San Mateo 13:52 - Li Santil hu

⁵² Li Jesús quixye reheb: —Joꞌcan nak chixjunileb li nequeꞌxnau cꞌaꞌru naxye saꞌ li chakꞌrab ut nequeꞌxtzol rib cuiqꞌuin, eb aꞌan chanchaneb laj e̱chal cab li narisi saꞌ lix cꞌu̱leba̱l li cꞌaꞌru acꞌ joꞌ ajcuiꞌ li cꞌaꞌru kꞌel, chan li Jesús. (Quixye chi joꞌcan xban nak cuan xlokꞌal li naꞌleb qꞌuebil najter xban li Dios ut cuan ajcuiꞌ xlokꞌal li acꞌ naꞌleb qꞌuebil xban li Jesús.)

Q'eqchi Bible

⁵² Ut a'an kixye reheb': —Jo'kan naq chixjunil laj tz'iib' li x'ok cho'q xtzolom li xnimajwal wankilal li choxa chanchan jun li winq aj eechal kab'l li narisi chaq sa' li xk'uuleb'aal li k'aru ak' ut li k'aru q'eel.

San Mateo 13:52 ပူးပေါင်းရင်းမြစ်များ

Tito 1:9

Incꞌaꞌ nachꞌinan xchꞌo̱l saꞌ lix pa̱ba̱l. Naxpa̱b ban chi anchal xchꞌo̱l lix ya̱lal li quicꞌuteꞌ chiru re nak tixnau xchꞌolobanquil lix ya̱lal chiruheb li rech aj pa̱banelil ut tixnau xqꞌuebal xnaꞌlebeb li nequeꞌcuechꞌin re li cꞌaꞌru naxye.

San Mateo 12:35

Li cha̱bil cui̱nk naa̱tinac chi cha̱bil xban nak cha̱bil li cuan saꞌ xchꞌo̱l. Ut li cui̱nk li incꞌaꞌ us lix naꞌleb, yibru naa̱tinac xban nak incꞌaꞌ us li cuan saꞌ xchꞌo̱l.

Proverbios 15:7

Eb li cuanqueb xnaꞌleb nequeꞌxqꞌue xnaꞌlebeb nabal. Ut eb li ma̱cꞌaꞌeb xnaꞌleb moco joꞌcan ta nequeꞌxba̱nu.

Esdras 7:21

Anakcuan la̱in, li rey Artajerjes, yo̱quin xqꞌuebal li chakꞌrab reheb chixjunileb laj xocol tumin li cuanqueb jun pacꞌal li nimaꞌ Éufrates nak teꞌxqꞌue chi junpa̱t chixjunil li cꞌaꞌru ta̱patzꞌ la̱at, Esdras. La̱at aj tij ut nacanau chi us li chakꞌrab li qꞌuebil e̱re xban li Dios cuan saꞌ choxa.

Esdras 7:10

Laj Esdras quixqꞌue xchꞌo̱l chixtzolbal ut chixba̱nunquil li naxye saꞌ li chakꞌrab li qꞌuebil xban li Ka̱cuaꞌ. Ut quixqꞌue ajcuiꞌ xchꞌo̱l chixchꞌolobanquil lix ya̱lal li tzꞌi̱banbil saꞌ li chakꞌrab reheb laj Israel.

San Lucas 11:49

Li Dios, aꞌan cuan xnaꞌleb. Joꞌcan nak quixye, “La̱in tintaklaheb li profeta ut eb li apóstol riqꞌuineb. Saꞌ xya̱nkeb aꞌan cuan te̱camsiheb, ut cuan ajcuiꞌ te̱ta̱keheb re xchapbaleb.”

San Mateo 23:34

La̱in tintaklaheb e̱riqꞌuin li profeta ut li cuanqueb xnaꞌleb ut eb laj tzolonel. Abanan la̱ex incꞌaꞌ te̱rabi. Ut saꞌ xya̱nkeb aꞌan, cuan te̱camsiheb, cuan te̱qꞌueheb chiru cruz, ut cuan cuiꞌchic li te̱rahobtesiheb saꞌ li cab li nequechꞌutub cuiꞌ e̱rib chixtzolbal ra̱tin li Dios. Ut cuan cuiꞌchic te̱ta̱keheb saꞌ li junju̱nk chi tenamit re xchapbaleb.

Proverbios 18:4

Li cha̱bil a̱tin li naxye li cui̱nk li cuan xnaꞌleb, aꞌan chanchan li yuꞌam haꞌ li nabe̱c rok ut incꞌaꞌ nachakic.

