San Mateo 15:8 - Li Santil hu

⁸ Li tenamit aꞌin niquineꞌxlokꞌoni caꞌaj cuiꞌ riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb.

Q'eqchi Bible

⁸ «Li tenamit a'in rik'in xtz'uumal reheb' nikine'roxloq'i, a'ut li xch'ooleb' najt wank wik'in.

San Mateo 15:8 ပူးပေါင်းရင်းမြစ်များ

Isaías 29:13

Li Ka̱cuaꞌ quixye: —Li tenamit aꞌin niquineꞌxlokꞌoni yal riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb. Ma̱cꞌaꞌ rajbal nak niquineꞌxlokꞌoni xban nak li cꞌaꞌru nequeꞌxba̱nu re inlokꞌoninquil, aꞌan yal jun chakꞌrab qꞌuebil xbaneb li cui̱nk.

Ezequiel 33:31

Lin tenamit teꞌcuulak a̱cuiqꞌuin chirabinquil li cꞌaꞌru ta̱ye joꞌ cꞌaynakeb xba̱nunquil. Teꞌrabi li cꞌaꞌru ta̱ye, abanan incꞌaꞌ teꞌxba̱nu. Yal chi xtzꞌu̱mal reheb teꞌxye nak us la̱ cua̱tin, abanan saꞌ xchꞌo̱leb caꞌaj cuiꞌ li reheb aꞌan teꞌxcꞌoxla.

Hechos 8:21

La̱at incꞌaꞌ ta̱ru̱k ta̱cꞌul li ma̱tan aꞌin xban nak moco ti̱c ta la̱ chꞌo̱l chiru li Dios.

1 Pedro 3:10

Joꞌcaꞌin naxye saꞌ li Santil Hu: Li ani ta̱raj cua̱nc chi sa saꞌ xchꞌo̱l re tixnumsiheb li cutan saꞌ xya̱lal, incꞌaꞌ ta̱a̱tinak riqꞌuin yibru a̱tin chi moco ta̱ticꞌtiꞌik.

Proverbios 23:26

Ex cualal incꞌajol, cheqꞌuehak e̱chꞌo̱l chirabinquil li cꞌaꞌru tinye e̱re. Ut cheba̱nuhak li us joꞌ ninba̱nu la̱in.

Hebreos 3:12

Ex herma̱n, cheqꞌuehak retal nak ma̱ jun taxak saꞌ e̱ya̱nk incꞌaꞌ tixpa̱b li Dios xma̱c lix ma̱usilal. Ma̱re anchal tixtzꞌekta̱na li yoꞌyo̱quil Dios.

Jeremías 12:2

La̱at xatsicꞌoc ruheb ut xacuosobtesiheb. Sa cuanqueb. Chanchaneb li cheꞌ qui-aueꞌ ut quixchap xxeꞌ. Quiniman ut quixqꞌue ru. Abanan eb li tenamit aꞌin nequeꞌxqꞌue a̱lokꞌal yal riqꞌuin xtzꞌu̱mal reheb. Moco anchaleb ta xchꞌo̱l nak nequeꞌxba̱nu.

San Juan 1:47

Li Jesús quiril nak laj Natanael yo̱ chak chi cha̱lc riqꞌuin ut quixye: —Cueꞌ chak jun cui̱nk tzꞌakal aj Israel. Cha̱bil xnaꞌleb. Aꞌan incꞌaꞌ nabalakꞌic, chan li Jesús.

San Mateo 15:7

La̱ex aj caꞌ pacꞌal u. Ya̱l ajcuiꞌ li quixye li profeta Isaías che̱rix la̱ex nak quixtzꞌi̱ba li cꞌaꞌru quiyeheꞌ re xban li Dios nak quixye:

San Marcos 7:6

Nak quichakꞌoc li Jesús quixye reheb: —Ya̱l ajcuiꞌ li quixye laj Isaías che̱rix la̱ex aj caꞌ pacꞌal u nak quixye chi joꞌcaꞌin: Li tenamit aꞌin niquineꞌx-oxlokꞌi caꞌaj cuiꞌ riqꞌuin xtzꞌu̱maleb re. Moco nequeꞌxba̱nu ta chi anchal xchꞌo̱leb.

San Juan 5:23

Quixba̱nu chi joꞌcan re nak chixjunileb teꞌxqꞌue inlokꞌal joꞌ nak nequeꞌxqꞌue xlokꞌal li Yucuaꞌbej. Li ani incꞌaꞌ naxqꞌue inlokꞌal la̱in li Cꞌajolbej, incꞌaꞌ ajcuiꞌ naxqꞌue xlokꞌal li Yucuaꞌbej li quitaklan chak cue.