San Mateo 15:4 - Li Santil hu

⁴ Li Dios quixye: Cha-oxlokꞌi la̱ naꞌ a̱yucuaꞌ. (Ex. 20:12) Ut quixye ajcuiꞌ: Ani tixhob xnaꞌ xyucuaꞌ, li jun aꞌan camsinbil nak ta̱osokꞌ. (Ex. 21:17)

Q'eqchi Bible

⁴ Xb'aan naq li Yos kixye: «Chawoxloq'i laana' laayuwa'», ut: «Ani tixmajewa li xna' xyuwa', kamsinb'ilaq».

San Mateo 15:4 ပူးပေါင်းရင်းမြစ်များ

Éxodo 20:12

Che-oxlokꞌi le̱ naꞌ e̱yucuaꞌ re nak ta̱najtokꞌ ru le̱ yuꞌam saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Levítico 20:9

Li ani tixmajecua lix naꞌ, malaj ut lix yucuaꞌ, ta̱camsi̱k. Ut aꞌan cuan xma̱c nak ta̱camsi̱k.

Éxodo 21:17

Ut li ani tixmajecua xnaꞌ xyucuaꞌ, aꞌan tento ta̱camsi̱k.

Deuteronomio 5:16

Che-oxlokꞌi le̱ naꞌ le̱ yucuaꞌ joꞌ xextakla cuiꞌ li Dios re nak ta̱najtokꞌ ru le̱ yuꞌam ut re ajcuiꞌ nak us tex-e̱lk saꞌ li chꞌochꞌ li yo̱ chixqꞌuebal e̱re li Ka̱cuaꞌ le̱ Dios.

Proverbios 23:22

Chex-abi̱nk chiru le̱ yucuaꞌ xban nak cui ta ma̱cꞌaꞌ aꞌan, ma̱cꞌaꞌex ajcuiꞌ raj la̱ex. Me̱tzꞌekta̱na le̱ naꞌ nak ac xchecoꞌ. Cheqꞌue ban xlokꞌal.

Levítico 19:3

Chexucua̱k ru le̱ naꞌ e̱yucuaꞌ. Ut te̱oxlokꞌi li hiloba̱l cutan. La̱in li Ka̱cuaꞌ le̱ Dios xinyehoc re aꞌin.

San Mateo 19:19

Cha-oxlokꞌi la̱ naꞌ a̱yucuaꞌ ut chara la̱ cuas a̱cui̱tzꞌin joꞌ nak nacara a̱cuib la̱at, chan.

Efesios 6:1

Joꞌcan ajcuiꞌ la̱ex, alalbej. Chex-abi̱nk chiru le̱ naꞌ e̱yucuaꞌ saꞌ xcꞌabaꞌ li Ka̱cuaꞌ xban nak aꞌan kꞌaxal us xba̱nunquil.

Proverbios 20:20

Li ani naxtzꞌekta̱na lix naꞌ xyucuaꞌ kꞌaxal ra tixcꞌul nak ta̱ca̱mk. Chanchan nak nachup li xam saꞌ kꞌojyi̱n.

Deuteronomio 27:16

Tzꞌekta̱nanbil li ani tixtzꞌekta̱na xnaꞌ xyucuaꞌ. Ut chixjunileb li tenamit teꞌxye: Joꞌcan taxak.

Romanos 3:31

¿Ma nakasach xcuanquil li chakꞌrab xban xpa̱banquil li Cristo? Incꞌaꞌ. Riqꞌuin ban xpa̱banquil li Cristo yo̱co chixqꞌuebal xcuanquil li chakꞌrab.

Proverbios 30:17

Li ani tixhob lix yucuaꞌ ut li ani tixtzꞌekta̱na lix naꞌleb li ta̱qꞌuehekꞌ xban lix naꞌ, aꞌ ta eb li soꞌsol cheꞌisi̱nk lix nakꞌ ruheb ut teꞌxtiu lix tibeleb.

San Mateo 4:10

Tojoꞌnak li Jesús quichakꞌoc ut quixye re: —Elen chicuu la̱at aj tza, xban nak joꞌcaꞌin tzꞌi̱banbil saꞌ li Santil Hu: Li Ka̱cuaꞌ la̱ Dios ta̱lokꞌoni ut caꞌaj cuiꞌ chiru aꞌan tatcꞌanjelak.— (Deut. 6:13)

Isaías 8:20

Tzolomak li cꞌaꞌru naxye saꞌ lix chakꞌrab li Dios. Cui incꞌaꞌ nequeꞌxye e̱re chi tzꞌakal li cꞌaꞌru cuan saꞌ li chakꞌrab, aꞌan xban nak toj ma̱jiꞌ nequeꞌxtau lix ya̱lal.

San Mateo 15:3

Li Jesús quichakꞌoc ut quixye reheb: —Ut la̱ex, ¿cꞌaꞌut nak nequekꞌet li chakꞌrab qꞌuebil e̱re xban li Dios riqꞌuin xba̱nunquil le̱ najter naꞌleb li cꞌaynakex chixba̱nunquil?

San Mateo 15:5

Aꞌut la̱ex nequeye cui cuan junak incꞌaꞌ naraj xtenkꞌanquil lix naꞌ xyucuaꞌ, li jun aꞌan tixye re lix naꞌ xyucuaꞌ, “ac mayejanbil chiru li Dios li cꞌaꞌru raj ta̱ru̱k tatintenkꞌa cuiꞌ.” Ut incꞌaꞌ chic tento tixtenkꞌa lix naꞌ xyucuaꞌ, chanquex.