San Mateo 15:6 - Li Santil hu

⁶ Joꞌcan nak la̱ex nequetzꞌekta̱na xcuanquil li chakꞌrab qꞌuebil xban li Dios ut aꞌ chic le̱ najter naꞌleb nequeba̱nu.

Q'eqchi Bible

⁶ li winq a'an ink'a' chik teneb'anb'il sa' xb'een roxloq'inkil li xna' xyuwa'», chankex laa'ex. Ut chi jo'kan xesach xwankil li Raatin li Yos xb'aan leenajteril na'leb'.

San Mateo 15:6 ပူးပေါင်းရင်းမြစ်များ

1 Timoteo 5:8

Tento nak junak laj pa̱banel tixtenkꞌaheb li rechꞌalal. Ut kꞌaxal cuiꞌchic tento nak tixchꞌolaniheb li cuanqueb saꞌ li rochoch. Cui incꞌaꞌ naxba̱nu aꞌan, li jun aꞌan incꞌaꞌ naxqꞌue xcuanquil lix pa̱ba̱l ut kꞌaxal cuiꞌchic nim lix ma̱c chiruheb li toj ma̱jiꞌ nequeꞌxpa̱b li Dios.

Jeremías 8:8

¿Chanru nak te̱ye, “La̱o cuan kanaꞌleb. La̱o cuan lix chakꞌrab li Ka̱cuaꞌ kiqꞌuin”? ¿Ma incꞌaꞌ ta biꞌ queꞌxjal ru lin chakꞌrab eb laj tzꞌi̱b?

San Marcos 7:13

Ut cuan nabal chic cꞌaꞌak re ru chi naꞌlebil nalaje̱ba̱nu. Riqꞌuin xba̱nunquil li najter naꞌleb canabanbil e̱re, yo̱quex chixtzꞌekta̱nanquil lix chakꞌrab li Dios, chan li Jesús reheb.

Salmos 119:126

Xcuulac xkꞌehil nak ta̱kꞌuseb li nequeꞌxkꞌet la̱ chakꞌrab.

1 Timoteo 5:16

Cui junak aj pa̱banel usta ixk usta cui̱nk, cuan junak rechꞌalal xma̱lcaꞌan, tento nak tixtenkꞌa. Incꞌaꞌ tixqꞌue nabal li i̱k saꞌ xbe̱neb li rech aj pa̱banelil li nequeꞌtenkꞌan reheb li xma̱lcaꞌan li ma̱cꞌaꞌeb ralal xcꞌajol.

Romanos 3:31

¿Ma nakasach xcuanquil li chakꞌrab xban xpa̱banquil li Cristo? Incꞌaꞌ. Riqꞌuin ban xpa̱banquil li Cristo yo̱co chixqꞌuebal xcuanquil li chakꞌrab.

Oseas 4:6

Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

Salmos 119:139

Cꞌajoꞌ nak nachal lin joskꞌil chirilbal nak eb li xicꞌ nequeꞌiloc cue nequeꞌxtzꞌekta̱na la̱ chakꞌrab.

San Mateo 15:5

Aꞌut la̱ex nequeye cui cuan junak incꞌaꞌ naraj xtenkꞌanquil lix naꞌ xyucuaꞌ, li jun aꞌan tixye re lix naꞌ xyucuaꞌ, “ac mayejanbil chiru li Dios li cꞌaꞌru raj ta̱ru̱k tatintenkꞌa cuiꞌ.” Ut incꞌaꞌ chic tento tixtenkꞌa lix naꞌ xyucuaꞌ, chanquex.

San Mateo 15:7

La̱ex aj caꞌ pacꞌal u. Ya̱l ajcuiꞌ li quixye li profeta Isaías che̱rix la̱ex nak quixtzꞌi̱ba li cꞌaꞌru quiyeheꞌ re xban li Dios nak quixye: