San Mateo 16:4 - Li Santil hu

⁴ La̱ex jun te̱p chi tenamit incꞌaꞌ us le̱ naꞌleb. Nequetzꞌekta̱na li Dios ut nequeraj nak ta̱cꞌutbesi̱k che̱ru junak milagro. Abanan incꞌaꞌ ta̱cꞌutbesi̱k che̱ru, caꞌaj cuiꞌ li milagro li qui-ux re laj Jonás, chan li Jesús. Tojoꞌnak quixcanabeb ut co̱.

Q'eqchi Bible

⁴ Jun tenamit ink'a' us xch'ool ut aj muxunel naxsik' junaq eetalil; ab'an maajun eetalil taak'ehe'q re, ka'ajwi' li reetalil laj Jonás”. Toja' naq kixkanab'eb' ut koho.

San Mateo 16:4 ပူးပေါင်းရင်းမြစ်များ

Jonás 1:17

Ut li Dios quixcauresi jun li nimla car re ta̱nukꞌuk re laj Jonás. Ut laj Jonás quinukꞌeꞌ chi jun xban li car chi incꞌaꞌ quicꞌuxeꞌ. Ut quicuan oxib cutan ut oxib kꞌojyi̱n saꞌ xsaꞌ li nimla car aꞌan.

San Marcos 8:38

Li ani ta̱xuta̱na̱k chiruheb li tenamit aj ma̱c inban la̱in malaj ut xban li cua̱tin, la̱in li Alalbej tinxuta̱na̱k ajcuiꞌ xbaneb nak tincha̱lk chak riqꞌuin xnimal xlokꞌal lin Yucuaꞌ cuochbeneb li santil ángel.—

San Marcos 8:12

Quixjikꞌ xchꞌo̱l li Jesús xban nak quititzꞌ xbaneb, ut quixye: —Caꞌaj cuiꞌ milagro yo̱queb chixpatzꞌbal eb li tenamit aꞌin. Relic chi ya̱l tinye e̱re nak ma̱ jun milagro tinba̱nu chiruheb.—

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

Génesis 6:3

Li Ka̱cuaꞌ Dios quixye: —Lin musikꞌ incꞌaꞌ ta̱cua̱nk riqꞌuineb chi junelic xban nak yal cristianeb. Incꞌaꞌ najt rok lix yuꞌameb tinqꞌue. Jun ciento riqꞌuin junmay (120) chihab ajcuiꞌ teꞌcua̱nk li cristian junju̱nk saꞌ ruchichꞌochꞌ, chan li Dios.

Hechos 18:6

Abanan eb aꞌan incꞌaꞌ queꞌcuulac chiru li yo̱ chixyebal laj Pablo. Queꞌoc chi majecua̱nc. Joꞌcan nak laj Pablo quixchikꞌchikꞌi li rakꞌ ut quixye reheb: —Cui la̱ex incꞌaꞌ texcolekꞌ, aꞌ yal e̱re. Saꞌ e̱be̱n la̱ex cuan li ma̱c. La̱in ma̱cꞌaꞌ inma̱c xban nak ac xinye e̱re lix ya̱lal. Chalen anakcuan la̱in tinchꞌolob xya̱lal reheb li ma̱cuaꞌeb aj judío, chan.

Oseas 9:12

Ut cui ta teꞌni̱nka̱nk li ralal xcꞌajol, la̱in tebinmakꞌ chiruheb. Tokꞌobak ruheb nak tebincanab la̱in, chan li Ka̱cuaꞌ.

Oseas 4:17

Eb li ralal xcꞌajol laj Efraín xeꞌxkꞌaxtesi ribeb chixlokꞌoninquil li yi̱banbil dios. Cheꞌcanaba̱k chixba̱nunquil li cꞌaꞌru nequeꞌraj.

Hechos 2:40

Ma̱cuaꞌ caꞌaj cuiꞌ aꞌan li quixye laj Pedro reheb. Quixchꞌolob ban ajcuiꞌ xya̱lal chiruheb riqꞌuin nabal chi a̱tin ut quixqꞌue xnaꞌlebeb. Quixye reheb: —Chenauhak xcolbal e̱rib chiru li tojba ma̱c li ta̱cha̱lk saꞌ xbe̱neb li incꞌaꞌ useb xnaꞌleb, chan.

Isaías 57:3

Quimkex la̱ex li nequeba̱nu li ma̱usilal, la̱ex li chanchanex li ralal xcꞌajol laj tu̱l. Chanchanex li ralal xcꞌajol li nequeꞌxmux xsumlajic malaj ut eb li ixk li nequeꞌxcꞌayi ribeb.

Jonás 1:1

Joꞌcaꞌin quixye li Ka̱cuaꞌ re laj Jonás li ralal laj Amitai:

San Mateo 16:5

Nak ac xeꞌnumeꞌ lix tzolom jun pacꞌal li palau, queꞌxqꞌue retal nak incꞌaꞌ queꞌxcꞌam xtzacae̱mk.