San Mateo 11:8 - Li Santil hu

⁸ ¿Cꞌaꞌ put ru coxe̱ril chak? ¿Ma junak cui̱nk cha̱bil xtikibanquil coxe̱ril chak? Aꞌ li cha̱bileb rakꞌ saꞌ rochocheb li rey cuanqueb.

Q'eqchi Bible

⁸ K'a' put ru koxeeril chaq? Ma jun li winq tiqto rik'in chaab'il aq'ej? Eb' li tiqtookeb' chi chaab'il, sa' rochocheb' li awab'ej wankeb'.

San Mateo 11:8 ပူးပေါင်းရင်းမြစ်များ

San Mateo 3:4

Li rakꞌ narocsi laj Juan, aꞌan yi̱banbil riqꞌuin rix li xul camello ut lix cꞌa̱mal xsaꞌ aꞌan yal tzꞌu̱m. Aj sa̱cꞌ naxtzaca riqꞌuin xyaꞌal sak cꞌau.

Zacarías 13:4

Ut eb li profeta aj balakꞌ teꞌxuta̱na̱k xban li ticꞌtiꞌ li ac xeꞌxye. Ut incꞌaꞌ chic teꞌbalakꞌi̱nk riqꞌuin rocsinquil li rakꞌ profeta chirixeb.

Isaías 20:2

Saꞌ eb li cutan aꞌan li Ka̱cuaꞌ quia̱tinac riqꞌuin laj Isaías li ralal laj Amoz ut quixye re: —Isi li kꞌes ru tꞌicr li cuan cha̱cuix ut li xa̱b li cuan cha̱cuok, chan. Ut joꞌcan quixba̱nu laj Isaías. Quibe̱c chi ma̱cꞌaꞌ xa̱b ut chi ma̱cꞌaꞌ li kꞌes ru tꞌicr chirix.

2 Reyes 1:8

Eb li takl queꞌxye: —Li rakꞌ yi̱banbil riqꞌuin rix li xul. Ut lix cꞌa̱mal xsaꞌ yi̱banbil riqꞌuin tzꞌu̱m, chanqueb. Li rey quixye reheb: —Aꞌan laj Elías nacuabi, chan.

Apocalipsis 11:3

La̱in tintaklaheb cuib aj cꞌanjel chicuu. Cua̱nk rakꞌeb chirix kꞌes ru retalil li rahil chꞌo̱lej. Eb aꞌan teꞌxye cuesilal chiru oxib chihab riqꞌuin cuakib po.—

2 Corintios 11:27

Cau nincꞌanjelac ut xincuy li raylal. Xincuy li yoꞌlec ut cuan nak ma̱cꞌaꞌ intzacae̱mk. Xincuy intzꞌocajic ut xincuy inchaki el. Xincuy li que chi incꞌaꞌ tzꞌakal li cuakꞌ.

1 Corintios 4:11

Toj chalen anakcuan yo̱co chixcuybal kasaꞌ ut ta̱chakik ke. Ma̱cꞌaꞌ chic kakꞌ. Sacꞌbilo ut ma̱cꞌaꞌ kochoch.

Deuteronomio 28:54

Chi moco li cui̱nk li kꞌaxal tu̱lan ut kꞌun xchꞌo̱l li cuan saꞌ e̱ya̱nk ta̱ril xtokꞌoba̱l ruheb li ras ri̱tzꞌin, chi moco li rixakil li raro xban, chi moco lix cocꞌal.

San Mateo 11:7

Ut nak queꞌel eb aꞌan, qui-oc chi a̱tinac li Jesús riqꞌuineb li tenamit chirix laj Juan ut quixye chi joꞌcaꞌin: —¿Cꞌaꞌru coxe̱ril chak saꞌ li chaki chꞌochꞌ? ¿Ma junak cui̱nk nacuiban xchꞌo̱l chanchan li caxlan aj yo̱ recꞌasinquil xban ikꞌ coxe̱ril chak?

San Mateo 11:9

¿Cꞌaꞌru coxe̱ril chak? ¿Ma junak profeta coxe̱ril chak? Ya̱l nak aꞌan jun profeta. Abanan la̱in tinye e̱re nak li jun aꞌin naxkꞌax ru xcuanquil junak profeta.

San Lucas 7:25

¿Cꞌaꞌru queril chak? ¿Ma junak cui̱nk cha̱bil xtikibanquil queril chak? Li cha̱bileb rakꞌ ut li cuanqueb saꞌ sahil chꞌo̱lej, eb aꞌan saꞌ rochoch eb li rey cuanqueb.