Colosenses 3:16

Li ra̱tin li Cristo chicana̱k saꞌ e̱chꞌo̱l chi junelic re nak cua̱nk e̱naꞌleb. Chetzolak e̱rib che̱ribil e̱rib ut chetenkꞌa e̱rib che̱ribil e̱rib saꞌ le̱ pa̱ba̱l. Chexbicha̱nk re xlokꞌoninquil li Dios. Chexbicha̱nk joꞌ naxcꞌut che̱ru li Santil Musikꞌej ut junelic chexbantioxi̱nk chiru li Dios.

Colosenses 1:7

Lix ya̱lal aꞌan quichꞌoloba̱c che̱ru xban laj Epafras. Aꞌan kochben chi cꞌanjelac chiru li Cristo ut raro kaban. Aꞌan jun cha̱bil aj cꞌanjel che̱ru saꞌ xcꞌabaꞌ li Jesucristo.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

San Juan 13:34

Jun li acꞌ chakꞌrab tinqꞌue e̱re anakcuan nak cherahak e̱rib che̱ribil e̱rib. Joꞌ nak nequexinra la̱in, joꞌcan ajcuiꞌ nak te̱ra e̱rib la̱ex che̱ribil e̱rib.

Cantares 7:13

Ta̱cuutzꞌ xsununquil li acui̱mk mandrágoras. Saꞌ li kochoch cuan nabal pa̱y ru li quiꞌil kꞌe̱n. At xsum li cua̱m, la̱in xinxoc chokꞌ a̱cue chixjunil li ta̱sahokꞌ cuiꞌ a̱chꞌo̱l. Cuan li ac xchakic ut cuan ajcuiꞌ li toj xinsicꞌ.

Proverbios 11:30

Li ti̱quilal naqꞌuehoc yuꞌam. Li ani cuan xnaꞌleb naxchꞌolob xya̱lal re nak jalaneb chic teꞌxtau li junelic yuꞌam.

Esdras 7:6

Laj Esdras aꞌan tzolbil chi us riqꞌuin li chakꞌrab li quiqꞌueheꞌ re laj Moisés xban li Ka̱cuaꞌ lix Dioseb laj Israel. Ut xban nak li Ka̱cuaꞌ quitenkꞌan re laj Esdras, chixjunil li cꞌaꞌru quixtzꞌa̱ma chiru li rey, quiqꞌueheꞌ re. Laj Esdras qui-el Babilonia ut co̱ Jerusalén.

Efesios 3:4

Nak te̱ril xsaꞌ li hu li xintzꞌi̱ba e̱riqꞌuin, te̱nau nak ninnau chi tzꞌakal lix ya̱lal chirix li Cristo, li mukmu nak quicuan.

2 Corintios 6:10

Kꞌaxal ra cuanco, abanan junelic sa saꞌ kachꞌo̱l. Nebaꞌo, abanan nabal nequeꞌxcꞌul xbiomal nak nakachꞌolob chiruheb lix ya̱lal. Ma̱cꞌaꞌ cuan ke arin saꞌ ruchichꞌochꞌ, abanan nakanau nak biomo xban nak cuan li rusilal li Dios kiqꞌuin.

1 Timoteo 3:6

Tento nak laj cꞌamol be acak xqꞌui saꞌ lix pa̱ba̱l. Ma̱re anchal tixnimobresi rib ut ta̱tꞌanekꞌ saꞌ li tojbal ma̱c quitꞌaneꞌ cuiꞌ laj tza.

San Mateo 13:51

Li Jesús quixpatzꞌ reheb: —¿Ma xetau xya̱lal chixjunil li jaljo̱quil ru a̱tin aꞌin?— Eb aꞌan queꞌchakꞌoc ut queꞌxye re: —Ka̱cuaꞌ, xkatau xya̱lal, chanqueb.

San Mateo 13:53

Ut nak quirakeꞌ xyebal li jaljo̱quil ru a̱tin aꞌin, li Jesús qui-el saꞌ li tenamit Capernaum.

San Mateo 28:19

Joꞌcan utan texxic saꞌ chixjunil li ruchichꞌochꞌ ut te̱chꞌolob lix ya̱lal chiruheb chixjunileb li tenamit re nak teꞌpa̱ba̱nk. Te̱cubsiheb xhaꞌ saꞌ xcꞌabaꞌ li Dios Acuabej, saꞌ xcꞌabaꞌ li Dios Cꞌajolbej ut saꞌ xcꞌabaꞌ li Dios Santil Musikꞌej.