San Mateo 16:3 - Li Santil hu

³ Ut ekꞌela nequeye “ho̱n naxqꞌue hab xban nak cak ru ut kꞌojyi̱n ru li choxa.” La̱ex aj caꞌ pacꞌal u. Nequenau xqꞌuebal retal ru li choxa. Abanan, caꞌaj cuiꞌ aꞌan nequenau rilbal. Incꞌaꞌ nequeqꞌue retal cꞌaꞌru xya̱lal li yo̱ chi cꞌulma̱nc saꞌ eb li cutan aꞌin.

Q'eqchi Bible

³ ut naq nasaqewk: «Hab'aq hoon, xb'aan naq kaqmoyink ru li choxa». Nekenaw b'i' xk'eeb'al reetal ru li choxa, ab'an ink'a' nekexruhank xtawb'al xyaalal li reetalil eb' li kutan a'in.

San Mateo 16:3 ပူးပေါင်းရင်းမြစ်များ

San Lucas 12:56

La̱ex aj caꞌ pacꞌal u. Nequenau xqꞌuebal retal ru li choxa ut li ruchichꞌochꞌ. Abanan caꞌaj cuiꞌ aꞌan nequenau rilbal. Incꞌaꞌ nequeqꞌue retal li yo̱ chi cꞌulma̱nc saꞌ eb li cutan aꞌin.

1 Crónicas 12:32

Saꞌ xya̱nkeb li ralal xcꞌajol laj Isacar cuanqueb cuib ciento chi cui̱nk. Eb li cui̱nk aꞌin cuanqueb xnaꞌleb. Queꞌxnau cꞌaꞌru us teꞌxba̱nu eb laj Israel. Li cꞌaꞌru nequeꞌxye aꞌan, aꞌan li nequeꞌxba̱nu li rech tenamitil.

San Lucas 13:15

Ut li Ka̱cuaꞌ quichakꞌoc ut quixye re: —¡Ex aj caꞌ pacꞌal u! ¿Ma incꞌaꞌ ta biꞌ te̱hit e̱bo̱yx malaj ut e̱bu̱r saꞌ li hiloba̱l cutan re nak te̱cꞌameb chi ucꞌac?

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

San Lucas 11:44

Ra cha̱lel saꞌ e̱be̱n la̱ex aj tzolol chakꞌrab ut la̱ex aj fariseo xban nak incꞌaꞌ us le̱ naꞌleb. La̱ex aj caꞌ pacꞌal u. Chanchanex li mukleba̱l li incꞌaꞌ nacꞌutun. Yalak ani nanumeꞌ saꞌ xbe̱n xban nak incꞌaꞌ nequeꞌxnau cꞌaꞌru cuan aran, chan.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

San Mateo 22:18

Ut li Jesús quixnau nak moco anchaleb ta xchꞌo̱l nak yo̱queb chi patzꞌoc. Quixtau ru lix ma̱usilaleb ut quixye reheb: —Ex aj caꞌ pacꞌal u, ¿cꞌaꞌut nak nequeraj xyalbal cuix?

San Mateo 15:7

La̱ex aj caꞌ pacꞌal u. Ya̱l ajcuiꞌ li quixye li profeta Isaías che̱rix la̱ex nak quixtzꞌi̱ba li cꞌaꞌru quiyeheꞌ re xban li Dios nak quixye:

San Mateo 7:5

At aj caꞌ pacꞌal u, xbe̱n cua isi li tzꞌamba cuan saꞌ li xnakꞌ a̱cuu, tojoꞌnak tat-ilok chi tzꞌakal re risinquil li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin.

San Mateo 4:23

Ut li Jesús quixbeni chixjunil li naꞌajej Galilea. Yo̱ chixcꞌutbal lix ya̱lal saꞌ eb li cab li nequeꞌxchꞌutub cuiꞌ ribeb laj judío. Quixchꞌolob xya̱lal li cha̱bil esilal chirix lix cuanquilal li Dios. Ut yo̱ chixqꞌuirtesinquil chixjunil li qꞌuila pa̱y ru chi yajel ut li raylal.

Hebreos 5:14

Eb li che̱quel cristian jalan xtzacae̱mkeb. Moco sicꞌbil ta ru li nequeꞌxtzaca. Aꞌan retalil nak ac xeꞌqꞌui saꞌ xpa̱ba̱leb ut nequeꞌxnau chic bar cuan li us ut bar cuan li incꞌaꞌ us.