib. Yo̱ chak chi cubec saꞌ choxa sutsu saꞌ chok. Ut lix jolom sutsu xban jun li xo̱quikꞌab. Li riloba̱l nalemtzꞌun joꞌ li sakꞌe ut li rok chanchan jun okech yo̱ xxamlel.

Apocalipsis 20:11

Ut quicuil jun li saki cꞌojariba̱l. Ut li Jun li chunchu aran kꞌaxal nim xcuanquil. Xban xnimal xcuanquil, ma̱cꞌaꞌ chic li ruchichꞌochꞌ ut ma̱cꞌaꞌ chic li choxa. Queꞌsach chi junaj cua nak quicuil.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

San Marcos 9:3

Ut li rakꞌ quijalanoꞌ rilbal. Nalemtzꞌun chic li rakꞌ. Saksakpotzꞌin nacꞌutun, chanchan li ratzꞌam que. Ma̱ jun aj puchꞌunel arin saꞌ ruchichꞌochꞌ tixsakobresi junak tꞌicr joꞌ nak quisakobresi̱c li rakꞌ li Jesús.

Romanos 12:2

Me̱ba̱nu chic joꞌ nequeꞌxba̱nu li toj ma̱jiꞌ nequeꞌpa̱ban. Kꞌaxtesihomak ban e̱rib rubel rok rukꞌ li Dios re nak aꞌan tix-acꞌobresi le̱ chꞌo̱l ut le̱ cꞌaꞌux, ut te̱nau chic li cꞌaꞌru naraj li Dios. Chexcua̱nk saꞌ cha̱bilal, ut chi tzꞌakalak re ru le̱ yuꞌam re nak sahak xchꞌo̱l li Dios e̱riqꞌuin.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

Cantares 6:10

¿Ani li ixk aꞌan li kꞌaxal chꞌinaꞌus? Aꞌan chanchan xchꞌinaꞌusal li sakꞌe nak nasake̱u. Ut chanchan xchꞌinaꞌusal li po. Aꞌan xre̱chani li ra̱m li rey. Chanchan nak eb li soldados nequeꞌre̱chani junak li tenamit.

San Mateo 17:1

Cuakib cutan chic chirix aꞌan, li Jesús quixcꞌameb laj Pedro, laj Jacobo ut laj Juan li ri̱tzꞌin saꞌ xbe̱n jun li nimla tzu̱l xjuneseb.

San Mateo 17:3

Ut xaka̱mileb laj Moisés ut laj Elías chiruheb nak queꞌril ut yo̱queb chi a̱tinac riqꞌuin li Jesús.